terça-feira, 19 de novembro de 2013

“Antero Rezeita Involve Iha Konsellu Revolusaun”

.

Jornal Nacional Diario - Tersa-feira, 19 Novembru 2013

Dosente Universidade Nacional Timor Lorosa’e (UNTL), Fakuldade Sosial Politika (FASPOL), Antero Bendito da Silva, rezeita envolve-an iha Konsellu Revolusaun hodi kontra Estadu ida ne’e.

Tuir Antero Bendito da Silva, ninia partisipasaun iha seminariu ne’ebe mak organiza sagrada familia halao iha kampus UNTL, Caicoli Dili foin lalais ne’e hanesan moderador. Dosente UNTL ne’e akresenta katak, razaun seminariu ida ne’e halo iha UNTL Kaikoli, Dili, tanba fatin ida ne’e istoriku no mos Organizasaun Sagrada familia fahe Certifikadu rekoinesimentu ba membru sagrada familia nebe uluk tempo Indonesia mobiliza estudante UNTIM hamutuk ho organizasaun rezistensia sira seluk halo manifestasaun kontra Indonesia.

 “Hau hanoin ita nia servisu informasaun sira ne’e mak fo informasaun la kompletu ba Primeiru Ministru ho ita nia lideransa sira seluk, seminariu ne’ebe mak hala’o iha UNTL, Caicoli, organiza husi organizasaun rezistensia, sagrada familia, ne’ebe kuaze membru FALINTIL antigu sira ne’e barak mak iha laran, inklui Maijor Lere, no sertifikadu ne’e rasik tempo ne’eba mai husi Maijor Lere Anan Timur, nia mak asina sertifikadu ne’e,” esklarese Antero Bendito da Silva ba JN-Diario, Segunda (18/11) iha ninia kna’ar fatin UNTL Kaikoli Dili, relasiona ho informasaun ne’ebe espalha iha publiku katak, nia mak involve iha Konsellu Revolusaun.

 Nia hatutan seminariu ne’ebe hala’o iha UNTL ne’e, iha momentu neba mosu kontraversial iha fakuldade rasik, tanba dekanu la aseita maibe vise dekanu aseita tanba razaun katak, ida ne’e lierbdade opiniaun.

“Ami husi fakuldade husu atu realiza seminariu ne’e iha fatin ne’e, iha momentu ne’eba iha kontraversia iha fakuldade rasik, tanba dekanu la aseita, vise dekanu sira aseita ho razuan katak, ida ne’e liberdade opiniaun, no mos tanba fatin ne’e fatin istoriku, tanba ne’e mak sira husu fatin ne’e ba sira hodi halo seminariu ne’e, maibe opiniaun ne’ebe hasai ne’e laos opiniaun Universidade nian,” Antero da Silva akresenta.

 Eis Kordenador Dewan Solidaritas Mahasiswa dan Pelajar Timor-Leste iha tempu rezistensia ne’e haklaken katak, revolusaun ne’e ninia magritu ne’e barak, tanba ida mak doutrina ba Timor ninian luta ba independensia, tanba sa mak FRETILIN ninia ne’e tau nafatin revolusaun, se dehan Revolusaun hotu ona, entaun FRETILIN mos taka ona.

 “UNTL la envolvidu iha asaun ida ne’e, ami nain tolu mak marka prezensa iha seminariu momentu ne’eba husi UNTL, hanesan Armindo Maia, hau rasik (Bendito), no Natalino Gusmao, ami sira ne’e envolve mos nudar membru sagrada familia,” Antero Bendito fundamenta.

Antero hatutan, ba sosiedade jeral, ka revolusaun mental, maibe tamba Timor foin mak ukun an, ema dehan katak, atu luta ba libertasaun do povu, tanba espiritu rezistensia nian ne’ebe lideransa sira uluk tau hela katak, tenki konserva no haree espiritual luta nian.

 “Iha parte seluk mos ita dehan, revolusaun ne’e la diak, tanba iha kontradisaun iha ita nia opiniaun sira, revolusaun atu hatun estadu hodi troka ba estadu seluk, ida ne’e hau konsidera hanesan politika extra parlamentar ida, tanba agora dadaun ita haree ba iha parlamentu, FRETILIN ho Governu kuaze iha konkordansia iha orsamentu do Estadu, tanba ne’e mak hau respeita opiniaun husi Sr. Mauk Moruk nian, nia atu halo revolusaun ne’e oinsa, hau mos lahatene,” afirma Antero Bendito.

Maibe dehan nia, UNTL nia hanoin ba revolusaun ne’e, atu dezenvolve nasaun ne’e ba oin, tanba iha Timor Leste (TL) ne’e, violensia mos impoin husi nasaun Indonesia, Australia, Amerika no nasaun sira seluk ne’ebe iha kilat, Timor simu konsekuensia husi violensia ne’e.

Maibe katak Antero bendito, entre Timor oan kuandu uza violensia, ida ne’e hakat liu ona limitis, tanba ne’e Antero la fiar katak, Mauk Moruk ne’ebe ema rezistensia ida atu halo fali rezistensia armada hodi kontra fali Estadu ne’ebe nia rasik funda.

Antero Bendito fundamneta katak, konseitu Mauk Moruk nian ba revolusaun ida ne’e, parese nia halo ona konsulta ho ema barak katak, atu nesesita atu halo politika extra parlamentu ruma, maibe UNTL la envolve iha pratikas.
.

Sem comentários:

Publicar um comentário

Nota: só um membro deste blogue pode publicar um comentário.