terça-feira, 19 de novembro de 2013

“Diarea As Iha Postu Saude Maloa”

.

Jornal Independente - Tersa-feira, 19 Novembru 2013 

Labarik kiik ho idade 10 mai kraik hetan moras diarea rejistu as iha postu saude Maloa, Dili, tanba la kuida ambiente moos iha sira nia hela fatin. 

Responsavel postu saude, Infermeira Isaias da Costa hateten, iha semana rua nia laran depois de udan monu rai iha postu saude ne’e rejistu labarik ho moras diarea ne’e as kompara ho moras seluk. 

“Ami simu pasiente ne’ebe mak ho moras diarea ne’e maioria labarik kiik ho idade 1 mai kraik hamutuk nain 34 mak ami atende,” hateten infermeiru ne’e ba Independente iha nia servisu fatin postu sauda maloa orsehik. 

Nia hatutan, moras nee mosu barak tanba inan aman sira la kuidadu no hamos ambiente ne’ebe mak sira hela ba, entaun udan tun foer sira ne’ebe dodok ona konvida lalar ba hobur hahan labarik sira nian. 

 Lalar sira ne’e lori bacteria moras diarea nian ne’e ba hahan, tenik Isaias. 

 Nia hatutan, labarik sira ne’e nain 12 mak halo ruzukan ba iha Hospital nasional Guido valadares (HNGV) hodi halo tratamentu kontinua tanba sira nia kondisaun grave. 

 Tanba ne’e, nia husu ba inan aman sira tenki hamos sira nia hela fatin, karik iha labarik ruma mak muta ka te been tenki lori lalais ba hospital ne’ebe besik hodi hetan tratamentu intensivu. 
,

Sem comentários:

Publicar um comentário

Nota: só um membro deste blogue pode publicar um comentário.