sexta-feira, 8 de novembro de 2013

Involve Krime Korrupsaun “Tribunal Fo Kastigu Abilio Lima Tinan 5”

.

Jornal Nacional Diario - Kinta-feira, 07 Novembru 2013 

Tribunal Distritu Dili (TDD), Kuarta (30/10/2013), kondena Eis Sekretariu Estadu Meu Ambiente (SEMA), Abilio Lima ho pena prizaun tinan 5 no selu indiminizasaun sivil U$ 5,300.00 ho kustu Judisial U$ 50,00, Tribunal mos kondena arguidu Antonio da carvalho, eis Xefi Gabinete SEMA ho pena prizaun tinan 3 fulan 6, no selu indeminizasaun sivil U$ 5,300.00 ho kustu Judisial U$ 20,00. 

Tantu Tribunal mos kondena arguidu Ilda da Costa Be Loi, Eis Tezoreiro iha SEMA ho pena prizaun tinan 1 fulan 3, maibe suspende ba tinan 3 fulan 6 no kustus judicial US$ 20,00. 

Desizaun Tribunal primeira instansia ne’e desidi tanba arguidu sira, provadu involve iha krime korrupsaun ativu, korrupsaun pasiva ba aktu ilisitu, pekulatu, no falsifikasaun ba dokumentus ka notasaun teknika ne’ebe akontese iha Dezembru 2010 nia laran. 

Antes ne’e, Ministeriu Publiku (MP) liu husi alegasaun final, husu ba Tribunal atu alika tan artigu 301 Kodigu penal kona-ba agravasaun ba arguidu Abilio Lima tanba arguidu nega faktus sira ne’ebe akuza ba nia. MP mos husu atu Tribunal kondena arguidu tinan 5 prizaun tanba arguidu komete krime diferente rua kona-ba korupsaun ativu tuir artigu 294 no artigu 295 Kodigu penal kona ba pekulatu no artigu 301 kodigu penal kona ba agravasaun. 

 MP mos husu ba Tribunal atu kondena arguidu selu indeminizasaun sivil ba Estadu hamutuk U$3,850.00, Arguido Antonio de Carvalho, MP husu atu Tribunal kondena tinan 3 prizaun maibe suspende nafatin ba tinan 3 tanba arguidu konfesa faktus, arepende no estraga fila fali osan ne’ebe nia uza ona. Iha kazu ne’e, MP akuza arguidu kontra artigu 295 Kodigu Penal kona-ba pekulatu, arguida Ilda da Costa Be Loi, MP husu atu Tribunal kondena ho pena prizaun tinan 3 maibe suspende tiha ba tinan 5 tanba arguidu arepende ninia hahalok, konfesa, no entrega fila fali ona osan ne’ebe nia uza. 

 MP mos akuza arguidu kontra artigu 292 Kodigu penal kona-ba korupsaun pasiva ba aktu ilisitu no 303 Kodigu penal kona-ba falsifikasaun ba dokumentus ka notasaun teknika. Leitura akordaun ne’e dirije husi reprejetante juiz koletivu Ana Paula Fonseca, no MP reprejenta hisi Prokurador Angelina Saldanha no defeza reprejetante Manuel Sarmento, Cancio Xavier ho Fernando Lopes da Carvalho. 
.

Sem comentários:

Publicar um comentário

Nota: só um membro deste blogue pode publicar um comentário.