segunda-feira, 4 de novembro de 2013

'Jesus no Anjos Santos lubuk ida uza Xanana ho nia membros governo nia relogio hanesan ventunha para kehe an'

.

LEBA FICOF

Timor oan ida mate no depois ba iha Lalehan. Tuir mai nia hamrik iha São Pedro nia oin, iha Odamatan bo'ot Lalehan.
 
Timor oan ne'e hare relogio barak belit iha didin bot ida iha São Pedro nia kotuk.

Nia husu, 'relogio sira ne'e para halo saida? 'São Pedro hatan. 'Relogio sira ne'e relogio atu detekta ema bosokten sira'.

Ema hotu iha Mundo Rai nian iha Relogio-Bosokten iha didin ne'e. Wainhira o bosok ona entaun o nia relogio iha didin ne'e sei bo'ok an.'

'Oh,' timor oan ne'e hatan ho admira,'se nia relogio maka ne'eba ne'e?'

'Ne'eba ne'e Mother Teresa nia relogio. Relogio nia daun nunka bo'ok an, indika katak nia nunka bosok.'

'Wow,' botamak ne'e hatan. 'No se nia relogio maka ne'eba ne'e?'
 
São Pedro hatan, 'Ne'eba ne'e o nia Avo Xavier nia relogio. Ninia relogio so bo'ok an dala rua deit, hatudu katak Avo Xavi so bosok dala rua deit iha nia moris tomak.'

'Be Primeiro Ministro Xanana ho nia governo nia relogio iha ne'ebe?' Timor oan ne'e husu.

São Pedro nonok tiha depois hafoin dada is naruk dehan: 'Xanana ho nia membro governo Koligasaun sira nia relogio iha hela Jesus nia kantor'.
 
'Jesus no Anjos Santos lubuk ida uza Xanana ho nia membros governo nia relogio hanesan ventunha para kehe an'.
.

Sem comentários:

Publicar um comentário

Nota: só um membro deste blogue pode publicar um comentário.