sexta-feira, 22 de novembro de 2013

Kontra Rezolusaun Governu “PN Husu Prosesa PSHT Ba Tribunal”

.

Jornal Independente - Sesta-feira, 22 Novembru 2013

Governu hasai ona rezolusaun hodi taka atividade arte-marsiais Persaudaraan Setia Hati (PSHAT), KORK, Kera Sakti, maibe PSHT lakohi obdese ba desizaun ne’e, hodi kontinua hala’o nafatin sira nia atividade iha nasaun ne’e. Liu husi servisu Unidade Polisia Fronteira (UPF). 

Foin lalais ne’e konsege kaptura membru PSHT lubuk ida ne’ebe atu ba hasai sintu sabuk iha Indonesia. Ne’e duni, membru parlamentu Nasional (PN) ezije ba PNTL atu lori arte-marsiais hirak ne’e hodi ba hataan iha Tribunal, tanba kontra ona rezolusaun Governu nian.

 Deputadu Francisco Miranda Branco hateten, Governu hatun ona rezolusaun hodi atividade artemarsiais ne’ebe kontra lei, tanba iha TL administrativamente governu mak iha responsabldiade.

Iha fatin hanesan, Deputadu husi Komisuan B PN, Cecar Valente ‘Piloto’ hateten, luta ba ukun rasik an ne’e laos ba artemarsiais sira mak liberta rai doben Timor-Leste, ne’ebe rezolusaun Governu hasai ona PNTL tenke halo atuasaun hodi hapara. “PSHT ne’e fo kontribuisaun saida ba nasaun ne’e?

 Ita haree sira nia kontribuisaun mak hakotu ema nia vida iha uma leet sira ne’e, tanba ne’e absolutamente PNTL tenki atua lalais,” nia afirma. Tuir nia, lalika uza direitu humanu hodi viola fali sidadaun ka hakotu ema nia vida, ne’e krime, no polisia presiza atu no lori ba tribunal.

“Ita hare iha rezolusaun pena akompania duni, ne’ebe se mak la tuir lei bele prosesa ba justica, liuliu ba Tribunal,” nia afirma. Ante ne’e PNTL liu husi UPF kaptura tan artemarsiais PSHT iha Fronteira Palaka.
.

Sem comentários:

Publicar um comentário

Nota: só um membro deste blogue pode publicar um comentário.