terça-feira, 19 de novembro de 2013

“Kursu Mestradu Ho Doutoramentu Iha UNTL Paradu”

.

Jornal Nacional Diario - Tersa-feira, 19 Novembru 2013

Programa kursu Mestradu no Doutoramentu iha Universidade Nasional Timor Lorosa’e (UNTL) paradu tanba impedementu husi Vise Ministru Edukasaun Ensinu Superior. Vise Reitor Pos Graduasaun Francisco Miguel Martins informa kestaun ne’e ba Jornalista sira iha Centro Convencoes Dili (CCD), hafoin partisipa serimonia graduasaun ba finalista medisina segunda (18/11).

Francisco Miguel Martins hatutan katak, programa kursu mestradu ho doutoramentu surante semester rua ba iha area tolu ka hat deit mak la’o maibe area seluk la la’o tamba mosu mal intendementu husi Vise Ministru Edukasaun Ensinu Superior.

 “Tanba sa mak la lao? Mosu impedementu husi Vise Ministru edukasaun Ensonu Superior la kanaliza didiak, Loloos ne’e nia tenki kanaliza didiak Orsamentu Jeral Estadu (OJE) ne’ebe mak aprova husi Parlamentu Nasional atu finansia formasaun ba rekursu kualdiade elevada no avansada ba professor UNTL,” dehan Francisco Miguel.

 Nia hatutan katak, mal entendenmentu husi Vice Ministru edukasaun, impede tiha formasaun ba profesores Timor oan sira atu eleva kasira rekursus humanus iha Universidade liu husi formasaun atu nune’e ba futuru kaer rasik kuda talin labele depende ba asesor mai bei-beik gastu osan maka’as.

Francisco Miguel esplika liu tan katak, UNTL liu husi desizaun nasional no peskiza, planeia buat sira ne’e hotu atu kopera ho Universidade internasional hodi konvida profesores doutor iha area ida-idak hodi mai fo formasaun maibe mosu fali impedementu, entaun aula ne’e to’o agora paradu hela.

 Nia mos akresenta liu tan katak, kursu programa mestradu no doutoramentu semester rua tomak, ne’ebe la’o mak hanesan klinikas pros mediku, Geolojia, Pediatria, area espesializasaun medikus no mos medisina tropical, saude komunitaria.

Entertantu, to’o notisia ne’e fo sai, Jornalista husi Jornal ne’e seidauk hetan konfirmasaun Vise Ministru Edukasaun Ensinu Superior.
.

Sem comentários:

Publicar um comentário

Nota: só um membro deste blogue pode publicar um comentário.