sexta-feira, 22 de novembro de 2013

Maijen Lere: “Laiha Nesesidade L-7 Hatais Farda”

.

Jornal Nacional Diario - Sesta-feira, 22 Novembru 2013 

Xefe Estadu das FALINTIL-Forca Defeza Timor-Leste (F-FDTL) Maijor jeneral (Maijen) Lere Anan Timur hateten katak, laiha ona nesesidade para veteranu Cornelo Gama “L-7” inklui nia membru sira hatais farda, tanba tuir Konstituisaun RDTL define ona katak, instituisaun rua (F-FDTL no PNTL) mak iha direitu atu atais farda. 

 Maijen Lere hatutan katak, tuir lei no instituisaun F-FDTL no PNTL mak bele iha kilat no farda maibe instituisaun seluk laiha no labele uza. 

 “F-FDTL nian mak ita hare deit ba lei, ita nia konstituisaun, so instituisaun rua mak bele iha kilat, bele iha farda, instituisaun seluk laiha maibe ita hare prozemplo hanesan katuas L-7 nian ne’e farda ne’ebe bistua ne’ebe sira uluk hatais, mais hau duvida podia farda ne’e uluk fo ami iha ailaran ne’eba, tamba iha ai-laranne’eba ita presiza farda, be nesesidade sira rai-rai foin mak hatais, ne;ebe ida ne’e kontrariu tanba laiha ona nesesidade atu hatais farda ona, sira hatais fali farda,” dehan Maijen Lere ba Jornalista sira iha palacio Prezidensial aitarak laran Dili, (20/11) hafoin hasoru malu ho PR Taur Matan Ruak. 

Maijen Lere Anan Timur mos konsidera katak, hatais farda military ne’e problema kiikoan ida, tanba ne’e sei rejolve. 

“Sora nein koalia buat ida, ita halo buat seluk ne’e hau hanoin la los ona, mais ida ne’e ita labele preokupa demais ho ida ne’e, ida ne’e problema kiikoan i sei rejolve,” komandante F-FDTL ne’e hateten. 

 Aleinde ne’e, nia dehan, oras ne’e dadauk Timor-Leste veteranus barak tamba oras ne’e dadauk veteranus sira simu subsidiu, maske nune’e nia hateten, neineik ba neineik bele hadiak. 

 “Veteranus ne’e agora iha Timor ne’e barak, veteranu barak ne’e dala ruma iha prosesu maka iah difesensia ruma, ita hotu dehan veteranus mais osan ne’e mak halo veteranus barak, so se mak veteranu mak veteranu, mas tanba osan hotu-hotu hadau para buka sorte, hau bele dehan katak, sira ne’e uluk hakarak autonomia mos agora simu osan nuudar veteranu mas nei-neik hau hanoin ita sei hadia,” dehan Maijen Lere. 

Durante enkontru ho Xefe Estadu, Taur Matan Ruak, Maijen Lere informa kona ba situasuan iha rai laran no situasaun F-FDTL nian. Tuir Lere katak, situasaun iha rai laran diak hela, hotu-hotu akompania situasaun parte Leste to’o Oeste, parte Dili situasaun diak. 
,

Sem comentários:

Publicar um comentário

Nota: só um membro deste blogue pode publicar um comentário.