quarta-feira, 6 de novembro de 2013

Mauk Moruk: “Rezeita Deklarasaun PM Xanana”

.

Jornal Nacional Diario - Kuarta-feira, 06 Novembru 2013 

Komandante brigada Vermellha FALINTIL iha tempo rezistensia, Paulino Gama ‘Mauk Moruk’ rezeita deklarasaun Primeiru Ministru, Kay Rala Xanana Gusmao nian ne’ebe hateten, nia (Mauk-Moruk) maka bolu TNI ataka David Alex ‘Daitula’. 

Deklarasaun Xanana Gusmao iha Jornal Nacional Diario Kinta (31/10) iha pagina primeiru ho Titulu “Mauk Moruk mak bolu TNI ataka Ataka Daitula” deklarasaun ne’e inventa istoria ida ingracado. 

 Mauk Moruk dehan tan, nia kontradisoens iha ai laran ho Xanana Gusmao invesde se kilat ba malu ka tiru malu maibe nia prefere tun mai vila hamutuk ho populasaun iha vila laran, tan ne’e fahe malu iha 1985 agora deklara Mauk Moruk mak bolu TNI oho Daitula ne’e la los tanba nia tun mai vila iha 1985 no Daitula mate iha 1996, ne’e tinan 11 liu ba kotuk nebe nia tun ona mai vila. 

“Hau nia klamar mak mai lori TNI oho Daitula? Mak kaer daitula depois hau ba rende iha venilale 1996?” Duvida Mauk Moruk iha konferensia imprensa, segunda (04/11) iha Tutugua, Sub Distritu laga, Distritu baucau. Eis FALINTIL nee mos relembra iha fulan hirak liu ba Governu obriga ho forsa hasai ninia kamarada sira ne’ebe halo toos no natar iha Welaluhu, tamba ne’e nia husu ba komandante jeral Polisia Nasional timor Leste, Komisariu longuinhos Monteiro atu labele abuza demais. Mauk Moruk mos informa katak, revolusaun pasifika ne’ebe nia parte halo ne’e sei termina iha bainhira seidauk hatene maibe nia so informa deit katak, revolusaun ne’e determina bainhira povu Maubere kaer ninia kuda talin rasik no aswain FALINTIL tuur ona iha nia fatin ho hakmatek mak determina revolusaun. 

Depois de remata konferensia da imprensa FALINTIL sira ne’ebe hatais boina mean ho komandnate kompania 5 seluk ne’ebe konsentra iha rezidensia L-7 nian hasai retratu hamutuk iha ruin FALINTIL nian hamutuk 436 ne’ebe oras ne’e sei rai hela iha Tutugua, Laga. 
.

Sem comentários:

Publicar um comentário

Nota: só um membro deste blogue pode publicar um comentário.