sexta-feira, 22 de novembro de 2013

“MS Lamenta SAMES Sunu Aimoruk Kareta Rua”

.

Jornal Nacional Diario - Sesta-feira, 22 Novembru 2013

Ministeriu Saude (MS) lamenta ho atetude Servisu Autonomia Medikamentus Ekipamentus Saude (SAMES) ne’ebe iha semana kotuk liu ba (sesta, 15/11) sunu aimoruk kuaze kareta rua (2) iha Tibar.

MS lamenta, tamba SAMES laiha informasaun neebe ba iha MS konaba aimoruk aitem hira mak sira sunu no rajaun tamba saida mak sunu aimoruk ne’ebe refere.

“Ami ladun kontenti tamba aimoruk ho kareta isin 11 ne’ebe sira (SAMES) ba sunu ne’e la iha informasaun ne’ebe klaru, sira fo deit konvite maibe laiha lampiran aitem hira mak atu ba sunu, no rajaun tamba saida, i aimoruk ne’e husi ne’ebe sira la informa,” Preokupa Diretor Dirasaun nasional Servisu Hospital Enkaminamentu (DNSNE), Horacio Sarmentu hodi relata ba Jornalista sira iha nia servisu fatin, Caicoli (20/11).

 Afirma nia, MS la dun kontenti ho atetude SAMES nian tamba bainhira sira atu ba sunu aimoruk kartea 11 iha Tibar iha semana kotuk foin lalais ne’e laiha informasaun ida ne’ebe klaru, entertantu, antes ne’e, SAMES nunka informa konaba aimoruk aitem hira no aimoruk saida deit mak inklui mos husi ne’ebe mak sira atu ba sunu.

“Ami la kontenti tamba sira la dun iha informasaun kona ba aimoruk ida ne’ebe mak atu ba sunu no aimoruk sira ne’e kompras iha ne’ebe i aitem hira,” haktuir nia.

Tanba tuir nia, lolos ne’e, SAMES tenki fo informasaun konaba aimoruk sira ne’e laos MS mak buka oinsa kondisaun aimoruk hirak ne’e no tamba saida mak tenke sunu.
,

Sem comentários:

Publicar um comentário

Nota: só um membro deste blogue pode publicar um comentário.