quarta-feira, 13 de novembro de 2013

“PR Taur: Mauk Moruk Lakon Oportunidade”

.

Jornal Nacional Diario - Tersa-feira, 13 Novembru 2013

Prezidenti Republika (PR) Taur Matan Ruak konsidera eis komandante Brigada vermelha, Paulino Gama “Mauk Moruk” lakon oportundiade ida mesak hodi esklarese ba Timor oan tomak relasiona ho historia pasadu nian tanba lapartisipa iha debate publiku iha Centru Convensoens Dili (CCD), Segunda (11/11).

 Xefi Estadu hateten, debate publiku ne’ebe hala’o iha CCD ne’e dialogu uniku tamba bele partisipa husi orgaun Estadu nian tomak hanesan Prezidenti Republika, Parlamentu Nasional, Governu no Tribunal de Rekursu.

 Tamba ne’e PR Taur hateten, dialogu ne’e importante tebes ba Timor oan tomak tamba bele halibur aan hodi haree problema ida que pasadu maske iha loron hirak semana ida liu ba book ema hotu nia atensaun, ema hotu nia preokuasaun kona ba historia pasadu.

 PR Taur mos hateten, depois simu tiha karta husi Primeiru Ministru (PM) Kay Rala Xanana Gusmao kona ba halo debate publiku, Prezidente Republika halo konvite especial ba eis komandante Gerileiru, Mauk Moruk atu hola parte mos iha enkontru ne’e hodi aprezenta versaun husi Mauk Moruk rasik kona ba problema ne’ebe liga pasadu historia Timor Leste nian.

“Prezidenti da Republika depois de simu karta Sr. Primeiru Ministru nian, halo konvite especial ida ba Sr. Mauk Moruk atu partisipa iha enkontru ida ne’e hodi klarifika oituan problema sira ne’ebe relasiona ho Sr. Mauk Moruk ho Sr. Primeiru Ministru ante ne’e koalidade Komadante em xefe das Forcas armadas da Libertasaun Nasional.

Emfelizmente hau rona simu informasaun katak, Sr. Mauk la mai. La partisipa iha serimonia ida ne’e, ne’e Mauk lakon oportundiade ida mesak atu bele mai iha ne’e hodi ema barak, Timor-oan barak nia oin, aprezenta nia versaun konaba problema ne’ebe liga pasadu historia Timor nian,” dehan PR Taur wainhira loke debate publika iha CCD. Nune’e Prezidenti da Republika la menta audensia ne’e, tanba ne’e Xefi Estadu hanoin katak Mauk Moruk fila mai Timor-Leste maibe mai para halo revolusaun.

 “Prezidenti da Republika la menta aujensia ne’e, Prezidenti da Republika hanoin katak, Mauk Moruk fila mai Timor Leste hodi ajuda dezenvolve Timor-Leste maibe mai para halo revolusaun,” dehan PR ho triste. Liu husi xefe Estadu nia intervensaun ne’e, Xefi estadu mos agradese ba partisipasaun eis gerileiru, Komandante Cornelio Gama “L7” tamba bele artisipa iha dialogu ne’e.

“Iha ne’e hau nia maun L7, aman, maun ba Mauk Moruk agradese ba ita boot nia prezensa tanba dala ida tan ita boot fo importansia ba enkontru ida ne’e, enkontru ida ne’ebe partikamente orgaun estadu nasaun ida nia iha ne’e hotu i laos deit ida ne’e halo kobertura especial ida para ke Povu Timor Leste tomak akompania diskusaun eventu ida ne’e nian,” afirma Xefe Estadu.

 Xefi Estadu tau atensaun boot ba koejaun politika no social hodi lori Timor Leste ba oin para fo Honra ba heroi sira ne’ebe mate ona, hodi fila Timor-Leste sai livre no independente.

 “Prezidenti da Republika tau atensaunmaka’as loos ba koezaun politika, koesaun social nasaun nian tamba aspeitu ru ane’e importante tebes, se Timor leste hakarak lori ita nia nasaun ba oin hodi fo honra ba sira hotu ne’ebe la ho ita, maske mehi hanesan ita mas mate hotu ona hodi fila ita nia nasaun, sai nasaun ida livre no independente,” dehan PR Taur.
.

Sem comentários:

Publicar um comentário

Nota: só um membro deste blogue pode publicar um comentário.