quinta-feira, 21 de novembro de 2013

“Sidadaun Indonesia 1 Mate Misteriu Iha Bairu Grilus”

.

Jornal Nacional Diario - Kinta-feira, 21 Novembru 2013 

Sidadaun Indonesia ida (1) ho naran Simon Nafan (37) mate Misteriu iha My Flower Bar nia oin Bairu Grilus. Komandante Polisia Servisu Investigasaun kriminal Nasional Superitendenti Calistro Gonzaga hateten, mate isin ne’e komunidade sira hetan latan hela iha estrada ninin iha My Flower nia oin no polisia seidauk dientifika kauza saida mak halo nia mate. 

“Ita seidauk bele identifika nia mate ne’e tanba saida? familia vitima koopera ho ita lori ona vitima ne’e ba halo autopsia no remata ona iha sabadu (16/11) maibe rejultadu seidauk entrega mai ita,” hateten Calistro ba Jornalista sira iha Kuartel jeral PNTL Kaikoli, Dili, Kuarta (20/11). 

Nia hatutan, mate isin Simon entrega ona ba iha familia matebian iha loron Domingo (17/11) no lori ona ba Indonesia kefa NTT liu husi nia embaixada iha TL. 

“Ita hein rezultadu autopsia mai mak ita foin bele loke prosesu, tanba husi autopsia mak it abele hatene nia mate ne’e,” dehan calistro. 

 Nia hatutan, vitima ne’e mai iha TL ho vistu turista, vitima hamutuk ho nia kolega nain lima aluga iha My Flower, maibe derepenti komunidade sira hetan fali nia isin mate iha estrada ninan sesta (17/11). 
.

Sem comentários:

Publicar um comentário

Nota: só um membro deste blogue pode publicar um comentário.