quarta-feira, 18 de dezembro de 2013

“Iha Kotuk Alfredo Hamnasa ho Woodside, Xanana Tanis”

.

Jornal Independente - Kuarta-feira, 18 Dezembru 2013 

Oras ne’e dadauk isu familia Pires naran boot los iha media internasional liliu iha media Australia no Timor-Leste relasiona ho brutalidade Polisia Australia hasoru Palmira Pires, alin husi Ministra Financas Emilia Pires no Bin husi Ministru Petroleu Rekursu Minarais (MPRM), Alfredo Pires, maski nune’e, iha sorin seluk tristeza boot ba Primeiru Ministru Xanana Gusmao. 

Xefe Governu ne’e nia mata-ween tenki turuk ba rai tanba deskonfia Ministru Alfredo iha kotuk hasoru beibeik autoridade kompania Woodside ho kontenti no hamnasa. 

 “Hau informa ba prezidenti katak, hau hakfodak tebes i senti hanesan laran la dun satisfeitu, hau la hirus maibe hau kecewa boot tanba Ministru Alfredo ba beibeik Australia, ba koalia kona ba ita nia kazu, buat sira ne’e hotu,” dehan PM xanana ba jornalista sira iha Palasio Prezidensial Nicolau Lobato Aitarak-Laran, Dili (17/12). 

 PM Xanana deklara ba publiku senti laran moras no mata-ween turuk ba rai husi hahalok Ministru Alfredo ne’e, maski triste, Xanana la esplika detallu asuntu saida mak Ministru Alfredo koalia ho Wooside iha tempo passa ferias iha Australia. 

Antes ne’e, Ministru Alfredo hasoru malu ho partisipante programa kompania Woodside husi Australia ho naran programa Dezenvolvimentu Profesional Timor-Leste (PDPTL), iha Perth Australia. 

 Tuir komunikadu ne’ebe diariu ne’e asesu, katak programa PDPTL hala’o durante semana 12, ne’ebe hahu husi inisiu DEzembur 2013, programa ne’e oferese oportunidade ba Timoroan nain 5 atu hasa’e kapasidade tekniku, negosiu no mos dezenvolvimentu iha futuru, liu husi treinamentu no oportunidade empregu iha seitor mina no gas ba sidadaun Timor. 
.

Sem comentários:

Publicar um comentário

Nota: só um membro deste blogue pode publicar um comentário.