segunda-feira, 30 de dezembro de 2013

Intervista Esklusivu ho Sekjer FRETILIN Mari Alkatiri; “ZEE Kompania Internasional Domina, Kompania Nasional Rende”

.

Jornal Nacional Diario - Segunda-feira, 30 Dezembru 2013 

Eis Primeiru Ministru (PM), Dr. Mari Alkatiri deklara katak, to’o ohin loron kompania internasional mak domina rejista ona atu investe iha Zona especial ekonomiku Oecusse, maibe kompania Nasional rasik rende atu involve iha projetu ne’ebe refere. 

Atu hatene klean liu tan konaba asuntu Zona especial ekonomiku Oecusse ne’ebe mak primeiru Ministru (PM) Kay Rala Xanana Gusmao fo fiar ba eis Primeiru Ministru (PM), Dr. Mari Alkatiri (MA) lidera ne’e mai akompania intervista eskluzivu ne’ebe mak Jornal Nacional Diario (JND) Embelina Amaral (EA) foin lalais ne’e iha Timor Plaza, Dili. 

EA: To’o ohin loron kompania intenasional no nasional hira mak rejista ona ba projeitu zona especial Oecusse ne’e? 

MA: Internasional lubuk ida ona, hau nia tristeza mak ne’e, husi Timor laran ne’e de’it ne’e ida seidauk iha por que sira dehan laiha kapasidade e buat ne’e bo’ot demais. Hau dehan imi tau lai imi nia vontade, imi joint lai para it abele ajuda imi mos sai bo’ot, mas pronto sira sei halo, mas to’o agora seidauk iha por que sira rasik dehan, maun ne’e bo’ot demais baa mi. Ekipa konjunta ida hau (Alkatiri) nian ho Banku Mundial nian ho Governu nian atu tun ba Oecusse para atu identifika infraestrutura sira perioridade para atu hari’I Oecusse ne’e Vitoria, se uluk Banku Mundial hanoin ba Pecusse laiha, buat ne’e 2020 mak laiha buat ida entaun imi mai kritika hau, agora lae seidauk. 

MA: Previzaun ne’e buat ida, realidade ne’e kal sei liu, ema balun kuandu ita koalia osan U$ 5 milloens ba Distritu ida deit osan barak hanesan ne’e halo saida? Laos ba Distritu ne’e ba Zona ekonomiku especial, ne’e projeitu nasional, hanesan kosta sul ne’e mos projeitu nasional, laos ba Suai nian deit, halo Suply base iha Suai ne’e la’os ba suai nian deit, se Oecusse ne’e reseitas tama ba nasional, As-Vezes balun dehan tanba sa halo iha Oecusse, Oecusse ne’e mak diak liu tanba enclave. 

EA: Karik Zona Especial ne’e komunidade internasional iha interese? 

MA: Hau bele dehan bo’ot tebes, iha interese bo’ot hahu husi Indonesia rasik, ba Portugal, Macau, Singapura, Australia, Kuandu Banku Mundial FMI iha ona interese ne’e sei sai boot liu ne’e susar bo’ot liu tan. Foin lalais konvida hau ba china para atu halo aprezentasaun iha china hau dehan hau la ba, seidauk bele ba tanba hau sei hakarak lei ne’e aprova uluk, lei sira que ita presiza ba Oecusse, se lae hau ba koalia, koalia espetativa ema nian bo’ot e que hau seidauk bele implementa depois hau mak sala fali, hau dehan hau husu deskulpa mais hau seidauk bele ba. Maibe pronto laiha vontade, vontade de politika ne’e bo’ot tebe-tebes, problema kapasidade institusional atu implementa ba lei sira ne’e, Lei ne’e balun Governu nian dekretu lei, balun Parlamentu ninian, agora ita deskute orsamentu tan, entaun orsamentu ne’e deskute antes ne’e, hau uluk hakarak lei ne’e mai uluk para ita kuandu halo orsamentu ita hakarak tau saida iha ne’eba, agora orsamentu deskute uluk fali aban bain rua tudo kontrariu, mas pronto ita servisu as-vezes ita dudu dinamiku foun ida delu-deluk la akompanha susar tebes. Seidauk iha baze legal, lei ba statuto especial Oecusse ninian ne’e seidauk iha, Konstituisaun dehan katak, iha direitu atu ba lori inisiativa ekonomika social ne’e seidauk iha, lei ba atu hari’i zona espesial de primeiru merkado nian seidauk iha, lei para atu kria autoridade ne’e seidauk iha, tantu lei tolu prinsipal tolu ne’e laiha atu lao ba oin, hau nia pedidu hau seidauk ba Parlamentu, hau hakarak koopera uluk ho Governu e Governu mak lori ba Parlamentu. 

 EA: Sr. Eis Primeiru Ministru ita hare katak ba projeitu Oecusse ne’e Governu mos iha lider potensia barak, maibe Primeiru Ministru refere liu ba ita bo’ot, oinsa ita bo’ot nia hanoin? 

MA: Husu ba Primeiru Ministru labele husu mai hau, hau hanesan patriota ida, hau hanesan fundador nasaun ida, husu ba hau para fo kontribuisaun e hau la husu tan nein duit ida. Agora deit mak hau dehan hau selu ona almosu, jantar ema sira hau nia osan dala hira ona, kuandu ita halo Viagem ba liur ita konvida ema sira ne’e o tenki selu. Pronto hau laos dehan hau nia viagem perdiem Governu mak selu mas as-vezes la to’o mos hau mak tenke selu ho hau nia osan, mas la buat ida, agora parese que sira selu konsidera ba buat sira ne’e mash au la husu tan, ba buat sira ne’e. To’o agora kna’ar ne’ebe mak hau halao ne’e hanesan akordu ida entre hau (Mari Alkatiri) ho (Primeiru Ministru Xanana Gusmao), ami mak tur hamutuk nia husu hau halo, mas hau hatete ba Primeiru Ministru imi sala hau kritika. 

 EA: Iha hanoin balu katak kaer Zona ida ne’e atu oinsa atu kaer metin opozisaun iha Parlamentu? 

MA: Hau mos ohin koalia ho imi nia kolega ida, FRETILIN laos opzisaun, Interven kuandu Governu sala Interven kritika, mas Inteven para hadia ita tenki interven, Partidu ida ne’e mak iha abut no iha hun laiha tan seluk, partidu ida ne’ebe que iha abut noa iha hun mak FRETILIN laiha tan seluk, sira seluk ne’e tanba buka hakarak atu sai Ministru lalais, ne’e mak halai ba tabele maun Xanana. Tanba ne’e, se FRETILIN la interven tinan lima (5) tan aban bainrua rai ne’e la’o sala dalan tiha ona semak mai ukun ne’e susar tebe-tebes atu hadia, ita kontinua hakilar deit-hakilar deit la interven para konsege hetan dalan ida que diak liu para atu hadia hamutuk ho Governu ou Primeiru Ministru, entaun aban bain rua que rai ne’e at liu ona, que sira ne’ebe servisu ho Primeiru Ministru ne’e barak liu mak lahatene saida mak sira halo ou halo sasan sala hotu, sira buka fali hanesan Bintang Film deit, sai iha televizaun deit, ne’e mak ita haree bal-balun kala sai iha televizaun dala ida rua iha televizaun. Intervensaun ne’e forsa liu partidu de opozisaun, opozisaun ne’e hatene deit hakilar, hein deit eleisaun, intervensaun ne’e intervein agora duni para atu halo mudansa. Opozisaun tenki servisu mos para atu halo dezenvolvimentu, opozisaun laos atu hakilar deit atu manan eleisaun, ne’e mak ita nia konseitu opozisaun que ita muda oituan, tanba ita hahu hari’i Estadu foun ida ita hametin ita nia nasaun ita tenki halo dezenvolvimentu, que opozisaun mak la partisipa iha prosesu halo dezenvolvimentu hanesan hein deit no hakilar manan deit eleisaun, ne’e opozisaun iha rai dezenvolvidu ona mak bele halo hanesan ne’e, ba ita rekursus humanus ne’ebe mak oituan ita tenki fo liman ba malu para lori dezenvolvimentu ne’e para hasai povu husi kiak.
.

Sem comentários:

Publicar um comentário

Nota: só um membro deste blogue pode publicar um comentário.