segunda-feira, 2 de dezembro de 2013

“La Tolera Ema Ilegal, Tiru Rahun Sai Obsaun Ikus”

.

Jornal Independente - Segunda-feira, 02 Dezembru 2013

Komponente Naval FALINTIL-Forsa Defesa Timor-Leste (F-FDTL) la tolera tan ema ho ro tama illegal iha area Tasi Timor, bainhira hetan sei hamout iha tasi laran.

Komandante komponente Naval Kapitaun Fragata Higino das neves hateten, sira la tolera tan ona ema illegal tama mai beibeik iha teritoriu Timor-Leste liu husi tasi, tanba ne’e karik sira kaer tan, sei aplika lei military nian hodi hamout hotu ema ho ro ne’ebe tama.

Kapitaun Fragata hato’o kestaun ne’e relasiona ho kapturasaun ne’ebe nia parte halo bar o illegal 3 ho ema Indonesia nain 24 ho sasan negosiu nian.

 “Hau triste liu tan Timor oan mak fo dalan ba ema illegal sira ne’e tama ho livre mia iha ita nia nasaun, tanba iha ami nia pasarevista ami hetan iha ema balun pasaporte iha maibe vistu mate, balun fali pasaporte liu prazu,” hateten Higinio Ba Jornalista sira iha hera (29/11).

Iha fatin hanesan, Sekretariu jeral Asosiasaun Barco de Madeira Ilidio Magno informa kona-ba kapturasaun ne’e katak, komponente Naval prende ro tolu ne’e tanba mosu dezentendimentu ho UPM, Postu Migrasaun, no Alfandega.

Tuir nia, ro tolu ne’e la’os tama illegal tanba halo tuir lei ne’ebe mak fo sai husi UPM katak ema ne’ebe iha pasaporte mak kapitaun ro deit, restu ne’ebe mak sae tuir deit laiha pasaporte mos la problema. Nida dehan, kompania halo tuir lei husi UPM nia ne’e mak sira mos selu multa ba UPM kada ema ida ne’ebe mak sa’e tuir iha ro ne’e hamutuk U$30.00.

 “Ami mak akrik simu husi UPM, Migrasaun ho Alfandega mak dehan hotu-hotu uza pasaporte entaun mai mos sei dehan ba ema sira ne’e trata tiha dokumentus mak bele tama mai Timor Leste,” hateten Ilidio.

Ro tolu ne’ebe mak komponente Naval kaptura tan iha area Metiaut loron Kinta (28/11) oras tuku 16:00 mak hanesna ro KLM Mas jaya tula hajolina, KLM Kolo Sejahtera tula Obralan, ho KLM Putri Tanjung tula ai. Antes ne’e mos komponente Naval kaptura Ro rua hamutuk ho ema nain hitu.
.

Sem comentários:

Publicar um comentário

Nota: só um membro deste blogue pode publicar um comentário.