quarta-feira, 18 de dezembro de 2013

Mario Carrascalao: “Xanana Deit Mak Bele Garante Seguransa Ba Povu”

.

Jornal Nacional Diario - Kuarta-feira, 18 Dezembru 2013 

Eis Vice Primeiru Ministru (VPM) Eng. Mario Viegas Carrascalao hateten nia parte la konkorda ho rezignasaun Primeiru Ministru (PM) Kay Rala Xanana Gusmao iha tinan 2015 mai ne’e, tanba konsidera laiha lider ida hanesan Xanana ne’ebe fo garantia seguransa ba nia povu no nasaun atu moris iha paz no estabilidade. 

Tuir Mario Carrascalao katak, intermus seguransa rai laran so Primeiru Ministru Xanana Gusmao duni mak bele mantein ba garante nu’udar uta povu. 

“Hau hatete lolos, hau kaer administrasaun diak liu Xanana, maibe kestaun seguransa laiha ema ida iha Timor ne’e bele subtitui Xanana,” Eng. Mario Carrascalao relata asuntu ne’e ba JN-Diario, Segunda (16/12) ne’e iha Hotel Timor, Dili. 

Mario Carrascalao hatutan tan katak,” nia kolen, hau hanoin nia deskansa oituan mos bele so ke hanesan hau hateten nia make ma ida ke priense kondisoens atu fo garantia mai ita hodi kontrola situasaun seguransa nian,” dehan Carrascalao. 

Mario Carrascalao komenta katak, nia la dun konkorda opozisaun la forte, tanba iha nasaun demokratiku opozisaun ne’e importante tebes, ne’e Xanana nia politika no estratejia oinsa make ma labele kontra malu ba kondisaun opozisaun nian. 

“Hau ladun gosta dalan ne’ebe nia halo, tanba aban bain rua poder ekonomia domina fali poder politika, ida ne’e nia bele hetan ona poder ekonomia nia kontrola, Xanana ne’e laos ema ida riku, Xanana laos ema ida ke halo korupsaun, maibe nia kontrola ema sira ne’e hotu, nune’e make ma halai hotu ba nia,” nia esklarese. Tuir Eng. Mario katak, lolos nia sei tun iha 2017, maibe karik atu rejigna an ne’e karik halo planu balun ba iha tinan 2017 mai ne’e. 

 “Hau mos la hare iha CNRT ema ida atu subtitui nia, hau hanoin nia rejignasaun ne’e karik nia planeia hela buat ruma foun ba tinan rua mai, entaun nia presiza kalma, no hanoin ho ulun malirin, tantu karik iha 2017 iha buat ruma ke mosu oin seluk,” tenik nia.
.

Sem comentários:

Publicar um comentário

Nota: só um membro deste blogue pode publicar um comentário.