segunda-feira, 30 de dezembro de 2013

MS Halo Mal Jestaun ”PR Taur Matan Ruak Husu MP Halo Investigasaun”

.

Notisia Husi TVTL - Sesta-Kalan, 27 Dezembru 2013 

Prezidenti da Republika (PR) Taur Matan Husu ba Ministeriu Publiku (MP) atu investiga Ministeriu Saude (MS) tamba deskonfia durante ne’e ema moras aimoruk laiha maibe aimoruk estraga no fakara iha parte Tibar nian, ne’e tamba mal jestaun. 

Durante hala’o dialogu ho komunidade iha Suku Waigae, Sub Distritu vemase, Distritu Baucau sesta-feira semana kotuk, Prezidenti da Republika Taur Matan Ruak kestiaona kona ba aimoruk ne’ebe mak fakar iha Tibar. 

 Xefe do Estadu ne’e husu ba Ministeriu Publiku atu investiga Ministeriu da Saude tamba, konsidera pesoal da saude hala’o mal jestaun. “Ita hare katak, MS fakar aimoruk iha Tibar ne’eba, hau oribainhira koalia ho prokurador jeral e hau hakarak halo investiga MS, kuandu ema moras aimoruk laiha mais iha aimoruk para ba soe,” dehan PR Taur. 

Prezidenti da Republika Taur Matan Ruak mos hateten, sentru saude barak mak menus aimoruk, tamba ne’e nia husu ba Ministeriu Saude atu hadia jestaun fornesementu aimoruk ba iha sentru saude hirak ne’e.
.

Sem comentários:

Publicar um comentário

Nota: só um membro deste blogue pode publicar um comentário.