sexta-feira, 6 de dezembro de 2013

“PNTL Ho F-FDTL Ataka Grupu Mauk Moruk, L-7 Konsidera Ditadura”

.

Jornal Independente - Kinta-feira, 05 Dezembru 2013 

Polisia Nasional Timor Leste (PNTL) koopera hamutuk ho FALINTIL-Forsa Defeza Timor Leste (F-FDTL) asalta ona grupu sivil illegal Mauk Moruk ne’ebe mak uza farda militar nian iha Distritu Baucau. 

Entertantu, Maun bot mauk Moruk nuudar mos eis komandante FALINTIL, Cornelio Gama (L7) konsidera atetude ne’e ditadura. Atakasaun ne’e hala’o, iha fatin tolu mak hanesan, Trilolo Baucau Vila, Buru-Uma no Bualale, iha Kuarta-feira, tuku 05:00 madrugada oras TL. Komandante operasional Nasional Superitendenti Xefe Armando Monteiro hatete, PNTL ho F-FDTL halo ona kapturasaun ba membru balun husi grupu Baze de Apoiu lidera husi eis komandante Vermelha Mauk Moruk, hafoin hetan autorizasaun ofisial husi Primeiru Ministru Xanana Gusmao, maski nune’e Komandante Armindo la temi membru numeru hira mak sira kaptura ona. 

“Ita nia Polisia ho F-FDTL serka sira hahu iha orsehik tuku 5:00 madrugada no kaer ona membru grupu ne’e lobu ona, masi ita simu relatoriu hisi Komandu Distritu bauacau mak ami bele fo relatoriu numero hira mak kaer ona,” dehn Armando iha Kuartel jeral Kaikoli, Dili (4/12). 

Grupu sivil sira ne’ebe hatn kaptura, mai husi Distritu ermera, Aileu, Likisa, Bobonaru, Lautem no Baucau, Polisia hamutuk ho F-FDTL prepara ona kareta atu lori sira ba ida-idak nia distritu. Antes ne’e mos, Parlamentu nasional ho komunidade sira husu ba instituisaun estadu rua ne’e (PNTL ho F-FDTL) atu atua lalais grupu ne’e nian ezistensia iha TL, tanba halo komunidade barak mak senti trauma ho sira nia ezistensia. 

Iha fatin ketak, Maun Boot mauk Moruk nuudar mos eis komandante FALINTIL, Cornelio Gama alias L7 konsidera governu halo ditadura, tanba kaptura populasaun kuaze nain 60 ne’ebe uza roupa militar no la halo krime. L7 dehan, povu sira halibur malu iha ne’eba uza farda ne’e la’os farda foun maibe farda ne’ebe mak uluk hadau husi military Indonesia. 

“Ohin dadersan (horseik) polisia ba kaer ona populasaun kuaze nain 60 liu iha Bualale, Trilolo no Buru-uma hau kontra tebes, lolos governu labele uza ditadura tanba ita nasaun demokrasia tenki uza dialogu hodi hetan solusaun ba paz,” dehan L7 ba jornalista INDEPENDENTE iha nia rezidensia Bidau Dili, horsahik. 

Nia dehan, husi atuasaun ne’e mak karik povu hamrik halo buat ruma ne’e governu nia responsablidade. “Ita hare mak sira halo krimi, oho ema karik ita atua maibe sira la halo krimi, sira halibur hamutuk uza farda deit, se farda ne’e mak atu tiha sira kontinua halibur ita ba foti tan saida,” dehan L7. 
.

Sem comentários:

Publicar um comentário

Nota: só um membro deste blogue pode publicar um comentário.