sexta-feira, 6 de dezembro de 2013

“PR Taur Hirus Governante La Besik Povu”

.

Jornal Nacional Diario - Kinta-feira, 05 Dezembru 2013 

Prezidenti Republika (PR) Taur Matan Ruak, hirus maka’as ho Governante sira hein deit eleisaun mak foin hakbesik a’an ba povu, maibe eleisuan liu tiha Governante hirak ne’e nunka mais atu hakbesik a’an ba povu. 

 PR Taur afirma, bainhira seidauk sai Governate sira hakbesik a’an los ba povu maibe sai ba tur tiha iha Governu baruk besik ona povu. Xefi Estadu hateten, halo nusa povu bele fo konfiansa ba nia Governante sira wainhira Governante sira la besik nia populasaun. 

 “Nusa mak povu bele konfia ita se ita la besik sira, to’o kampania mak ita rame-rame bah usu nia votu mas kuandu loron bailet ne’e ita la’o dook tiha, hau mos hateten ba imi keta imi nia prezidenti aban bain rua kandidata tan karik vota tan dala ida ba, mas tenki vizita povu,” Xefi Estadu, Taur Matan Ruak hateten lia hirak ne’e liu husi dialogu komunitariu iha Suku Afaloikai, Sub Distritu, Baguia, Distritu Baucau foin lalais ne’e. 

Prezidenti Republika mos husu, liu-liu ba Ministeriu administrasaun Estatal (MAE), lideransa distritais no lokal sira inklui mos Policia Nacional Timor leste (PNTL) atu halo enkontru rutina ho populasaun ne’ebe mak hela liu iha area rurais, nune’e bele akompania situasaun no progresu dezenvolvimentu ne’ebe la’o iha Timor-Leste. 

 “Hau husu ba PNTL, Administrador deves em quando vizita, Ministeriu estatal Vizita povu sira liu-liu sira ne’ebe ema sateia sira, lohi sira iha fatin-fatin tamba ne’e ita boot sira nia povu, ita boot sira nia reinu,” dehan tan Xefe Estadu. 

Xefe Estadu apela katak,” hau mos husu ba governante sira, Prezidenti da Republika lao imi sira administrador, xefi do postu imi tur fali ne’e labele!! 

Ne’e Prezidenti lakohi ida, hau la’o tamba imi la la’o,” Xefe Estadu Afirma. Xefe Estadu realsa, husu ba Governante no lideransa distritais no lokal sira labele tur deit maibe tenki lao para rona populasaun sira nia terus no halerik. 

“Prezidenti iha mundu ne’e so prezidenti bulak mak la’o, kiik sira tur fali, Prezidenti Republika la’o fali, lao ain tan, ne’e ita ukun nasaun ulun tun ain sa’e pa, tamba ne’e ita boot sira halo favor vizita sira populasaun, tamba saida make ma domina ita nia povu, tamba ita la besik,” Xefi Estadu bolu atensaun. 

Durante dialogu ho komunidade suku Afaloicai, komunidade hato’o preokupasaun kona ba situasaun iha area rurais tamba iha Zona rurais sira grupo balun desde uluk kedas bosok komunidade sira ho promesas falsu. 
.

Sem comentários:

Publicar um comentário

Nota: só um membro deste blogue pode publicar um comentário.