sexta-feira, 28 de fevereiro de 2014

"Guilhermino Prezidenti Foun Ba Tribunal Rekursu"

.

Jornal Independente -Sesta-feira, 28 Fevereiru 2014 

Prezidente Republika, Taur Matan Ruak desidi ona nomeia Doutor Juis Guilhermino da Silva ba kargu Prezidente Tribunal Rekursu foun. 

Nomeiasaun ne'e, relasiona ho pedidu rezignasaun husi Prezidente Tribunal Rekursu sesante Claudio Ximenes iha 10 fulan Fevereiru 2014, Prezidenti Taur Matan Ruak aseita nia rezignasaun ne'e iha Kuarta feira (16/2). 

Tuir komunikadu imprensa ne'ebe diario ne'e asesu, Kinta horsehik katak, serimonia tomada de posse nian sei hala'o iha Segunda-feira, loron 3 fulan-Marsu, tuku 10 dadeer oras Timor Leste. Desizaun Prezidente Taur Matan Ruak ne'e, iha konsiderasaun ba antiguidade no esperensia husi majistradu ida-ne'e, ne'ebe sai nu'udar juis dezde tempu administrasaun UNTAET. 

Doutor Guilhermino da Silva ezerse nia funsaun nuudar Juis durante tinan 14 nia laran iha Tribunal Nasional, aliende ne'e, sai mos nudar juis iha Tribunal Rekursu dezde fulan-Outubru, tinan 2011. Prezidente Tribunal Rekursu foun hahu nia kareira juis nian iha tinan 2000, nia Prezidi Tribunal Distrital Suai to'o tinan 2005, iha fulan Jullu, tinan 2007, nia hetan kolokasaun hanesan juis definitive iha Tribunal Distrital Dili. 

Guilhermino hasai nia lisensiatura iha Direitu iha tinan 1991, no tuir kursu formasaun nian iha Sentru Estudu Judisiariu iha Lisboa, iha tinan 2003-2004, no mos iha sentru formasaun juridika, iha Dili, iha tinan 2005-2006. 

Foto, Presidência da República de Timor-Leste - Facebook.
,

Sem comentários:

Publicar um comentário

Nota: só um membro deste blogue pode publicar um comentário.