quarta-feira, 12 de março de 2014

“Autoridade Laga Apoiu Operasaun PNTL”

.

Jornal Nacional Diario - Kuarta-feira, 12 Marsu 2014

Autoridade Lokal Sub Distritu Laga, Distritu Baucau fo apoia masimu ba operasaun Polisia Nasional Timor-Leste (PNTL) hasoru baze grupo Consellu Popular Demokratiku-Republika Demokratika Timor-Leste (CPD-RDTL) ho Grupu Konsellu Revolusaun maubere (KRM) iha lalulai, Laga.

Administrador Sub Distritu Laga, Francisco da Costa Belo hateten, sira autoridade organiza komunidade sira hodi tulun Polisia nia operasaun hasoru grupu rua ne’e iha lalulai Laga, tanba komunidade sira rasik mak apoia hodi evakua membru polisia ida ne’ebe mak hetan kanek bainhira halao operasaun ba baze CPD-RDTL no KRM nian.

“Ami nia koperasaun ho PNTL lao diak hela e ami mak ajuda membru PNTL ne’ebe mak hetan kanek ba Hospital refral Baucau,” haklaken Administrador Sub Distritu Laga, Francisco da Costa Belo ba jornalista sira liu husi via telefone Tersa (11/3).

Nia hatutna, PNTL dira depois de halao operasaun iha loron segunda madrogada ne’e sira fila kedas mai iha Baucau Vila no husik fatin nee mamuk hodi membru CPD sira balun fila fali mai okupa no taka dalan parte atu ba sub Distritu baguia nian.

Nia dehan tan, komunidade sira liu-liu iha fatin akontesementu trauma, maibe la evakua sai husi sira nia fatin, entertantu aktividade negosiu la lao oribainrua, maibe komes alao fila fali ona horseik hanesan bai-bain.

“Ami husu ba PNTL atu monta nafatin sira nia postu permanente iha area ne’e no mos patrolia rutina e labele husik atu nunee komunidade sir abele senti seguru,” hateten Administrador sub Distritu laga ne’e.
.

Sem comentários:

Publicar um comentário

Nota: só um membro deste blogue pode publicar um comentário.