segunda-feira, 24 de março de 2014

"CNRT, FRETILIN, PD Kontra Pensaun Vitalisia ba Provedor Sebastiao"

.
Foto, Facebook
Jornal Independente - Segunda-feira, 24 Marsu 2014 

Membru Parlamentu nasional (PN) sira husi Bancada CNRT, FRETILIN no PD konsidera karta pridu husi provedor Direitus Humanu no Justica Sebastiao Dias Ximenes hodi husu pensaun vitalisia ba nia ho nia adjuntu sira ne'e la tuir lei.

 Jornal INDEPENDENTE iha semana kotuk hetan dadus karak, Provedor Direitus Humanus no Justisa hato'o karta, numeru ref.079/PDHJ/ III/2014 halo iha loron 3 fulan-Marsu 2014 katak, husu atribusaun pensaun mensal ba provedor ho nia adjunto nain rua. 

Pedidu ne'e hamosu kontra maka'as husi sosieade sivil sira tanba tuir lei katak, pensaun vitalisia ne'ebe ba orgaun soberanu haat, Parlamentu Nasional, Presidenti Republika, Governu no tribunal. Iha lei hakerek direitu pensaun vitalisia ba PDHJ ka instituisaun estadu nan seluk. 

Nune'e, Deputadu Cesar Valente 'Piloto' husi Bancada CNRT dehan katak, karta pedidu husi lideres PDHJ ne'e la tuir lei. Entertantu, Deputada Josefa Pereira husi Bancada FRETILIN dehan, nia bancada nunka konkorda no deskute ba asuntu ne'ebe laiha baze legal. 

Membru bancada PD, Virgilio Hornai hateten, pedidu husi lideransa PDHJ ne'e lei la fo dalan atu deskute iha Parlamentu nasional. "Ami la konkorda atu deskute iha Parlamentu Nasional tanba lei la fo dalan atu instituisaun estadu simu pensaun vitalisia," nia afirma. 

 "Ami hateten lei ne'e, iha lei ne'e fo pensaun vitalisia ba orgaun soberanu mais la fo fatin ba orgaun instituisaun atu simu pensaun vitalisia, ne'e ita husu atu hatene lei maka fo karta mai Parlamentu nasional," dehan nia. 

Entertantu, PDHJ Sebastiao Dias Ximenes hateten, nia ho nia adjuntu sira hato'o karta ba Parlamentu nasional hodi husu pensaun vitalisia tanba sira sente aan nuudar servidor estadu. 

 Sebastiao dehan, tinan sira ona nia ho nia arte serve estadu Timor-Leste liu husi Provedoria Direitus Humanus no Justisa neebe harii bazeadu ba konstituisaun nasuan nian. 

Nia konfesa katak, pedidu husu pensaun vitalisia mosu hafoin nia asesor legal fo hanoin ba nia parte atu bele husu pensaun ida ne'e. 

 "Pedidu ne'e opiniaun husi hau nia asesor legais sira maka hatete: "Sr Provedor iha direitu atu hato'o pedidu ba PN hanesan proposta ida atu husu pensaun vitalisia tanba hau servi instituisaun estadu durante tinan 9 maibe laos ami dehan tenki selu pensaun vitalisia baa mi nain tolu," informa nia foin lalais nee. 

Sebastiao dehan, karta pedidu husu pensaun vitalisia ne'e hetan referensia husi Provedoria Justisa husi nasuan balun, inklui Mocambique no nasuan balun iha CPLP.
.

Sem comentários:

Publicar um comentário

Nota: só um membro deste blogue pode publicar um comentário.