segunda-feira, 17 de março de 2014

“Deskonfia Mal-Jestaun Mosu Iha HNGV”

.

Jornal Independente - Segunda-feira, 17 Marsu 2014

Komisaun F iha Parlamentu Nasional (trata asuntu Edukasaun saude, veteranus no Igulaidade jeneru) identifika mal jestaun mosu iha Hospital Nasional Guido valadares (HNGV).

Prezidenti Komisaun F, Virgilio Hornai hateten, kondisaun ospital agora la diak, tanba ahi mate lakan hodi fo impkatu boot ba pasiente sira kuandu halo tratamentu saude urjente iha sala operasaun.

“Ami halo vizita orjentemente ba halo fiskalizasaun iha HNGV ne’e ami haree afinal kondisaun grave duni, maibe Ministru ho nia Vise nain rua inklui diretor sira balun taka hela informasaun ne’e, ami identifika jetsaun ne’ebe jere iha HNGV mak fraku,” dehan nia iha PN, sesta foin lalais ne’e.

Komisaun F Indentifika mal jestan ne’e, bainhira halo vizita Urzente ba HNGV bazeia ba pasiente sira ne’ebe loro-loron kestioan kona ba servisu pesoal saude sira nian.

Problema ne’ebe mosu iha sala emerjensia mak ekipamentus hanesan aparelu ida deit hodi uza ba pasiente troka malu.

Monisaun F observa iha sala emerjensia mos falta rekursu humanus hanesan doutor tanba doutor nain 11 kompostu husi Indonesia nain 4, servisu ho rotasaun balun tama kalan no balun tama loron ne’ebe kompara ho pasiente sira ne’ebe tama iha kada loron to’o nain 125.

Iha fatin hanesan, Membru Komisaun F, Bendita Moniz hatete, ministeriu saude presiza hadia jestaun iha HNGV hodi bele fo asistensia  sauda ba populasaun sira.

“Hospital Nasional ida que laiha jestaun diak nee hamate imajen Timor no populasaun mak sei sai vitima tanba atendementu saude la diak,” nia lamenta.
.

Sem comentários:

Publicar um comentário

Nota: só um membro deste blogue pode publicar um comentário.