quinta-feira, 13 de março de 2014

"Fahe Projeitu Ba Malu, Osan Sei Mout Tamba Laiha Kualidade"

,
Foto husi, Marcos Guterres Gusmão

Jornal Nacional Diario - Kinta-feira, 13 Marsu 2014

Prezidenti Camara comercio Industria Timor-Leste (CCITL) Julio Alfaro informa katak, to’o oras ne’e CCITL deskobre ona emprezariu Timor oan barak hadau malu projeitu infra-estrutura mak iha osan barak liu.

Durante ne’e, emprezariu barak mak buka hadau malu projetu infraestrutura tamba laiha area seluk mak emprezariu sira investe ba tuir posiblidade ne’ebe mak emprezariu iha tamba Governu la fasilita emprezariu hodi investe iha area seluk.

Maske nune’e, Julio Alfaro hateten, esperensia hatudu katak, area infraestrutura sai baze hodi dezenvolve area sira seluk.

“Tuir ami nia esperensia rasik buat hotu ne’ebe ita tenki konstrui iha Timor atu bele haree ba iha dezenvolvimentu area seluk, haree liu-liu buat ida ne’ebe presiza liu ita nia esforsu atu dezenvolve mak infra-estruitura, tamba sa mak emprezarius barak mak halai ba infra-estrutura? Sira halai liu ba infraestrutura tanba iha infraestrutura iha osan, se mak implementa projetu infraestrutura? Investimentu politiku husi governu mak sain ain ba projetu infraestrutura entaun kompania sira ne’ebe mak ba serviu iha area infraestrutura hanesan ona katak iha osan I sira servisu hotu sir abele iha osan,” dehan prezidenti CCITL, Julio Alfaro ba Jornalista sira Hotel Timor, Kuarta (12/03) hafoin halo tomada de pose ba asosiasaun nasional joventude Emprendedores Universitarios de Timor-Leste (ANJEU-TL).

Nia hatutan katak, emprezariu Timor oan durante ne’e hala’o deit projetu iha infra-estrutura nian tanba iha projetu refere mak osan barak liu, nune’e mos emprezariu balun laiha osan deve husi ema seluk nian maibe sira garantia katak sei selu tamba wainhira projeitu halo hotu sira bele halo pedidu ba governu, governu bele halo pagamentu tuir projeitu ne’ebe mak sira halao.

“Sira ba iha area infraestrutura deit tanba ne’eba iha osan, sira balun laiha osan mas sira deve tun deve sa’e, deve ba iha maluk sira dala ruma fo funan boot mas sira bad eve para sira implementa projetu ne’e sira simu liu husi investimentu uluk, liu husi osan estadu ne’ebe maka fo sira tamba sira hatene katak sira kuandu servisu hotu sira ba halo pedidu pagamentu osan iha ona atu selu sira nia servisu,” dehan Julio.

Nune’e, Julio Alfaro hateten, Governu presiza kria fasilidade seluk atu kria finansiamentu husi banku financial ruma ho funan ne’ebe kiik atu nunee bele ajuda emprejariu sira halo investimentu iha area seluk para emprezariu hotu labele halai ba infraestrutura nian deit.

Antes ne’e, Primeiru Ministru Kay Rala Xanana Gusmao hateten ona katak, sei kria Banku ida hodi hakbiit emprezario Timoroans.
,

Sem comentários:

Publicar um comentário

Nota: só um membro deste blogue pode publicar um comentário.