quarta-feira, 12 de março de 2014

“Governu ‘Xupa’ Osan Estadu Tokon U$7”

,

Jornal Independente - Kuarta-feira, 12 Marsu 2014

Governu hasai tan orsamentu jeral Estadu (OJE) hamutuk tokon hitu dollar Amerikanu (U$7.000.000) hodi halo reabilitasaun emerjensia ba estrada iha kapital Dili, tanba, reabilitasaun ne’ebe durante ne’e halao husi kompania estrada Boot Di’ak (EDB) laiha kualidade.

Ministru Obras Publiku (MOP), Gastao Sousa hateten, rehabilitasaun ba estrada ne’e hanesan projeitu emerjensia hodi halo preparasaun ba Simeira Komunidade pais Lingua Portugues (CPLP) ne’ebe tuir planu sei hala’o iha Timor-Leste, fulan jullu 2014.

“Orsamentu ami iha millaun $7….alokadu atu hadia estrada ka pontu prinsipais sira iha kapital Dili laran ne’e atu hadia, dehan nia, iha Palasiu Governu horsehik.

Ministru Gastao hateten, diresaun estrada ne’ebe mak tuir planu atu hadiak mak husi Mota maloa ba to’o iha Lesidere, Diresaun Prokurador Jeral Republika (PJR) nia oin to’o Bidau, husi merkadu lama ba too iha Kuluhun, Husi balidi raihun to’o iha Igreija Katedral Vila Verde inklui mos iha area Ministeriu financas (MF) nia oin.

Ministru dehan, tanba preparasaun ne’e rasik konsidera hensan emerjensia, entaun Governu desidi atu fo obra ne’e ba kompania Timoroan ne’ebe iha kapasidade diak atu reforsa setor privadu nasional sira.

Responsablidade ba obra ne’e rasik kaer husi kompania Montana Diak, Monte Veado, BTK, CNT no seluk tan.

“Ami tenke haree kompania ne’ebe iha ekipamentu, finanseiru no fasilidade seluk ne’ebe kompleta par abele halao,” dehan nia.

Alende husi parte governu nian hili kompania ne’ebe mak iha kapasidade ba buat hotu kaer obra ne’e, Ministru mos haktuir tan katak, kompania mos garantia duni kualidade ne’ebe diak.

Estrada ne’ebe mak tuir planu sei hetan reabilita ne’e, nia luan rasik balun sei aumenta to’o iha metru 14 mai kraik.
.

Sem comentários:

Publicar um comentário

Nota: só um membro deste blogue pode publicar um comentário.