quinta-feira, 27 de março de 2014

"Lere: Estadu Iha Kompetensia Atu Kastigu Ema"

.

Jornal Nacional Diario - Kinta-feira, 27 Marsu 2014 

Xefi Estadu Maior Jeneral FALINTIL-Forsa Defesa Timor-Leste (F-FDTL), Maijor Jeneral Lere Anan Timur apela ba elementus Konsellu Revolusaun Maubere (KRM) no CPD-RDTL sira ne'ebe dadaun ne'e sei subar hela iha foho Matebian ne'eba atu entrega an lalais, tanba estadu iha kompetensia atu tiru ema, kaer ema no kastigu ema. 

"Ami atu buka oinsa, atu evita konflitu entre ita ho ita, purke sira iha kilat, ne'e mak hau hanoin katak, hau aproveita ida ne'e, sei sira rona no hare televizaun, hau hateten ba sira, labele beik, ita funu hotu ona, sira ne'eb mak agora la'o ho Lemorai ne'e mos, uluk terus ba funu ida ne'e, agora ita ukun an tiha ona, sira atu buka tan saida. 

Hau hateten beibeik ona, labele koko estadu, estadu ne'e iha lei, n iha forsa hotu-hotu, estadu iha kompetensia atu kaer ema, kastigu ema, tiru ema, oho ema, ne'e mak hau hanoin katak, sira labele mangame ho estadu," Lere Anan Timur ba Jornalista sira iha palasio Governu, hafoin hasoru malu ho Primeiru Ministru Kay Rala Xanana Gusmao, Kuarta (26/3). 

Lere dehan, nia ba hasoru Primeiru Ministru (PM) Kay Rala Xanana Gusmao, tanba nia hatene katak, iha loron 30 marsu 2014, PM Xanana atu sai ba liur no kleur mak fila. 

"Hau mai aprezenta kestaun balun ba nia, i informa mos kona ba situasaun balun ba Primeiru Ministru, i nuudar mos Ministru Defeza no Seguransa," dehan Lere.

 Iha sorumutu ho Primeiru Ministru ne'e, Lere informa mos kona ba situasaun Distritu Baucau nian ne'ebe agora dadauk ne'e la'o kalma, liu-liu iha Sub Distritu Laga ne'ebe situasaun hakmatek. 

 Iha enkontru ne'e mos, PM Xanana ho Lere koalia oituan kona ba informasaun ne'ebe hateten katak, Coboyo, Lemorai, Siribu'u, ne'ebe agora dadaun ne'e konsentra iha Matebian ho kilat, maibe la hatene sira nia objetivu ne'e saida. 

"Ne'e mak hau hateten Sr. Primeiru Ministru dehan katak, ohin dader ami ba hasoru senor Prezidenti da Republika, no Prezidenti da Republika ninia hakarak ne'e mak dehan nia lakohi violensia," akresenta Lere.

 Tanba ne'e, Lere dehan, diak liu koboyo, Lemorai no sira ne'ebe mak agora refujiadu iha Matebian ne'eba ne'e, diak liu mai entrega an deit ona. 

Lere hatutan, nia hateten katak, ema sira ne'ebe dadauk ne'e sei subar hela iha Matebian ne'eba ne'e, subar ho kilat, maibe Lere husu ba sira atu diak liu mai intrega tiha kilat ne'e, hodi bele rejolve problema hanesan 2006, Salsinha sira mai entrega sira nia kilat, maibe se grupu ida ne'e hakarak koko nafatin estadu lakohi mai entrega an, F-FDTL mak sei hare sira. 

"Hau nia lia menon ba sira ne'ebe ke pas parte CPD-RDTL, sira ne'ebe ke agora kaer kilat ka kaer Rama iha Matebian ne'eba ne'e, diak liu mai entrega kilat sira ne'e, porke imi hatudu momos katak, imi hakarak koko estadu, i hau hatete beibeik katak, Estadu ema ida labele koko, so maromak mak boot liu estadu," salienta Lere. 

 Lere mos apela ba sira ne'ebe dadauk ne'e sei subar hela iha foho Matebian nian ne'eba ne'e, agora ne'e laiha autonomia no laiha integrasaun, hotu-hotu Timoroan. 

 "Hau ba bei-beik sira nia uma no sira nia fen ho sira nia oan hatete mai hau hanesan ne'e, maun ita seidauk ukun an, tanba uluk ema ne'ebe duni ita ne'e, mak duni ita nafatin ne'e, ne'e mak tanba o mak hakarak, se o tur hakmatek o nia fatin karik, ema la duni o, maibe tanba o provoka nee make ma duni o," tenik Lere. 

Polisia ne'e servisu estadu no nasuan nian, F-FDTL mos hanesan, nia bele uluk eis polisia, ka tentara, maibe tanba nia simu orden husi estadu, tenki ba duni imi, I dala ruma mos sira mak sei tiru mate imi mos iha. 

 Kona ba kilat hira mak elementus KRM no CPD-RDTL mak sei uza hela subar iha Foho Matebian ne'eba, Lere dehan tuir informasaun balu dehan kilat 6 no balun dehan kilat 7, maibe depois Lere halo konfirmasaun lolos, sira subar ho kilat ida ne'ebe uluk lakon iha Aileu. 
.

Sem comentários:

Publicar um comentário

Nota: só um membro deste blogue pode publicar um comentário.