sexta-feira, 7 de março de 2014

"Mauk Moruk Rejistu KRM Iha PGR"

.

Jornal Nacional Diario - Sesta-feira, 07 Marsu 2014

 Eis komandante Brigada Vermelha, Paulino Gama alias Mauk Moruk, Kinta (06/3), hasoru malu ho Prokurador Gerald a Republika (PGR), Jose da Costa Ximenes, hodi koalia konaba oinsa atu rejistu Konsellu Revolusaun Maubere ne'ebe nia rasik lidera.

 Mauk Moruk ba hasoru PGR ne'e akompania diretamente husi membru F-FDTL no sa'e kareta ho marka Land Cruiser Prado Numeru matrikula Policia hakerek F-FDTL.

 Durante ne'e, organizasaun KRM ne'ebe nia Prezidente mak Mauk Moruk la rejistu iha Tribunal hanesan organizasaun legal ida, tanba ne'e, relasiona ho Rezolusaun Governu No.14/III (2) ne'ebe Parlamentu Nasional aprova hodi kaptura Grupu KRM no Consellu Popular Defeza Republica Demokratika de Timor-Leste, Mauk Moruk mos hiit an kedas ba PGR atu bele rejistu lalais KRM ne'e. Maibe iha kontekstu ida ne'e extranu oituan ho aksaun ne'ebe mak Mauk Moruk halo tanba tuir lei ne'ebe vigora iha rai ida ne'e bainhira ema ruma atu ba rejistu nia organizasuan ka grupu ruma hodi sai legal, laos ba diretamente iha PGR maibe liu husi Ministeriu Justica, direksaun notariadu.

 "Ami koalia kona ba atu kumpriensaun ba ita nia forsa sira depois ida ne'e prokurador sira halo, tanba sira konsidera katak, naton ami halo revolusaun ne'e seidauk registu iha Tribunal Timor-Leste nian, ida ne'e mak sira dehan ami ilegalidade, maibe hau dehan ba sira katak, ami nia grupu KRM iha kotuk ne'e iha advogadu nain 20, no sira hateten katak, komandante la kontra lei ida no hau mos hatudu ida ne;e ba PGR, ho ida ne'e, fila sei esforsu hodi registu KRM, para organizasaun no masas hala'o aktividade iha rai ida ne'e," hateten Mauk Moruk ba jornalista hafoin remata sorumutu ho PGR durante oras ida resin, iha edifisiu Colmera, Dili.

 Mauk Moruk mos husu ba PGR atu fo tempu ba sira hodi registu sira nia organizasaun ne'e, maibe opsaun ne'ebe Mauk Moruk hakarak mak PGR tenke hapara operasoens sira ne'ebe hala'o husi Policia Nacional Timor-Leste ba ni grupu. Mauk Moruk hatutan tan katak, nia ba hasoru PGR ne'e la'os atu entrega a'an ba Estadu bazeia ba rezolusaun ne'ebe Governu no parlamentu fo sai ona ba publiku.

 Mauk Moruk afirma, sira nia parte mantein pozisaun no eziste nafatin tanba rekonese iha konstituisaun RDTL nia okos no sei kontinua registu iha Tribunais hodi halao aktividade normal. Wainhira husu kona ba sira iha farda militar foun no kilat ne'e, Mauk Moruk hateten, karik se iha duni farda foun no kilat, botas F-FDTL nian pares eke jornalista sira hare no hatene.

 "Kona ba kilat, hau dehan se kilat mak iha duni oras ne'e laos sei tur hela hanesan ne'e, mash au hanoin rai ida ne'e, hau hateten ba ita boot sira, hau nia fen kapitadu invazores Indonesia, hau nia oan sira oho ho aimoruk husi invazores Indonesia sira, hau komandante, maun alin sira ema tetak rahun didiak, ida ne'e hau la fo ulun, hau nia hakarak buat diak ou buat aat ita hotu iha ne'e," hateten Mauk Moruk.

 Nia hatutan, se governu lakohi hapara operasaun ne'e, nia konsekuensia mak ema ruma mate. "Ema sira tur kaer ukun ne'e sei la tur hakmatek sei ba hotu para iha tribunal internasional nia oin," ameasa Mauk Moruk.

 Mauk Moruk hateten tan katak, nia sei la sai ba fatin ida, se-se mak hakarak kaptura nia, bele ba iha fatuhada, Dili. Iha parte seluk, kona ba mandatu kapturasaun, Prokurador Gerald a Republika (PGR) Jose da Costa Ximenes hatan katak, ne'e segredu justica nian no kestaun ne'e sei la koalia arbiru.
,

Sem comentários:

Publicar um comentário

Nota: só um membro deste blogue pode publicar um comentário.