quarta-feira, 26 de março de 2014

Pedidu Sr. Sebastião Ximenes ba desvia situasaun ruma?

.

Maubere Gusmão - Facebook

Ha’u hanesan ema ne’ebé dezde lei pensaun ne’e inísiu kontra quedas, sente kontente tanba Sr. Sebastiao Ximenes konsege lori hikas asuntu ne’e ba públiku hodi hamanas diskusaun ba asuntu ne’e. 

Iha kompañia eleisaun prezidensial Prezidente atuál TMR mak promete ba eleitor sira atu hasai lei ida ne’e bainhira sai Prezidente, agora sai Prezidente Repúblika ona ha’u seidauk haree iha pasu ruma nudár dalan konstitusional ba hasai lei tuir promesa popular. 

Agora daudaun Sr. Sebastiao mak ezije atu hetan pensaun refere. Deputadu sira halo reazen boot katak lei la fó dalan ba Sr. Sebastiao mai ba eis deputadu no eis ministru sira de’it. 

Ha’u hanoin karik pedidu ne’e nudár sensasaun hodi dezvia situasaun ruma tanba Sr. Sebastiao hatene di’ak liu kona-ba lei pensaun vitalisia nia prinsipiu no area kobertura no nia mós dala barak hatete katak PDHJ nia komisáriu sira laiha direitu sai benefisiariu husi lei ida nia. Iha semana ida liu ba ita rona no haree katak Sr. Sebastiao husu atu fó mós pensaun ba sira nudár servidor estadu. 

Pergunta mak ne’e; Pedidu ida ne’e mai husi Sr. Sebastiao vontade duni? Ka nudár táktika dezvia situasaun balun husi agenda públiku? Ka razaun seluk? 
.

Sem comentários:

Publicar um comentário

Nota: só um membro deste blogue pode publicar um comentário.