sexta-feira, 21 de março de 2014

“PR Husu Governu Lalika Tauk Presaun Australia”

.

Jornal Independente -Sesta-feira, 21 Marsu 2014

Prezidenti Republika Taur Matan Ruak husu ba Governu atu lalika tauk presaun husi politiku balun husi Australia, maibe kontinua lori kazu Certain Maritime Arrangament in The Timor Sea (CMATS) ba Tribunal internasional Arbitrajen hodi tesi kazu ne’e tuir direitu povu Timor-Leste.

“Prezidenti hateten, Timor-Leste nia politika mak ne’e, katak, buat ne’ebe mak ita haree katak, iha Tribunbal ninian ita dudu ba tribunal, relasaun ita ho Australia diak nafatin i diak lao nafatin hanesan saida mak akontese ona,” afirma Vice primeiru Ministru, Fernando La Sama de Araujo hafoin halao enkontru semanal ho PR Taur, iha palasiu Prezidensial Aitarak Laran, Dili Kinta-feira horsehik.

La Sama dehan, durante iha deskusaun ho PR Taur fiar katak, Tribunal Internasional iha Olanda sei tetu kazu ne’e ho justu tuir direitu TL nian.

Liu husi Australia nia televizaun, ABC nia programa “Four Corner” iha segunda semana ida ne’e, diplomata Australia ida fo hanoin ban ain ulun Timoroan katak sei iha konsekuensia ba relasaun bilateral rai rua nian tanba prosesu ne’ebe Timor-Leste hahu halo iha Tribunal Arbitrazen no asuntu lina fronteira maritima.

Four Corner dehan mensazen husi diplomata ne’e mosu iha semana kotuk, Ba ABC diplomata ne’e dehan, nia husu dala barak ona ba lideransa Timor Leste atu tenki hanoin didiak  konsekuensia ba relasaun entre rai rua nian kuandu lori kazu ba arbitrazen internasional.

Tan ne’e, Vice PM La Sama mos konsidera komentariu ne’ebe mak hasai husi diplomata balun ne’e hanesan buat baibain ida.

“Se dehan iha impkatu, klaru que iha impaktu duni, ne’e sempre iha impkatu mas impaktu boot tebe-tebes ne’e mak hau la haree,” hateten Vise PM La sama iha palasiu Governu horsehik molok ba hasoru PR Taur.

Tuir La sama katak, se arbitrazen internasional ne’e mak juiz sira dehan, Australia tenke respeita Timor-Leste ninia direitu, ne’e iha impkatu duni, maibe laos impaktu ida atu estraga tiha relasaun entre rai rua ne’e laiha.
 ,

Sem comentários:

Publicar um comentário

Nota: só um membro deste blogue pode publicar um comentário.