quinta-feira, 27 de março de 2014

"PR Taur Lakohi F-FDTL Halo Violensia"

.

Jornal Nacional Diario - Kinta-feira, 27 Marsu 2014 

Prezidenti Republika (PR), nudar mos komandante supremu F-FDTL, Taur Matan Ruak lakohi FALINTIL-Forsa Defesa Timor Leste (F-FDTL), atua problema grupu illegal iha Dub Distritu Laga, Distritu Baucau ho Violensia. 

Xefe Estadu Maior F-FDTL, Major Jeneral Lere Anan Timur hateten katak, durante hala'o enkontru ho Xefe Estadu, Komando F-FDTL sira informa kona ba servisu ne'ebe mak komandu F-FDTL halao ona inklui mos kestaun balun kona ba Prezensa F-FDTL nian iha Sub Distritu Laga, Distritu Baucau hodi atua grupu illegal sira ne'ebe lidera husi eis Komandante Brigada Vermelha, Paulino Gama 'Mauk MOruk' no Antonio Aitahan Matak. 

Tanba ne'e komandu F-FDTL sei orienta resolve problema tuir sujestaun Xefe Estadu nian ne'ebe mak hanesan komandante supremo. 

"Ami informa ba Prezidenti Republika konaba kestaun balun ne'ebe ami foti, ne'ebe senor Prezidenti husu kona ba situasaun actual konaba rumoris ne'ebe la'o iha Laga (Baucau) keta iha problema ruma, tanba Prezidenti lakohi uza violensia, entaun ami hala'o servisu lakohi ho violensia, ne'ebe ami sei trasa tuir Prezidenti nia hakarak," informa Xefe Estadu Maior Jeneral FALINTIL, Forsa Defesa Timor-Leste (F-FDTL), Maijen Jeneral Lere Anan Timur ba Jornalista iha palacio Prezidensial Aitarak laran Dili, Kuarta (26/3) hafoin hasoru malu ho Xefe Estadu Taur Matan Ruak. 

Maijen Lere dehan, Prezidente Republika hakarak komando F-FDTL inklui mos Polisia Nasional Timor-Leste (PNTL) bele servisu hamutuk la'o ho kordenasaun diak liu tan atu garante estabildiade nasional tenki la'o ho Paz. 

Komando F-FDTL ne'e dehan, F-FDTL kontinua suporta PNTL hodi implementa rezolusaun governu hodi husu eis membru Conselho Popular Defesa Republika Democratica de Timor-Leste (CPD-RDTL) no eis membru Konsellu Revolusaun Maubere (KRM) hodi aprezenta an no entrega farda military ne'ebe maka durante ne'e eis membru grupo illegal rua ne'e uza.
.

Sem comentários:

Publicar um comentário

Nota: só um membro deste blogue pode publicar um comentário.