quarta-feira, 30 de abril de 2014

Governo timorense aprova criação da Região Administrativa Especial de Oecussi

.

Díli, 30 abr (Lusa) - O governo de Timor-Leste aprovou uma proposta de lei para criar a Região Administrativa Especial de Oecussi, onde vai ser desenvolvido o projeto da Zona Especial de Economia Social de Mercado, anunciou hoje o executivo.

Na proposta de lei, divulgada na sequência da reunião de terça-feira do Conselho de Ministros, o governo refere que a criação daquela região vai permitir que Oecussi, um enclave na parte indonésia da ilha de Timor, passe a ter "autonomia administrativa, financeira e patrimonial".

"O objetivo é o desenvolvimento inclusivo da região dando prioridade às atividades de cariz socioeconómico e de retorno à comunidade", refere o governo timorense em comunicado.
,
A proposta de lei inclui a ilha de Ataúro, em frente a Díli, como pólo complementar da Região Administrativa Especial de Oecussi, na área do turismo.

A Zona Especial de Economia Social de Mercado, projeto que está a ser liderado pelo antigo primeiro-ministro timorense Mari Alkatiri, tem como objetivo o desenvolvimento regional integrado através da criação de zonas estratégicas nacionais "atrativas para investidores nacionais e estrangeiros".

"O intuito é retirar a Oecussi o estatuto de enclave e conferir-lhe o estatuto de pólo de desenvolvimento nacional, sub-regional e regional, ficando Ataúro no âmbito deste pólo, direcionado para o turismo integrado", explica o governo.

No âmbito da criação daquela região, o primeiro-ministro timorense, Xanana Gusmão, e Mari Alkatiri realizaram entre os dias 17 e 25 uma visita de trabalho a Oecussi para encontros com as autoridades tradicionais, religiosas e distritais para explicar o projeto, que inclui a construção de infraestruturas, nomeadamente um aeroporto, estradas e pontes.

MSE // APN

Lusa/Fim
,

"Veteranus Kontinua Hadau Malu Projeitu, PR Taur 'Ulun Moras"

.

Jornal Independente - Kuarta-Feira, 30 Abril 2014 

Prezidenti Republika, Taur Matan Ruak, aviza beibeik ona ba veteranus sira atu labele ona hadau malu projeitu, maibe realidade kazu ne'e kontinua akontese, problema ne'e halo PR Taur preokupa tebes. 

Xefe Estadu informa kestaun ne'e ba Sekretariu Estadu Asuntu Veteranus, Julio Sarmento "Meta Malik" iha enkontru ida iha palasiu Prezidensial, Tersa (29/04). 

Foin lalais Prezidenti Republika mos kestiaona maka'as Veteranus balun hadau malu projeitu, ida ne'e failansu tekniku iha baze, horsehik sira mai hasoru hau, hau telefone ba sira i hau hirus oituan sira, hau dehan veteranus halo hanesan ne'e halo moe deit Sekretariu Estadu veteranus," dehan Meta Malik. 

Kona-ba enkontru ho PR Taur, nia dehan, PR Bolu nia hodi haree didiak asuntu veteranus hadau malu projetu atu labele akontese tan. Tanba, Meta Malik dehan, dala barak ona PR koalia asuntu ne'e, maibe veteranus balun rona no senti tilun diuk tiha hodi la preokupa. 

 Meta Malik rekonese, veteranu barak kaer projeitu, tanba sira hetan porsentu husi kontrator sira ne'ebe asina akordu hodi implementa projeitu governu nian. 

"Prezidenti Republika koalia ne'e nuudar maun boot ida nia obrigasaun atu koalia, ita fo korazen ba veteranus hotu-hotu kontribui ba dezenvolvimentu pais ida ne'e, tanba uluk veteranus mak sai autor ba independensia e veteranus mos tenki sai matan-tilun, hanoin tomak ba dezenvolvimentu nasaun ne'e iha futuru sai diak," dehan nia. 

"Tanba lakleur, tinan 10 to'o 20 mai veteranus ne'e hela naran karik, karik individu ne'e mate komesa lakon mais pelumenus ita mate rai hela ita nia naran veteranus hodi halo hela buat diak ruma ba jerasuan foun ne'ebe atu lori nasuan ne'e ba futuru," dehan nia. 

Nia apela ba veteranus tomak iha TL atu kontribui be dezenvolvimentu TL ho meius seluk, laos ho hadau malu projeitu. 

.

"KM Aprova Proposta Lei Ba ZEESM"

.

Jornal Independente - Kuarta-Feira, 30 Abril 2014 

Konsellu Ministru (KM) aprova ona proposta lei ba mega Projeitu Zona Espesial Ekonomia Sosial Merkadu (ZEESM) nian, tersa horsehik. 

Vise Primeiru Ministru (VPM) Fernando La Sama de Araujo informa, proposta lei ba ZEESM ne'e aprova ona no hein de'it atu lori ba Parlamentu nasional (PN) atu halo diskusaun no halo votasaun. 

"Bainhira lori ona ba iha plenaria ita hein katak Parlamentu nasional bele aselera lalais iha diskusaun depois aprova ona atu nune'e ita bele hahu book dadauk ona projeitu ZEESM ne'e," hateten Vise PM La Sama, hafoin reuniaun KM, iha palasiu Governu. Lei ba ZEESM ne'e rasik, husi Parte Governu no Sekretariu Estadu ZEESM nian prepara ona rai hela iha meza KM. Hafoin aprova lei ZEESM ne'e, KM sei entrega fali ba iha Sekretariu Estadu Konsellu Ministru atu lori ba iha Parlamentu. 

Tuir Sekretariu Estadu Avelino Voelho realsa katak, iha semana ida ne'e nia laran sei lori ba iha PN atu halo diskusaun. Lei ba ZEESM ne'e rasik sei implementa iha Distritu Oekuse atu sai hanesan baze legal ida. Depois lei ne'e aprova tiha mak Governu halo tan diplomas ka dekreitu lei ruma. 

"Iha lei ne'e liga jerais tanba propoista lei ne'ebe koalia kona ba estatuta reijaun Oekuse ba implementasaun projeitu ZEESM, koalia kona ba autoridades, juidisaun no termus jerais sira seluk tan," haktuir Avelino Coelho.
,

"PR Taur Husu KAK Hamoos Virus Korrupsaun"

.

Jornal Independente - Kuarta-Feira, 30 Abril 2014 

Prezidenti da Republika (PR) Taur Matan Ruak enkoraja Komisaun Anti Korupsaun (KAK) atu hala'o misaun servisu ba prevensaun no investiga kazu KKN ne'ebe mosu iha instituisaun estadu, inklui seitor privadu sira. 

Taur rekonese servisu KAK nian iha progresu diak, maibe sei hasoru dezafiu barak nu'udar parte normal ida iha nasaun foun ne'ebe foin hamriik sempre falta rekursu umanus ba investigador sira. 

"Buat ida ne'ebe Prezidenti Republika Taur hato'o katak, tenki fortifika no korazen nafatin (KAK) para hateke buat ne'ebe la diak dehan la diak, no buat ne'ebe diak dehan diak, tanba ami mai hato'o ami nia servisu durante primeiru mandatu nian ba Prezidenti Republika," dehan Adjunto Komisariu KAK, Manuel Bucar iha palasiu Prezidensial, Ai-tarak laran Dili, horseik. 

KAK mos kontinua husu nafatin apoiu moral husi PR Taur hodi motiva servisu KAK nian la'o susesu iha programa kampania prevensaun KKN liu husi estudante sira iha Nivel Primaria, Pre-sekundaria, no Universidade, inklui autoridade lokal no povu sira. 

Manuel Bucar hatutan, durante enkontru, Xefe Estadu senti kontenti tebes no agradese ba servisu ne'ebe KAK hato'o mos dazafiu no ostaklo ne'ebe KAK hasoru. KAK nuudar instituisaun foun no foin mak iha investigador ba kazu korupsaun hamutuk ema nain 10 no tuir planu ba futuru KAK sei kontinua forma nia ema sira inklui rekruta investigador barak liu tan. 

,

"Ezekusaun OJE Komisaun B PN La'o La Loos"

.

Jornal Independente -Kuarta-Feira, 30 Abril 2014 

Ezekusaun Orsamentu Jeral Estadu (OJE) 2013 iha Komisaun B Parlamentu nasional (PN) la'o la loos, tanba ezekusaun boot liu husi orsamentu alokasaun ba komisaun ne'e. 

Tuir dadus ne'ebe diariu ne'e asesu katak, alokasaun orsamentu ba Komisaun B PN iha OJE 2013 ba kategoria viazen lokal hamutuk U$926,302 ne'ebe ezekuta deit U$505,340 no ba viajen estranjeiru U$1.962.451, maibe Komisaun B ezekuta to'o U$2.718.739 ne'ebe hamosu divida ba komisaun B PN hamutuk U$756.288. 

Entertantu, membru komisaun B PN, Cesar Valente konfesa katak, hafoin fila husi vizita servisu ba Guine-Bissau, meza eis Prezidenti Komisaun B PN, Maria Lourdes Bessa hateten, orsamentu ba viazen estranjeiru ne'e ultrapasa ona alokasaun orsamentu ba viazen estranjeiru. 

"Dehan ami iha divida, ne'e mak ami husu meza tanba saida mak iha fali divida, maibe sira meza to'o agora seidauk esplika no esklarese baa mi," tenik nia. Tuir nia, informasaun ne'ebe nia rona husi eis Prezidenti Komisaun B PN nia vizita ba estranjeiru iha 2013 ne'e ba nasaun Portugal no Guine Bissau deit laiha tan rai seluk, maibe hasai gastu barak. 

 Eis Prezidenti Komisaun B PN, Maria Lourdes Besa, rekonese iha divida bainhira Komisuan B ba halo estudu komparativu iha Portugal no vizita servisu ba Guine Bissau, tanba membru fiskalizasaun PN nain 4 mak tuir komisaun B PN ba estranjeiru. 

Nune'e, deputada partidu PD ne'e dehan, ezekusaun orsamentu ne'ebe ultrapasa ne'e responsablidade Prezidenti PN no Finansa PN nian, tamba sira soma hamutuk ho alokasaun orsamentu ba Komisaun B PN nian.
,

"Komandu PNTL Suspende Komandante Calistro"

.

Jornal Independente - Kuarta-Feira, 30 Abril 2014

Komandu Polisia Nasional Timor-Leste (PNTL) suspende ona komandante Servisu Investigasaun Kriminal nasional (SIKN) Superitendenti Calistro Gonzaga. 

Komandante Operasaun nasional Superintendenti Xefi Armando Monteiro hateten, Komandante Calistro komandu fo ona suspensaun ba nia durante fulan tolu nia laran, atu nune'e bele konsentra ba nia kazu hodi ba hatan iha Tribunal.

"Ita boot sira mai hare nia la tama ona servisu ne'e signifika suspende ona nia, atu nia bele konsentra ba nia kazu," hateten Armando ba INDEPENDENTE liu husi via telefone, tersa, horsehik.

Tuir nia, suspensaun ba komadante SIKN ne'e hahu kedas iha fulan kotuk (Marsu) no oras ne'e nia la hala'o servisu nu'udar komadante SIKN mak hala'o.

"Ita la'os suspende permanente maibe suspende nia atu nia bele konsentra ba nia kazu se iha Tribunal mak nia la sala nia bele hala'o fali nia servisu hanesan baibain," dehan Armando.

Ministeriu Publiku (MP) akuza komandante SIKN Superitendenti Calistro Gonzaga ho kazu rua mak hanesan nao partisipasaun no abuzu de poder.

Antes ne'e, komandante SIKN Calistro ba ona hatan iha Tribunal Distrital Dili (TDD) hodi tuir primeiru audensia, maibe tribunal hadia fali audensia ne'e to'o agora.
.

"TDB Hasai Mandadu Kapturasaun Ba Lider Grupu Ilegal"

.

Notisia Husi TVTL - Tersa-Kalan, 29 Abril 2014 

Tribunal Distrital Baucau (TDB) hasai ona mandadu de kapturasaun ba lider CPD-RDTL no CRN ne'ebe kontinua subar an. Responsavel masimu nain 10 resin mak naran tama iha lista Tribunal nian hodi entrega ona ba komandu operasuan konjunta atu kaptura hodi tuir prosesu justisa. 

Nune'e, segundu komandante tatiku operasaun konjunta FALINTIL-Forca Defeza Timor-Leste no Polisia Nasional Timor-Leste (PNTL) Superitendenti Polisia Agustinho Gomes ba jornalista RTTL Tersa-feira ne'e hateten, mandatu kapturasaun ne'e ba ema nain 12 ne'ebe konsidera hanesan responsavel masimu ba grupu CPD-RDTL no CRM. Tuir segundu komandante katak, orden operasaun hatu'un ona ba komandante kompania iha area Distritu Laga, Quilekai no sub Distritu Bahagia atu ejekuta. Mandatu kapturasaun ne'e ba ema nain 12 mak hanesan, Koboy ho nia kolega sira seluk. 

"Ida ne'e mak klaru ona, identifika ema nain 12 inklui Koboy no Lemorai iha laran, sira nain 12 ne'e hetan tiha ona mandadu detensaun ou Tribunal," dehan Agustinho. Agustinho Gomes afirma tan katak, operasaun konjunta F-FDTL ho PNTL sei kontinua la'o, maske iha lansamentu operasaun ne'ebe hahu iha inisiu fulan Abril tinan 2014 reintegra ona membru CPD-RDTL no CRM nain 156. 

Ema hirak ne'e, balun kaptura iha operasaun, balun fali entrega an ho volontariumente ba komandu operasuan konjunta. Entre nain 156 ne'e nain 34 envolve direta iha asaun kontra polisia iha lalulai iha loron 10 fulan Marsu ne'ebe rejulta membru Polisia ida hetan kanek. 

Enkuantu ema nain 15 mak komandu operasaun konjunta aprejenta ona ba Ministeriu Publiku atu kontinua prosesu ba Tribunal. 

Entertantu, koamndu operasaun konjunta mos sei kontinua halo oprosimasaun ba membru grupu CPD-RDTL no CRM ne'ebe oras ne'e dadauk kontinua subar an atu entrega an ba komandu operasaun konjunta, tamba komandu operasaun konjunta trata sira ho dignu. 
.

terça-feira, 29 de abril de 2014

Otoriter no tirani foun iha erra milinium, demokrasia mate sedu iha ita rai

.

PENDAPAT DARI DOMINGOS BABO

Pergolakan politik di Timor Leste kembali terjadi, hanya di karenakan kritikan tajam dan pedas yang dilontarkan oleh eks komandan Falintil Mauk Moruk, terhadapat pemerinthan Xanana Gusmao.

Yang dipandang sebagai salah satu pemimpin yang begitu Korup atau telah ikut ambil andil merajelalnya korupsi,Nepotisme, Kolusi di pemerintahan AMP-I maupun AMP-II, pemerintahan Xanana Gusmao di pandang lebih mementingkan kepentingan kelompok elit dan Partainya sebagai suatu hal yang prioritas dan melupakan kepentingan rakyat, Eks-Komandan Mauk Moruk memperlihatkan beberapa bukti penyelewengan atau penyalahgunaan uang rakyat melalui Anggaran Belanja Negara yang setiap tahunnya menyepekati ratusan Miliyar dollar amerika, tapi ternyata pembagunan berjalan di tempat, pemerintahan Xanana Gusmao Lebih memilih membeli mobil-mobil mewah, fasilitas-fasilitas yang begitu mewah kepada para anggota Parlamen Nasional dan para Menteri-menteri yang membantu kepemerintahan Xanana Gusmao.

Proyek Infrastrutura yang hanyalah hasil konspirasi Politik untuk mencuri uang rakyat Timor Leste, ini terlihat jelas ketika partai Xanana Gusmao yaitu CNRT melakukan pengalangan Dana yang berjumlah Jutaan dollar hanya untuk membeli hak suara pemilu (pemilihan umum 2012), tentu terjadilah politik timbalik balik(POLITIK TERIMA KASIH) Xanana Gusmao harus membayarnya dengan Proyek-proyek besar.

Pemerintahan Xanana telah mencapai umur 8 tahun memimpin, kepemimpinanyang lebih mementingkan juga kepentingan-kepentingan luar negeri semisal Autralia yang tujuannya hanyalah mengekplorasi/eksploitasi kekayaan alam rakyat Timor Leste yaitu Minyak di selat Timor(Kunjungan Xanana ke Australia yang bertujuan menghilangkan segala bukti kejahatan Perang antara Indonesia-Australia-Timor Leste) Tidak sampai di situ, Perdana Mentri Xanana Gusmao juga berhasil menyuap para pemimpin Oposisi yang berada di Partai FRETILIN dengan uang Puluhan miliyar dollar dan beberapa MEGA PROYEK (dengan Nama Master Plan kemudian berubah menjadi ZEEMS), agar pihak OPOSISI FRETILIN tidak lagi mengkritik pemerintahan Xanana Gusmao dengan Dalih mendirikan kepemimpinan bersama, hal yang begitu konyol yang pernah TERJADI di negara-negara demokrasi, mengatakan diri sebagai NEGARA DEMOKRASI tapi ternyata DEMOKRASI YANG BERTUJUAN MENCURI UANG RAKYAT, dan ini terjadi di negara Muda seperti Timor Leste. Suatu proses pembodohan yang pernah terjadi di dunia POLITIK.

 Kritikan-kritikan Tajam dan Pedas (WALAUPUN HANYA MELALUI MEDIA TELEVISI,RADIO,KORAN,MEDIA SOSIAL/FACE BOOK) inilah yang membuat kroni pemerinthan Xanana Gusmao yaitu Parlamen Nasional menciptakan sebuah Resolusi yang bertujuan melakukan penangkapan terhadap Eks-Komandan baret merah Mauk Moruk: dimana PAULINO GAMA atau MAUK MORUK di tuduh sebagai orang yang memiliki keinginan dan bertujuan mengancam estabilitas negara. SEBUAH Penyalahgunaan wewenang sebagai anggota parlamen-pun terjadi: beberapa tuduhan yang di di lakukan oleh parlament Nasional antara lain :

1. EKS-KOMANDAN BARET MERAH MAUK MORUK TELAH MELAKUKAN SUBVERSI

2. EKS KOMANDAN BARET MERAH FALINTIL MAUK MORUK DITUDUH TELAH MENDIRIKAN ORGANISASI KRIMINAL

3. EKS KOMANDER BARET MERAH MAUK MORUK JUGA DI TUDUH TELAH MELAKUKAN ATAU MERUSAK KETERTIBAN UMUM Semua tuduhan yang tidak mendasar dan tidak terbukti secara hukum oleh JAKSA PENUNTUT UMUM/PGR.

Apalagi tuduhan ini di lakukan oleh parlament Nasional yang tidak memiliki fungsi pengadilan. Timor leste memiliki badan yudikatif yang di sebut PROCURADOR GERAL REPUBLIKA, yang mana setiap kasus hukum, DEWAN inilah yang mempunya hak dan kompetensi penuh untuk mengadili seseorang, dan di timor leste tidak demikian, hak YUDIKATIF yang direbut Oleh Legislasif YANG BERTUJUAN memenuhi nafsu Politik Xanana Gusmao, apakah ini negara demokrasi, kiranya Timor leste bukanlah negara Demokra tetapi tiada lain Negara Tirani dan Otoriter.

RESOLUSI PARLAMEN NASIONAL juga seolah-olah menyuruh agar militer dan Policia Nasional melakukan penembakan dan pembakaran terhadap rumah-rumah penduduk di kabupaten Baucau Desa Lalulai, kecamatan LAGA pada hari operasi pertama da ketiga. Suatu kenyataan pahit yang harus dirasakan oleh rakyat timor leste yang tetap miskin dan melarat akibat ulah kepemimpinan otoriter dan TIRANI.

Sampai saat pemimpin organisasi Badan Revolusi Maubere telah di tahan di Rumah tahanan Bekora, dimana proses penahanan ini juga begitu menghebohkan di mata rakyat timor leste, ini terlihat jelas diproses pengadilan dimana JAKSA PENUNTUT UMUM/PGR tidak mampu menunjukkan bukti-bukti nyata atau kongkrit bahwa Mauk Moruk telah melakukan pelanggaran hukum seperti yang telah di tuduhkan oleh Pihak Pemerintahan dan Parlament TERHADAP MAUK MORUK, hal yang sanggat membingungkan lagi yaitu : Pengadilan Negeri Dili hanya mengacu kepada Hasil Resolusi sebagai bukti kuat untuk mengadili Mauk Moruk. (Hukum Timor Leste telah mati Suri).

Namun hakim di pengadilan Kabupaten DILI tetap mengadili Mauk Moruk sebagai PENJAHAT POLITIK. RESOLUSI PARLAMENT NASIONAL YANG TELAH MEMERINTAHKAN MILITER/F-FDTL DAN POLICIA TIMOR LESTE UNTUK MENGUNAKAN KEKUATAN MILITER DALAM MEMBASMI KOMUNITAS OPOSISI CPD-RDTL & CRM CRM adalah organisasi Politik non Partai yang di pimpin oleh seorang tokoh Gereliawan bernama Mauk Moruk yang beranggotakan para mantan gereliawan yang telah di singkirkan oleh Xanana Gusmao, dimana Xanana Gusmao Beranggapan bahwa para Veteran ini bisa menjadi batu sandungan bagi kepemimpinan dia, Xanana Gusmao lebih memilih tokoh-tokoh Pro-Jakarta untuk menduduki jabatan-jabatan penting di Timor Leste, karena tokoh-tokoh tersebut tunduk dan patuh terhadap Xanana Gusmao.

Oleh sebab itu, dengan segala rasa Hormat kepada Negara-negara Demokrasi untuk bisa melakukan suatu aksi diplomasi terhadap Kepemerintahan Xanana Gusmao: RAKYAT PRO DEMOKRASI MEMINTA KEPADA : NGO/LSM di seluruh dunia Demokrasi agar bisa meninjau kembali proses pembunuhan Demokrasi yang terjadi di Timor Leste.

VIVA DEMOKRASI! VIVA FRETILIN! VIVA TIMOR LESTE!
.

"PN Fo Sentidu Kondelensia Ba Matebian Ovidio"

.

Jornal Independente - Tersa-Feira, 29 Abril 2014 

Parlamentu Nasional fo sentidu kondelensia ba embaixador Timor-Leste ba Vatikanu-Roma, Ovidio de Jesus Amaral ne'ebe fila hikas baa man maromak nia Kaduna santa. 

 Embaixador Timor-Leste ba Vatikanu-Roma, Ovidio de Jesus Amaral iis kotu iha Vatikanu-Roma iha loron 26 fulan-Abril ne'e. Vise Prezidenti Parlamentu Nasional (PN) Adriano do nascimento ho nia membru tomak fo sentidu Kondelensia ba embaixador TL ba vatikano nuudar eis Ministru Transporte telekomunikasaun iha Primeiru Governu Konstitusional. 

"Ita nia maluk eis-Ministru atual Embaixador ba vatikanu Roma nia hakotu iis ne'ebe ho PN nia naran hato'o sentidu kondelensia no solidaridade ba familia Ovidio de Jesus ne'ebe aman Maromak bolu ona," dehan nia ho trsite. 

Iha fatin hanesan, membru Deputadu Bancada FRETILIN, Inacio Moreira mos hato'o sentidu kondelensia ba eis-Ministru ne'e. "Hau hakarak hato'o hau nia sentidu kondelensia ba nia ho nia familia romak," dehan Inacio iha uma fukun PN, horsehik. 

Nune'e, Prezidenti Bancada CNRT, Natalino de Jesus lori Bankada CNRT nia naran hato'o sentidu kondelensia ba matebian Ovidio ne'ebe nai maromak bolu ona no fo solidaridade ba nia familia tomak ne'ebe lutada. 

Mate isin, tuir planu sei lori fila mai Timor-Leste hodi kontinua ba serimonia funeral.
,

Korupsaun Iha TL Kontinua Buras; "Fundador FALINTIL Hasoru Malu PR Taur Diskute Kona Ba Luta Kontra Korupsaun"

.

Notisia Husi TVTL - Segunda-Kalan, 28 Abril 2014 

Fundador FALINTIL hasoru malu ho prezidenti da Republika (PR) Taur Matan Ruak hodi hanoin kona ba luta kontra korupsaun. Rogerio Lobato hateten, oras ne'e dadaun korupsaun komesa buras iha rai laran. 

Segunda-feira semana ne'e, fundador FALINTIL Rogerio Tiago Lobato hasoru malu ho Prezidenti da Republika Taur Matan Ruak iha palasiu Prezidenti Bairo-Pite, Dili. 

Durante sorumutu sira koalia kona ba prosesu dezenvolvimentu iha Timor-Leste, hafoin sorumutu ba jornalista sira, Rogerio Tiago Lobato informa katak, nia husu ba prezidenti da Republika atu tau atensaun ba korupsaun ne'ebe buras iha rai ida ne'e, tamba oras ne'e dadauk korupsaun buras nafatin. 

"Tamba ita la'o iha sidade laran ne'e ema sira lamenta barak, nusa mak gasta osan ida barak tebe-tebes ba rai ida ne'e, rai ida ne'e la diak nafatin, estrada la diak, kondisaun povu nia kontinua la diak," dehan Rogerio.

 Nune'e, nia husu ba Timoroan sira labele hanoin halo korupsaun maibe oinsa atu iha hanoin diak hodi kontribui ba dezenvolvimentu rai ida ne'e.

Foto de Presidência da República de Timor-Leste - Facebook.
.

"AS Halo Violasaun Seksual Hasoru Vizinu Labrik Ki'ik"

,

Jornal Independente - Tersa-Feira, 29 Abril 2014 

Joven ida ho inisial AS tinan 24 hela iha area Komoro, Domingu (27/4) halo violasaun sexual hasoru ninia vizinu labarik kiik ho inisial JV idade 13. 

Tuir informasaun husi sasin sira ne'ebe servisu Investigasaun Kriminal Nasional (SIKN) rekolla iha terenu katak, iha loron Domingo (27/4), suspeitu AS bolu labarik JV ba iha nia uma laran, liu minutu balun, Vizinu sira rona lian hakilar (husu ajuda) husi suspeitu AS nia uma laran. 

Nune'e, iha vizinu balun mos haree suspeitu AS halo hela violasaun seksual ba vitima JV, entaun vizinu sira ne'e kontaktu Polisia Nasional Timor-Leste (PNTL) hodi mai halo atuasaun hasoru suspeitu AS. 

Hafoin halo kapturasaun, PNTL sira identifika katak, vitima JV hetan ona violasaun seksual husi suspeitu AS. "Ita agora kaer hela suspeitu ne'e no sei detein iha sela polisia eskuadra Komoro," dehan Komandante Interinu SIKN, Manuel Alves, iha Kuartel Jeral PNTL, Kaikoli, Dili, horsehik. 

Nia hatutan, vitima parte Polisia entrega ona ba ONG Pradet hodi bele fo konsellu ba vitima ne'e, nune'e bele halakon traumatiku husi vitima ne'e rasik. 

 "Ita entrega ona vitima ba pradet no agora ita nia parte Polisia komunitariu halo ona atendimentu para oinsa haree ba prosesu ne'e ba oin," dehan Manuel.
,

"Antonius Mate Fatin Iha Filme Porno Oin"

.

Jornal Independente - Tersa-Feira, 29 Abril 2014 

Antonius Atay ho idade 24 mate iha Televizaun oin ne'ebe kondisaun loke filmazen porno, iha nia uma laran. Matebian Atay mate iha Sofa leten, loron Kinta-feira kalan (24/4), Iha Beto Timur, Komoro, Dili. 

 Komandante Interino Servisu Investigasaun Kriminal Nasional (SIKN) Manuel Alves hateten, Antonius Atay mate ho kondisaun haree hela filme ida (porno) iha nia uma laran. 

"Ami nia ema ba haree nia mate tur hela iha sofa leten no filme at (porno) lao hela tuir informasaun ne'ebe ami simu husi nia familia katak, nia nonton to'o dader," dehan Manuel. Mate isin agora entrega fali ona ba familia hodi halo serimonia funeravel. Matebian ne'e, nuudar sidadaun Indonesia, hela iha nia familia Timor-Leste. 

Entertantu, iha fatin ketak, kona ba kazu sidadaun Indonesia Mariady Muliady ne'ebe mak mate iha area Bairu-Pite, komandante interinu ne'e dehan, mate isin sei iha hela mortuariu Hospital Nasional Guido valadares (HNGV) hodi hein prosesu autopsia. 

Kronolojia akontesementu vitima ne'e hela mesak iha nia patraun ne'ebe nuudar sidadaun Timor, iha Kinta (24/4) madrugada, nia senti moras iha nia fuan no husu ajuda ba vizinhu kontaktu abulansia hodi tula nia ba ospital, maibe to'o dalan klaran nia mate. 

 "Ita hein kontaktu familia sira mai mak bele autopsia atu nune'e ita bele hatene nia mate," hateten Manuel ba Jornalista, iha KUartel jeral PNTL Kaikoli, horsehik. Kazu ne'e sei iha prosesu investigasaun no sei hein lai rejultadu autopsia ne'e oinsa mak foin bele kontinua tan porsesu foun. 

Tuir familia matebian ne'ebe mak lakohi publika nia naran hateten, sira deskonfia Miriady mate tanba veneno, matebian hela iha patraun ne'e nia uma tanba atu ba sisi nia osan hamutuk U$70.000 Dolar Amerika.

 "Nia hela ho ami maibe nia ba Bairu-Pite ne'e atu sisi osan ba patraun ne'e tanba Miriady kaer nia projeitu iha sub Distritu Venilale maibe patraun ne'e seidauk selu nia osan," hateten fontes ne'e. matebian ba toba iha patraun nia uma, tanba patraun mak haruka, patraun ba halo tratamentu saude iha Surabaya Indonesia. 

Vitima ne'e nia kaben ho Timor-oan husi Distritu Bobonaro no iha oan nain rua no Mariady hela iha TL hahu 1992 to'o agora. 
.

segunda-feira, 28 de abril de 2014

"Lere Husu Kaptura Lider CPD-KRM"

.
PNTL obriga tia ne’e ba kee rai kuak hodi buka granada no kilat maibé ikus la hetan buat ida
Jornal Independente - Segunda-Feira, 28 Abril 2014

Komandante Jeral FALINTIL-Forca Defeza Timor-Leste (F-FDTL), Major Jeneral Lere Anan Timur husu ba komandu operasaun konjunta (KOK) atu kaer lideransa grupu CPD-RDTL ho KRM.

Tuir nia, presiza kaer uluk lider sira, laos ba soe tempu buka tuir nafatin labarik sira ne'ebe subar iha Kelekai ne'eba, kuandu ulun mak la kaer agora bele para ona, maibe ba futuru moris fali deit.

 "Ita durante operasaun ne'e ita kaer mak ai-tahan sira ne'e, ita la kaer nia hun, agora ita kaer tok nia hun mak Timor ne'e nabeen ba mak ita haree," dehan jeneral Lere iha Kuartel Jeneral F-FDTL, Fatuhada-Dili, Sesta (25/4).

Nia hatutan, alende Mauk Moruk keta halo balun sei iha karik, buka mak sira ne'e la'os ba presege tempu ba labarik sira ne'e.

 "Hau simu mensajen husi sira ne'ebe subar iha kelekai sira dehan, ami laiha kilat, se imi hakarak hatene, se mak iha kilat, karik bah usu katuas L-7, Mauk-Moruk, ho Olgario, ami laiha kilat entaun ba husu sira ne'ebe naran temi ne'e nusa mak bah usu fali labarik sira iha ne'eba," dehan nia.

Nia hatutan, kuandu kompara ho ai-hun ruma mak ta'a uluk nia tahan ho sanak la taha nia hun aban bain rua sei moris fila fali, maibe kuandu ta'a nia hun ne'e lakn dala ida ona no sei la mosu fila fali ona.

Lee tan iha ne'e: "Operasaun FDTL no PNTL hasoru CPD no KRM falha no populasaun sai vitima."
.

"Tensaun Kontinua Ataka Prizioneiru Lucia Lobato"

.

Jornal Independente - Segunda-Feira, 28 Abril 2014 

Eis Ministra Justica (MJ), Prizioneira Lucia Lobato tamba halo tan tratamentu iha Hospital Nasional Guido Valadares (HNGV) tanba tensaun alta. Xefi Unidade Banku Emerjensia HNGV, Cosme Saldanha hateten, prizioneira Lucia halo tratamentu tanba hetan pedidu hosi Ospital Gleno, Distritu Ermera. 

"Oras ne'e, (Sesta liu ba) Prizioneira Lucia halo hela tratamentu iha sala emerjensia, maibe ami labele fo informasaun klaru," hateten Cosme ba Jornalista sira foin lalais ne'e. 

Dotora Liliana ne'ebe fo atendementu ba Prizioneira Lucia hateten, pasiente ne'e hetan atakasaun tensaun, tan ne'e parte ospital fo hela tratamentu. Entertantu, mediku sira iha Ospital lakohi fo komentariu klean kona ba pasiente ninia moras, tanba lei mediku la fo dalan. 

"Nia moras ne'e ami mediku deit mak bele hatene tanba ida ne'e realsiona ho ema nia privasidade, tanba ne'e ami labele fo sai ba ita boot sira," dehan Dotora ne'e. hafoin halo tratamentu iha sala emerjensia, prizioneira ne'e transfere kedas bas ala bedah wanita. 

Lucia to'o iha HNGV iha loron sesta, tuku 10 oras Timor-Leste ho kareta prizioneiru Gleno Ermera akompania husi Guarda Prizioneiru feto nain rua (2) no mane nain tolu (3) inklui motorizada. Iha tinan kotuk Prizioneira Lucia husu ba MInisteriu Saude atu halo tratamentu saude iha Ospital rai liur, maibe Dotor HNGV nia la fo tanba kondisaun Lucia normal bele halo tratamentu iha rai laran.
,

sábado, 26 de abril de 2014

Referendum mak deside eis milisia nia destinu, laos ema mesak ida!

.

Husi: João Ran Nakali

EIS MILISIA SE MAI TIMOR REFERENDUM MAK DESIDE EIS MILISIA NIA DISTINU - laos ema ida mesak, maibe Povu Maubere!

Prosesu ukun an ou independensia nebe povu Timor Leste hetan ne’e, liu husi kosar wean, ran, vida , riku soi nomos sosa ho sira nia dignidade hodi dudu prosesu funu naruk ba luta da libertasaun, hamutuk tinan 450 Povu Maubere moris iha Kolonial Portuguesa nia okos, tinan 24 Povu Maubere moris iha invazores Indonesia liman laran, tempo nebe naruk/kleur tebes hodi sai husi susar no terus .

Povu ne’e senti kanek no laran moras, nune destinu rai doben ida ne’e laos ema ida mesak mak tahu nia destinu, maioria Leader no Povu Maubere tomak nebe Organizado tebes mak hamrik hamutuk hodi deside destinu rai Lulik ida ne’e nia vida.

Agora ikus mai ema ida mak hakarak deside Distinu ba dala foun ida tan, ne lalos ona! 1999 Leader Resistencia hamutuk povu Maubere bolu malu hodi hamrik no hakilar ninia dignidade, Dereitu no Liberdade nebe iha tinan barak no naruk liu ba povu nungka mehi, nebe Kolonial Portugues no Indonezia hadau, laos sai sasan simples ida que ema balun dehan ida ne’e “RESIKO FUNU”.

Povu Maubere Lakon nia Familia, Lakon nia oan, nia fen, no Familia tomak, hodi hasoru Invazores Indonesia, kiak no mukit hela hamutuk ho sira, laiha riku, laiha edukasaun, batar no aifarina sai hanesa sira nia maluk,  kezu, mantega,ikan,serveza, no festa sai hanesa hahan loron-loron ba Otonomista no Milisia sira, sira hetan bolsu estudu, edukasaun nivel alto,akaba kursu oin barak hodi defende Invazores sira nia intrese, tamba sa ohin loron ita ibun fasil tebes hodi hakanek tan Povu Maubere ne’e ba dala ikus?

Milisia ou otonomista sira ita Lanega, sira mos Timor oan Hotu, sira nia Husar hakoi iha rai Doben ida ne’e, maibe persija ita nia atensaun ba dalan saida mak uluk sira Halo, Laos ita Lagosta, Laos ita Hakribit, maibe ita tengki hatudu ba sira katak Ami ukun an Laos ho dalan Fasil, maibe ukun an ne’e ami sosa ho ruin no ran, ita tenggki hatudu ba sira katak."Imi ami se bolu mai ba imi nia moris fatin, maibe ita mos tengki hatete ba sira agora seidauk tempo hodi fila hikas mai Timor”, ita tengki hadomi malu maibe ita mos tengki loke ita nia hanoin hodi HARE BA ISTORIA NO HATEKE BA FUTURU.

Milisia nia destinu laos Chefe Governu mak deside, laos Parlamento mak deside, maibe tengki Povu MAUBERE ne’e mak deside. Governu no Parlamentu hari ne'e tamba Pavu Maubere mak sosa ho ruin no ran.

NASAUN IDA NE’E SE PERSIJA RESOLVE PROBLEMA FUNU (FALINTIL), NASAUN IDA NE’E PERSIJA EMA HOTU NIA HANOIN, LAOS IDA MESAK MAK SAI FALI ASSUWAIN.
.
NASAUN IDA NE’E SE PERSIJA HAKEREK ISTORIA QUE IDA LOLOS, TAMBA FUNU NE'E LAOS FILME IDA. NASAUN IDA NE'E PERSIJA ESTABILIDADE, HODI HATEKE BA FUTURU.

 Loron hirak liuba ita rona, ita maluk sira nia okajiaun katak ita ema ida se bolu hikas integrasionista sira, maibe hau hakarak hatete lolos laos hau, ka imi mak deside Nasaun ne’e nia Vida, maibe hau hakilar ba imi katak, Nasaun ne’e Povu Maubere mak sei koalia.

 REFERENDUM UNIKA SOLUSAUN HODI DESIDE SIRA NIA MILISIA DESTINU!

Para oho malu! Para bosok Povu! Para naok Povu! Para soran Povu!

VIVA FALINTIL! VIVA FRETILIN! VIVA TIMOR LESTE! VIVA POVU MAUBERE!
.

I was afraid to love

.
Foto de, Kai Buti :)
Christopher Poindexter

I admit,
I was afraid
to love.
Not just love,
but to love her.

For she was a stunning
mystery. She carried things
deep inside her that no one
has yet to understand,
and I,
I was afraid to fail,
like the others.

She was the ocean
and I was just a boy
who loved the waves
but was completely
terrified to
swim.
.

sexta-feira, 25 de abril de 2014

Governu La Tau Atensaun Ba Osoario; "Deputadu FRETILIN Konsidera Funu Nain Sira La Fo Valorizasaun Ho Dignu"

.

Notisia Husi TVTL - Kinta-Kalan, 24 Marsu 2014 

Deputadu Parlamentu Nasional (PN) Leonel Marcal preokupa ba kondisoens Osoario iha Distritu Manufahi ne'ebe nakonu ho duut, tamba laiha atensaun husi Governu lokal. 

Osoario ne'ebe Governu kria iha Distritu hodi asegura Heroi sira nia ruin ne'ebe naklekar iha duut laran, fatuk kuak, no foho leten hodi tau hamutuk iha fatin ida, maibe situasaun ne'ebe akontese deferente iha terenu. 

Osoario Distritu Manufahi nakonu ho dut halo deputadu Leone Marcal preokupa maka'as, tamba iha observasaun ne'e hare ho laran triste tamba Osoario Impeita ho duut hanesan ai-laran duut. 

"Ita to'o mai iha laran, ita senti triste, ita hanoin tamba ita foti husi ai-laran ida, foti husi dut laran ida mai tau fali sira iha dut laran no ailaran nafatin, tamba sira iha maon ida ona maibe kondisaun ne'ebe agora dadaun osoario ne'e ita hare, dut laran, ai laran, halo moru ida kapaas tiha ona, uma ida ke kapaas mas ninia lingkungan ne'e laiha atensaun husi Governu, Governu lakon osan barak ba fatin ida ne'e maibe depois ida ne'e abandona hela, laiha atensaun oituan mos husi Governu, nein Governu sentral no Governu Distritu," dehan Leone Marcal. 

Ho kondisoens ida ne'e, deputadu ne'e husu ba Governu atu halo limpeza kada semana no fulan hodi foti dignidade heroi sira ne'ebe mate ba nasaun ida ne'e. 

"Heroi sira ne'e abandona hela, osoario ne'e mos ita hare at tiha ona, laiha atensaun, ida ne'e mak halo ita problema, husu ba governu para tau atensaun hodi halo limpeza iha Osoario ne'e, hodi nune'e ita konsidera katak, ema ne'e funu nain duni mak tau iha fatin ne'e," dehan Leone. 

Kria kondisoens diak no halo limpeza ba Osoario iha Distritu, la presiza hein orden husi Primeiru Ministru, autoridade lokal iha Distritu tenki tau konsiderasaun no foti inisiativa rasik hodi asegura fatin hirak ne'e. 
.

"Soke Fuju Iha Portu Dili, Mateus Mate Iha Fatin"

.

Jornal Independente - Sesta-Feira, 25 Abril 2014 

Kareta fuju ne'ebe para iha Porto Dili nian oin hamosu asidente trafiku, horikalan, maizumenus tuku 10:30 oras Timor-Leste, motorizada ida, mate iha fatin wainhira soke fuju husi kotuk. 

Tuir informasaun husi sasin balun iha fatin akontesementu katak, vitima halai ho velosidade maka'as husi dirasaun Motael ba palasiu Governu. Iha Portu Dili nia oin, vitima ne'ebe sa'e motor Mio-Z ho numeru matrikula F.2945 derepenti halai loos ba kareta fuju ho numeru matrikula 50.851 ne'ebe para hela. 

Vitima ne'ebe identifika ho naran Mateus Pereira deskonfia ho kondisaun lanu no la uza kapaseti. Akontesementu halo vitima nia ain tohar no ulun rahun, vitima mate kedan iha fatin. 

Hafoin asidenti ne'e, Polisia Tranzito too kedan iha fatin akontesementu. Tuir Polisia Tranzito, Ajente xefe Armando Bere, nia parte sei lori kundutor fuju ba polisia Distritu Dili hosi husu informasaun. 

Nia dehan, nia parte mos sei halo investigasaun ba akontesementu ne'e. Iha kalan ne'e, Polisia Tranzito tenki kontaktu familia vitima, maibe lakonsege, no polisia kontaktu ambulansia hodi lori vitima ba Ospital hodi halo prosesu autopsia.
.

"Painel Internasional Husu Australia Permite Sasin Na'in Ba Tribunal Arbitrazen"

.

Jornal Independente - Sesta-Feira, 25 Abril 2014 

Painel Jurista Internasional ida ezije Australia atu permite sasin nain eis intelejensia Australia hodi hatan iha arbitrazen internasional ho kazu espionazen ba edifisiu Governu Timor-Leste iha tinan 2004. 

Iha tinan kotuk, Timor-Leste lori Australia ba Tribunal arbitrazen tanba ekipa intelijn Australia nia halo espionajen ba palacio Governu iha 2004. Hahalok intelejensia ne'e fo sai husi eis ajente intelejensia Australia nian ida, ne'ebe envolve mos iha movimentu hasoru Dili iha tempu Dr. Mari Alkatiri sei lidera Primeiru Governu Konstitusional. 

Eis ofisial intelijensia ne'e deisde hakarak sai sasin nain ba Timor-Leste iha Tribunal Arbitrazen iha Olanda. Desizaun sain nain ne'e halo Australia la kontente. Iha Dezembru 2013, autoridade Australia kansela ona ninia pasaporte atu nune'e nia labele ba Olanda. 

Camberra koko nafatin atu blokeia ema ne'e atu sai ba liur hodi defende Timor-Leste. Tuir reportajen media Fairfax iha Australia iha loron 21 Abril katak, hahalok Cambera nian ne'e la hetan konkordansia husi painel arbitral ne'ebe kompostu husi ema nain tolu, ne'ebe iha juridikasaun ba dispute, bazeia ba tratadu Tasi Timor ne'ebe nasaun rua asina iha 2002 hafoin Timor-Leste hetan nia independensia total husi Nasoens Unidas. 

 Painel ne'e dehan, Governu Australia presiza fo pasaporte foun ka dokumentu foun ka dokumentu viazen temporariu ruma ba sasin nain hodi ba hatan iha arbitrazen internasional. Maibe sasin nain bele fo nia evidensia liu husi lina video, dehan Painel. 
.

"TL Rejistu Kazu HIV/SIDA 408, 42 Mate"

.

Jornal Independente - Sesta-Feira, 25 Abril 2014 

Tuir dadus Ministeriu Saude nian katak, hahu husi tinan 2002 to'o 2014 rejistu kazu moras HIV/SIDA hamutuk nain 408, entertantu husi numeru ne'e nain 42 mak mate ona. 

 Sekretariu Ezekutivu Komisaun Nasional Kombate Sida Timor-Leste (KNKS-TL), Daniel Marcal hateten, tuir dadus ne'ebe mak rejistu iha Ministeriu Saude (MS) no mos iha Komisaun rasik hahu husi tinan 2002 too agora hamutuk nain 408, no husi numeru ne'e nain 42 mak mate. 

"Ita hotu hatene katak, HIV/SIDA iha ita nia rain kalan loron aumenta to'o agora ita rejistu ona hamutuk 408 no nain 42 mak mate inklui nain 2 ne'ebe mak foin mate horsahik (horibainrua)," hateten Daniel ba Jornalista sira iha fatuhada horsehik. Kazu sira ne'ebe mak rejistu mak 408, maibe ema seluk balunmoe ka tauk lakohi ba halo testu. 

"Tanba ho numeru moras ne'e nian sa'e maka'as hau sujere ba governu, liu-liu Ministeriu Edukasaun (ME) tenki hatama iha kurikulum kona ba edukasaun sexual nian, nune'e joven sira bele hatene oinsa mak bele prevene moras ne'e," dehan Daniel. 
.

"PM Xanana Ho Mari Alkatiri Hala'o Inkontru Konsellu Ministru Extra-Ordinario"

.

Notisia Husi TVTL - Kinta-Kalan, 24 Marsu 2014 

Primeiru Ministru (PM) Xanana Gusmao, Eis Primeiru Ministru Dr. Mari Alkatiri no membru Governu hala'o inkontru konsellu Ministru extra ordinariu iha Sub. Distritu Pante-Makasar, Oecusse. 

Enkontru konsellu Ministru extra-ordinariu ne'e hala'o iha sentru formasaun Dominikana Pante-Makasar, iha enkontru ne'e konselu Ministru desidi kona ba implementasaun projeitu ZEESM no preparasaun ba tinan 500 Embarkasaun Portuguesa iha Lifau. 

Hafoin enkontru Ministru Obras Publika Gastao de Sousa hanesan Porta Voz Governu hateten, Projeitu Fiziku ne'ebe sei hahu fulan Junu tinan ne'e mak estrada husi Tono ba Oesilo, no Lifau ba Sitrana, aeroportu, bee moos no edifisiu sira seluk. 

 "Primeiru envolve Ministeriu hotu iha ne'e hodi identifika ba projeitu ne'ebe mak sei implemente mak hanesan, estradas, ponte airoportu no edifisiu sira seluk, kona ba bee mos, eletrisidade hodi implementa projeitu hirak ne'e," dehan Gastao. 

Nia haktuir liu tan katak, kona ba preparasaun ba komemorasaun tinan 500 embarkasaun Portuguesa iha Timor-Leste, Ministeriu Turizmu no SEFPOPE sei halo konstrusaun ba fatin biasakra iha Lifau. 

Maske nune'e, lei kona ba projeitu ZEESM la debate iha enkontru ne'e tamba pronto ona atu deskute iha Parlamentu Nasional. Ministru Obras publika, Sekretariadu ZEESM no Administrasaun Distritu sei tau matan ba implementasaun projeitu hirak ne'e.
.

"Governu Laiha Kapasidade Ezekuta OJE 2014"

.

Jornal Independente - Sesta-Feira, 25 Abril 2014 

Ezekusaun Orsamentu Jeral Estadu (OJE) 2014 trimestral husi fulan janeiru to'o Marsu hatudu indikasaun 'Valor mean', tanba jeralmente ejekusaun OJE sei minimu tebes. 

Tuir lei orsamentu jeral Estadu, artigu 8 katak, membru Governu hotu-hotu iha dever atu hato'o relatoriu ezekusaun OJE kada trimestral ba Parlamentu Nasional, Ministeriu ne'ebe aprezenta ona ezekusaun OJE 2014 iha trimestre dahuluk nian mak Ministeriu saude, Ministeriu Edukasaun, Ministeriu Komersiu Industria no Ambiente no Ministeriu Solidaridade Sosial. Prezidenti Komisaun C Parlamentu Nasional Virgilio Marcal hateten, husi relatoriu ne'ebe tama ona, komisaun C Parlamentu Nasional (PN) haree katak, membru Governu sira laiha kapasidade atu halo ezekusaun OJE ho diak. Nia hatutan katak, tuir regra normal ezekusaun orsamentu husi Ministeriu kada trimestral tenke atinji 25 %, maibe, husi Ministeriu hirak ne'ebe tama seidauk atinji tarjetu ne'e. 

 "Ami analiza Ministeriu barak nia ezekusaun OJE 2014 fulan tolu nia laran ne'e barak mak sei ezekuta to'o deit 12%," nia afirma. Haree husi presentazen ezekusaun ne'e, Komisaun C PN konsidera kapasidade ezekusaun orsamentu kada Ministeriu sei minimu tebes. 

Atu evita mossu eruu barak iha ezekusaun orsamentu jeral estadu, iha tempu badak nia laran PN sei konvida tan Ministeriu ne'ebe seidauk mai aprezenta ezekusaun atu mai aprezenta. 

"Parlamentu sei kontinua bolu Ministeriu ne'ebe seidauk mai hodi nune'e parlamentu bele akompania kada Ministeriu nia ezekusaun para lalika mosu tan hanesan OJE 2013," nia afirma. 

Nune'e, deputadu PN sira mos sei halo kontrolu diak liu tan, tanba lei Orsamentu Jeral Estadu (OJE) mos defini klaramente katak, to'o fulan Setembru mak membru governu sira ezekuta la to'o 80%, Parlamentu Nasional sei halo retifikasaun hodi hamenus orsamentu kada Ministeriu nian, tanba konsidera laiha kapasidade ezekuta.
.

"Xanana No Alkatiri Hamutuk Ho Lia Nain Oecuse Loke Odamatan ZEESM"

.
Foto de, Arsénio Bano
Notisia Husi TVTL - Kinta-Kalan, 24 Marsu 2014

Governu ho ekopa teknika Zona Espesial de Ekonomia Sosial de Merkadu (ZEESM) hamutuk ho lia nain husi Suku hotu iha Oecusse hari'i fatuk lulik molok realiza projeitu Master Plan.

Serimonia hari'i fatuk lulik ne'e hanesan parte ida hodi husu lisensa ba natureza molok realiza projeitu boot sira husi planu hirak ne'e tuir lisan Timor nian. Lia nain ne'ebe prezidi serimonia ne'e mai husi suku 18 iha Distritu Oecusse laran tomak hamutuk ema 52. Lia nain sira oho animal hodi hare nia aten no rejultadu hatudu katak, dalan los ona, tan ne'e fo hanoin katak, Projeitu ZEESM bele komesa dadauk.

Husi parte Governu prezidi husi Primeiru Ministru Kay Rala Xanana Gusmao no husi ekipa ZEESM ne'e Dr. Mari Alkatiri. Aliende ne'e, partisipa mos Maior Jeneral Lere Anan Timur, membru Governu, membru Parlamentu nasional no komunidade Oecuse, reprejetante parseiru dezenvolvimentu sira, inklui mos konvidadu seluk hamutuk ema 200 resin.

Serimonia ne'e hala'o atu fo dalan no halo preparasaun ba komemorasaun 500 anos da chegadas Portuguesas.
.

quinta-feira, 24 de abril de 2014

Operasaun FDTL no PNTL hasoru CPD no KRM falha no populasaun sai vitima

,
PNTL obriga tia ne’e ba kee rai kuak hodi buka granada no kilat maibé ikus la hetan buat ida

Fórum Estudante Maubere (FEM) - 24 de Abril de 2014

Operasaun konjunta entre FDTL no PNTL hasoru CPD no KRM durante fulan rua resin sofre fallansu no populasaun sala laek sai tarjetu. Forum Estudante Maubere Operasaun konjunta husi PNTL no FDTL ne’e besik fulan tolu ona maibé seidauk halo kapturasaun ka tiru mate membru prinsipál husi Konsellu Revolusaun Maubere no Konsellu Popular Demokrátiku-RDTL.

Antes ne’e ulun boot sira ba operasaun ida ne’e afirma ba komunikasaun sosiál katak sei kaptura sira ne’ebé deskonfia lori halai kilat ne’e iha tempu badak no laiha kilat ida mak sei tarutu. Maibé too agora seidauk hetan kilat musan ruma iha terrenu, Polísia see pistola ba malu tanba fahe osan operasaun ba malu la hanesan.
,
PNTL obriga tia ne’e ba kee rai kuak hodi buka granada no kilat maibé ikus la hetan buat ida
Depois tiru reijada iha Lalulai dia 10 Marsu 2014 too agora, seidauk iha keixa ruma husi povu kona-ba kilat tarutu iha povu nia leet. Povu sivíl mak sai fali tarjetu ba operasaun ne’e hodi satisfás ba sira nia emosaun no espresa emosaun ne’e liu husi tortura no intimida sira ne’ebé deskonfia involve iha organizasaun KRM no CPD.

Postu PNTL nia sai fatin ba investigasaun. Bainhira kaer ema sira ne’ebé deskonfia la lori ba tribunal hodi hetan lia los maibé lori de’it ba posku polísia no FDTL nia hodi insultu no baku depois husi fila ba uma, sira ne’ebé kaer ona no inan aman sira ne’ebé nia lae ka oan ka maun sira sei sees husi operasaun nee hetan ameasa katak promete loron tolu mak sira nia família ne’ebé sei subar ne’e la entrega an ba autoridade sira mak sei kaer fali sira hodi hatama ba kadeia hodi hein nia família sira entrega an.

Polisia baku labarik ne'e ho kilat iha nia liman
 .
FEM hetan konfirmasaun husi populasaun sivíl ne’e ta’uk atu publika sira naran hateten katak ami ta’uk los tanba ami mak sei simu konsekuénsia husi ami nia família nia opsaun polítika tanba promete loron tolu ba ami mak ami nia família la rende sei kaer ami hodi lori ba kadeia.

FEM preokupadu tebes ho situasaun ne’e tanba aktu ne’ebé PNTL no FDTL hakarak repete fali saida mak rejime ditadura Indonézia nia uluk utiliza ba povu Timor-Leste. Situasaun ne’e akontese ona iha Laga-Boleha hodi aplika ba Sr. Domingos da Costa hodi intimida nia tanba nia aman too agora seidauk prontu entrega an ba autoridade estadu nia.

 Iha Selegua-Sagadate, Bauguia no Kelikai mós ekipa operasaun konjunta ameasa povu ho lia fuan hanesan hodi hata’uk povu. Sera ke ida ne’e tuir rezolusaun nia mandatu? Ka konvensaun direitus umanus, kódigu penal no Konstituisaun nia mandatu hodi família mak tenke hatán fali ba família seluk nia kulpa ne’ebé akuza de’it?

Estadu direitu demokrátiku nia espíritu ida ne’ebé? Media no organizasaun direitus umanus sira presiza uza informasaun hirak ne’e ba konfirma ba povu? Ka ema sira ne’e kondenada kriminál tanba ne’e la merese hetan protesaun ruma? Operasaun ne’e tanba sá la fó espasu ba media no defensór direitus umanus sira hodi hetan informasaun? Triste tebes ba situasaun ida ne’e.
.

Matan Ruak Rekonese; "Espoza PR Nia Aman Balun APODETE No Taur Nia Aman Defende Integrasaun No Apodete Nia Bot"

.

Notisia Husi TVTL - Kuarta-Kalan, 23 Marsu 2014 

Prezidenti da Republika (PR) Taur Matan Ruak husu ba populasuan atu rekonsilia ba malu tamba unidade maka bele dezenvolve rai ida ne'e ba oin. 

Prezidenti da Republika fo ezemplu katak, iha tempu rezistensia ninia organizasaun partidu FRETILIN maka oho fali ninia banin husi Partidu UDT. 

Nune'e mos nia hateten katak, nia aman rasik sai defensor apodete nian hodi fo apoiu ba Indonesia, tamba ne'e nia husu ba populasaun Gisu atu bele rekonsilia ba malu. 

"Hau nia kaben ninia aman balun APODETE, hau nia aman defensor integrasaun ba Indonesia APODETE bot, mais oan fali ne'e rai ida ne'e nian, nia moris iha ne'e, maske nia aman husik nia maibe nia sei mate iha ne'e, sei hakohi iha ne'e," deklara Taur Matan Ruak. 

Nia haktuir katak, iha demokrasia ema hotu iha direitu atu koalia no mos atu hili nia lideransa wainhira to'o eleisaun. "Ita atu lao ba oin tenki iha paz e Timor konsege halo paz, hari'i paz, hametin paz iha ita nia rain, hametin paz ne'e tamba saida? 

Tamba ita hatene rekonsilia malu, uluk ita fahe malu ba pro otonomia, pro independensia, tuir mai Lorosa'e ba Loro-monu, ita rekonsilia malu, ita soe biat ne'ebe la hametin ita, ita ho ita mesak Timoroan maibe fahe ita," dehan Taur. 

Nia hatutan tan, iha tinan 1999 to'o 2002 Timor-Leste laiha estadu ne'ebe ukun hotu Nasoens Unidas tamba ne'e sei hasoru problema no difikuldade iha Administrasaun, liu-liu iha Distritu sira. 

.

"Tipu Ran AB Iha HNGV Mamuk"

.

Jornal Independente - Kuarta-Feira, 23 Abril 2014 

Agora dadaun Tipu ran AB iha Hospital Nasional Guido Valadares (HNGV) Mamuk ona. 

Xefe Departementu Banku de Sangue Hospital Nasional guido Valadares (HNGV), Arsenio Jose dehan, Tipu Ran AB oras ne'e dadauk mamuk ona. Ran mamuk ne'e, difikulta ona pasiente sira ne'ebe mak presija ran ho tipu AB. 

Arsenio hateten, HNGV hasoru limitasuan ran, tanba ne'e mak afeita ba pasiente sira ne'ebe presija transfunsaun ran. "Ami enkoraja ba familia pasiente sira ne'ebe presiza ran atu mai hasai ran hodi nune'e bele transfunsaun fali ba pasiente ne'ebe presija," informa Arsenio ba jornalista sira segunda (21/4) iha nia servisu fatin HNGV, Bidau, Dili. Relasiona ho problema ran mamuk, BSHNGV enkoraja ba familia pasiente sira hodi hasai ran hanesan tipu ran A hamutuk pakote 6, B hamutuk 14, O hamutuk Pakote 22, entertantu tipu ran AB oras ne'e seidauk hetan. 

Arsenio hateten, problema ne'ebe mak BSHNGV hasoru mak volume pasiente ne'ebe presija ran sempre aumenta la koresponde ho numeru doadore hasai ran. Entertantu, Klinika privadu ne'ebe mak durante ne'e asesu ran iha HNGV mak klinika maternidade Fatumeta, Klinika Bairo Pite, Hospital referal Baucau, Hospital referal Maubise inklui Klinika stan Ford medical Mandarin. 
,

"FFTL Lori AMANTE Ba Tribunal"

.

Jornal Independente - Kuarta-Feira, 23 Abril 2014 

Federasaun Fotebol Timor-Leste (FFTL) lori ona grupu AMANTE ba Tribunal, tanba senti ofendidu husi akuzasaun oioin. 

 Antes ne'e, grupu AMANTE akuza Prezidenti FFTL Francisco Kalbuadi Lay halo mafiozu, manipulasaun no halo korupsaun boot. Tan ne'e, tuir Direktur tekniku FFTL, Orlando Mendes hatete, sira lori ona AMANTE ba iha Tribunal tanba senti ofenidu. 

Oras ne'e, kazu prosesa dadauk ona iha Tribunal no hein deit atu ba tuir prosesu julgamentu. "Agora dadaun kazu ne'e ninia prosesu la'o ona iha Tribunal, tanba sira halo defamasaun maka'as ba prezidenti Federasaun, ne'e duni sei hasoru malu iha Tribunal ne'eba," dehan Direktur tekniku FFTL, Tersa (22/4), iha edifisiu FFTL, Kampo demokrasia, Dili. 

FFTL mos lakohi dialogu, tanba konsidera AMANTE nuudar grupu kikoan no illegal, nia dehan grupu AMANTE hanesan grupu ida hadomi bola iha tinan sanolu (10) laran la halo buat ida. "Ami lakohi hasoru AMANTE tanba sira ne'e grupu illegal, sira koalia iha kotuk maka'as maibe nunka halo buat ida," esplika nia. 

Diretor tekniku FFTL ne'e akresenta katak, FFTL iha ninia estatutu rasik ne'ebe aprova husi FIFA, tan ne'e, AMANTE ne'e illegal, ne'e duni la rekonese sira, maske iha nasaun demokrasia ema hotu koalia maibe tenki tuir nia dalan. Iha fatin ketak, Porta Voz AMANTE, Jose Luis Oliveira hateten, FFTL lori AMANTE ba iha Tribunal ne'e sira nia direitu, tanba lei mos preve bainhira ema ruma senti sai vitima husi hahalok no lia-fuan ema seluk nian. 

Tanba ne'e, AMANTE mos pronto ba Tribunal, atu deskobre lia los. 

"Hau senti kontenti bainhira sira lori ba Tribunal, ne'e duni ami hein, tanba ami lori ona ba Tribunal, hein sira lori ba, depois Tribunal halo prosesu hodi buka lia loos ne'e iha ne'ebe," konta Jose. 
,

"Diskonfia Pessoal PNTL Subar Kriminozu"

.

Jornal Independente - Kuarta-Feira, 23 Abril 2014 

Dadur nain rua, Juga Gama ho Alcino Mendes to'o agora seidauk kaptura tanba diskonfia Pessoal Polisia Nasional Timor-Leste (PNTL) balun subar kriminozu sira ne'e. 

Prijioneiru nain rua ne'e komete iha kazu droga no omesidu Gardeng Beack ne'ebe mak hasai sai hamutuk ho dadur 22 seluk iha loron (03/11/2013). Membru komisaun B trata ba asuntu negosiu estranjeiru no seguransa Defeza Cesar valente 'Pilotu' hatete, susar oituan atu kaptura dadur nain rua ne'e tanba diskonfia pessoal PNTL balun mak sei asegura hela. 

"Hau hanoin kona ba dadur nain rua ne'e ita haree difisil atu hetan no kaptura tanba deskonfia oknum PNTL balun mak asegura hela sira no hau simu informasaun katak, iha dadur ida mak ultra pasa ona ba nasaun seluk no ida atu entrega an maibe tauk," hateten Pilotu ba jornlaista iha Parlamentu nasional, horsehik. Tan ne'e, deputadu ne'e husu ba PNTL atu servisu maka'as hodi bele identifika membru sira ne'ebe mak involve iha kazu ne'e. 

Tuir nia, atu halo kapturasaun tenki liu husi kooperasaun diak ho pais vizinu Indonesia hodi bele entrega dadus pesoal kona ba dadur sira ne'e nian, atu nune'e Indonesia mos bele hanesan ameasa ba sira hodi lalais kaptura. 

Tuir informasaun ne'ebe nia simu husi parte servisu informasaun husi F-FDTL nian katak, dadur ida fali ne'e atu entrega an maibe nia tauk entaun ne'e buat balun la los iha ne'eba. Antes ne'e mos komandante operasaun Nasional Superintendenti Xefi Armando Monteiro hatete, PNTL identifika ona lokalidade Prijioneiru nain rua ne'e, maibe sira la bele fo sai lai tamba ema ne'e halai lakon tiha entaun susar atu kaptura.
,

"PNTL Tenki Investiga Komunidade Kuda Ganza"

.

Jornal Independente - Kuarta-Feira, 23 Abril 2014 

Komisaun B Parlamentu Nasional (PN) trata asuntu negosiu estranjeiru, defeza no Seguransa Nasional husu ba Polisia Nasional Timor-Leste (PNTL) atu halo investigasaun ba komunidade ne'ebe deskonfia kuda ganja iha nian Kintal. 

Sekretariu Komisaun B, Jacinto Viegas Vicente hateten, PNTL tenke halo investigasaun seriu no teste ai-funan ne'ebe deskonfia ganja. 

"Ita husu ba PNTL atu teste aifunan ne'e se ganza duni, presiz ainvestiga tanba saida mak nia kuda no kuda atu halo saida," Deputadu ne'e husu iha PN horsehik. 

Nia mos sujere ba PNTL atu halais teste ba aifunan ne'e hodi hatene klaru no bele fukit hotu hodi sunu. Iha fatin hanesan, membru komisaun B cesar Valente 'Piloto' hatete, presiza duni instituisaun seguransa bele koopera hamutuk ho PNTL hodi investiga ai-funan ne'ebe deskonfia ganza. 

Antes ne'e, Polisia Nasional Timor-Leste hetan familia balun iha area Delta, Komoro, Dili, kuda aifunan deskonfia hanesan ganza. Nune'e, Xefi Investigasaun PNTL Distritu Dili, Inspektur Xefi Mateus Teixeira hatete, nia parte sei halo investigasaun klean iha laboratoriu hodi hatene lolos identidade ai-funan ne'e. 

Nia hatutan, PNTL fo atensaun seriu ba aifunan ganza ne'e tanba estadu Timor-Leste bandu atu kuda iha Timor-Leste. Maske nune'e, uma nain ne'ebe lakohi publika nia naran hatete, sira nia parte mos lahatene aifunan ne'e ganza tanba sira komesa rega no to'o funan mak foin dehan ganza.
,

terça-feira, 22 de abril de 2014

Hali Mesak! Istoria badak ida - Dr. Fidelis Magalhães

,
Foto de, Dr. Fidelis Magalhães
Dr. Fidelis Magalhães

Hau sei konta hau nia vida. Vida badak la ho kor oi-oin nebe'e hau tenke konta ho lia fuan simples la ho komplikasaun oi-oin. Lian simples dalen hau nian.

Sei haktuir tuir dalan ko'alia nian, tuir dalen bei-ala sira nian. Hau hakerek hau nia istoria hanesan hau ko'alia. Hau hatene sasan hotu liu husi aiknanoik oi-oin. Hau la hakerek; hau la hatene hakerek. Hau gosta hateke letras. Hau hatene husi rona. Hau hatene kbi'it husi istoria bei ala sira nian no hau hetan fuan diak husi liafuan murak hirak nebe'e sira husik hela mai hau. Hau hatene tasi-ibun, mota-ain, Holsa, Atabae. Wainhira hau rona rai naran, hau la'os rona buat mamuk. Wainhira hau rona, hau bele horon bubur morin, kaer rai mean, halimar rai-rahun no sente loro manas iha hau nia kulit. Hau temi Tasi Ibun, ema matenek nain sira bolu iha lian portugues praia, hau tradus Boca do Mar. Sani na'in sira! Ida nebe'e maka poetika liu? Ida nebe'e maka halo imi mehi, sente tasi been kona imi no haree manu sira semu, ikan sira haksoit? Hau nia Tasi Ibun la'os rai henek mutin deit. Ba hau ne'e baliza entre rai maran no tasi. Be tasi, duut matak, rai henek tasi, nuu hun. Hau nia tasi ibun la mamuk. Iha balada, karau no bibi sira nebe'e haan hela duut besik bee meer.

Nune'e na'i sira, hau sei konta hau nia moris nudar hali ida. Hau nia naran Hali Mesak. Bai-bain hau haknar aan iha laletek nebe'e hateke ba Maliana, naran nebe'e signifika sukaer kiik oan.

Hau hamrik iha ne'e tinan atus ona. Hau hateke tun ba fehan, hatene tuir buat hirak be mosu ona. Hau la dehan hau hatene buat hotu. Keta buat balun fehan sei subar husi hau. Hau matan sala karik iha biban balu.  Mas segredus sira hafalun hela ne'e la iha importansia, ou foinsa'e sira oras ne'e dehan la penting da, ba hau nia istoria ida ne'e. Hau mos la kohi husu fehan atu konta buat hotu tanba hau hatene dalaruma iha moris diak liu ita la hatene buat hotu. Hau sente hatene buat balun deit fo neon nafatin atu hatene liu tan.

Hau haree fehan husi uluk kedan wainhira hau sei otas nurak. Hau hatene ona wainhira kakatua no rusa sira sira halai halimar hafalun nia babotok. Fehan ne'e uluk fatin kasa nian. Fatin nebe'e Kemak, Bunak no Bekais sira haklalak waihira hetan ai-han loron ida, rua nian. Hau sei hanoin kona balada sira nia oin tauk. Halai, haksoit no subar husi rama no diman. Rusa sira barak maka mate ona. Hau la hatene sira hotu nebe'e mate ona nia naran. Sira mos keta bolu malun rusa ou keta hee-hee deit. Sira la fo naran ba malun, hodi nune'e bele iha konfortu katak maske sira bele mate mohu, sira naran sei la lakon let deit.

Iha fehan nia ninin hau haree momos Bunak sira tuda malu. Saburai sira tuda malu ho Lamak Ne'en; sira hadau malu be'e mota nebe'e habokur no hafahe sira. Uluk la iha baliza, ikus mai baliza maka hakur sira. Hau iha ne'e ona wainhira Marobo ho Malialait oho malun iha hau nia kotuk neba. Lao's hau mesak mak haree. Ramelau mos haree. Ramelau sempre hare'e nia haree ami hotu husi nia kadunan leten aas ba.Hau mos rona sira haksoit hodi tebe wainhira sira konsegue duni tesi no lori ulun balun.

Husi laleletek oan ne'e hau haree fatuk sira semo ba mai hodi oho Cailaco nia inimigo sira. Abo Loe, foho Loelaco nia nain maka tebe fatuk hirak ne'e ho forsa hotu husi foho tutun neba. Se la fiar karik imi bela ba too tutun neba hodi haree rasik Abo Loe nia ain no uma fatin. Abo agora la iha ona, husik deit tuna katuas ida iha be lihun iha foho nia okos.

Husi ne'e hau mos rona buat barak. Hau rona be tarutu lian besik Lolotoe, Borluli lian hodi hamanas Marobo, karau dikur lian doko Korluli. Iha hau nia hun kedan iha abat oan ida nebe'e tanis sai Bulobu nebe'e hun husi manu lin sira nian. Manu lin sira mos uluk tanis; laos tanis deit. Sira lelir! Lelir wainhira sira la konsegue hulan hikas fulan ba nia fatin iha leten as husi natar laran besik Tunu Bibi.

Buat hirak ne'e mak hau haree no rona rasik. Uluk liu dala barak Bobonaro oan sira mai tuur iha hau okos hodi koko atu haree no rona saida mak hau rona no haree. Dala ida katuas ida naran Maubelis (Mas nia metan. Tuir lolos nia naran Mau Guzu) no nia oan Mau Leto mai tuur ho hau. Mau Leto otas nurak hela. Halai ba mai, maibe'e nia oin la haksolok. Nia aman tara bote no iha osan pataka balun iha laran. Sira tuur dada iis no haan batar uut. Sira mai husi Bobonaro iha dalan ba Colegio iha karaik neba'a. Mau Belis fo hanoin ba nia oan katak iha eskola karik nia sei husik nia naran. Mau Leto sei mate no amu sira iha colegio sei halo moris hias Mau Leto ho naran foun. Nia sei hetan naran Malae nian, Feliz do Rosario, tanba so nunee duni maka nia bele sai malae boot. Mau Belis hakarak nia oan atu sai hanesan nia primo balun nebe'e matenek boot. Nebe'e uniko ema iha posto maka kaer duni liman ho Senor Armiristaror.

Hanoin didiak Mau Belis tanis. Nia kaer hau lolon, se fosse nia atu koko fahe nia terus tomak ho hau. Derepente nia fila no hakilar ba nia oan; "Mau Leto, la'o ona! Sei dook. Keta tau sapatu. Too Neba maka tau. Sei dook deit mos o tau ona. Aat tiha karik?" Hau sei lembra loron ne'e besik Sexta ida, tanba iha loraik loron ne'e duni maka Mau Quinta, atan iha China uman lao liu hosu ne'e. Sexta-Sexta Mau Quinta fila husi Bassar fila liu husi ne'e. Nia naran Quinta tanba nia moris loron Quinta, nia No tau nia naran tuir loron.

Lakleur Mau Belis mos komesa la'o fali ona. Nia kulit metan hau haree nabilan tiha iha distansia. Maske iha ne'e anin bo'ot no malirin nia isin kosar la maran. Nia kala hakarak duni dudu Mau Leto sai emboot. Nia hahu halai no lakon tiha iha hau nia matan. Hau so haree deit maka dala ruma Mau Leto nia sapato semo ba mai hanesan papagaio iha dook.

Liu tiha ida ne'e Mau Belis sei mai bebeik hamaluk hau. Cada vez que nia ba haree nia oan iha colegio nia sempre tuur besik hau. Hau nota bebeik nia oin katuas tan deit ona. Hau deskobre afinal nia mai bebeik ona besik hau. Desde uluk hau sei kiik kedan so que nia mai ho ema barak nebe'e hau la lembra. Uluk tempo Japones nian mos nia servisu hotu iha ne'e loke dalan Odo Mau nian, tutan ba Bobonaro.

Hau la hatene nia hanoin saida? Nia hakarak mak nia oan sai emboot. Maibe'e, hau la hatene se nia hatene saida mak emboot. Nia keta la iha nosaun karik. Oinsa nia hatene se nia nunka sai emboot?

Horibain hira nia lori hela rota ida, baku ba mai nia imajina hela karik nee rota nebee nia oan sei kaer hodi hatur ordem ba emar sira iha futuru.

Depois de ultima vez que nia mai ho rota, hau la haree tan nia oin. Depois hau rona dehan nia mate tiha ona. Hau hatene ida nee husi nia familia sira nebe'e he'an ain ba asiste nia funeral. Sira koalia besik hau wainhira sira deskansa iha nee. Hau nia mata-ben besik monu iha biban neba. La hatene tansa, maibe'e hau sente triste. Hau lembra liu maka nia oin, desde ida nee hau sempre mehi nia. Hau mehi mos nia mehi.

Agora, hau nia vida mos atu besik hotu ona. Hau laos atu mate moras. Hau mate dadaun ona tanba sofre estragus. Emboot Feliz do Rosario maka haruka nia soldado sira ta hau. Hau nia iis atu kotu ona, maibe'e hau sei nota nia oin. Agora nia koalia ema lian deit. Nia aas. Aas liu nia aman, Mau Belis. Nia uza ropa mutin. Nia la hatais tanba la'os tais. Nia nehan mutin nabilan los wainhira nia hamnasa. Nabilan liu fali loro matan bai-loro nian.

Hau mos sei rona nia, maske hau nia iis badak ona. Agora nia la tara sapato ona. Nia tau botas. Nia mak administrador ona karik? Hau murmura.
.

Deklarasau konjuntu sosiedade civil relasaun operasaun PNTL no F-FDTL ba implementasaun rezolusaun PN

,

DEKLARASAUN KONJUNTU SOSIEDADE SIVIL RELASAUN HO OPERASAUN KONJUNTU PNTL NO F-FDTL BA IMPLEMENTASAUN REZOLUSAUN PN no. 5/2014 HO REZOLUSAUN KONSELLU MINISTRUS No. 8/2014 - 22 Abril 2014

Nu’udar ita hotu hatene katak, bazeia iha Rezolusaun Parlamentu Nasionál No.5/2014 kona-ba ‘grupu ilegál’ sira, ne’ebé fó sai iha dia 3 Marsu 2014, Polísia Nasionál Timor-Leste (PNTL) halo ona atuasaun ba grupu Konsellu Popular Demokrátiku–Repúblika Demokrátiku de Timor-Leste (CPD-RDTL) no grupu Konsellu Revolusaun Maubere (KRM) iha distritu 13.

Durante tempu ne’e ita hare katak, PNTL halo sosializasaun kona-ba konteúdu rezolusaun númeru 5/2014 no mós halo atuasaun ba sede grupu CPD-RDTL iha Territóriu Timor laran tomak hodi losu ai-riin bandeira, hatún bandeira, rekolla farda, rekolla dokumentus CPD-RDTL no rekolla mós kartaun membru CPD-RDTL, nune’e mós halo kapturasaun ba lider KRM nian no halo operasaun hodi bolu hikas membru sira ne’ebé halai ba foho Matebian hodi lori ba hasoru Justisa.

Tuir monitorizasaun NGO nian hatudu katak durante atuasaun ne’e maioria membrus grupu CPD-RDTL no KRM entrega an no mós entrega atributus sira no halo koopera di’ak tebes ho PNTL iha distritus 13 iha Timor-Leste. Maske nune’e hare ba katak, konflitu ida ne’e involve komunidade rihun ba rihun no relasaun ho konflitu pasadu nian. Tan ne’e presiza esforsu integradu ida hodi reintegra sira ba komunidade no prevene akontesimentu hanesan iha futuru mak ami husi sosiedade sivíl hato’o Preokupasaun no Ezijensia hanesan tuir mai ne’e:

1. Ami husi Sosiedade Sivíl preokupa tebes ho Rezolusaun rua husi estadu ba KRM no CPD-RDTL. Ami hanoin katak se ema ruma halo krime inklui membru husi organizasaun rua ne’e bele kaer sira lori ba justisa, maibé labele uza prizaun preventiva nudár substitui ba justisa iha tribunal. Timor-Leste iha kódigu penál no tuir Konstituisaun RDTL, krime ba kondena ema privadu ka indivídu la’ós grupu tomak. Timor-Leste iha nia kódigu penál tanba ne’e bele uza ba kondena ema halo krime la’ós desizaun polítiku hanesan rezolusaun sira agora nian ne’ebé polítiku sira mak deside.

2. Preokupa katak rezolusaun agora nudár presedente ka toman ladi’ak ba futuru katak estadu bele aplika mós ba grupu komunidade seluk ka balun iha ita nia rai ne’ebé diferente ho polítika governu ka estadu nia mós bele halo rezolusaun tuir Polítiku sira nia hakarak hodi taka ho polítikamente (halo rezolusaun) la tuir lei no sistema justisa mak vigora iha ita nia rai.

3. Ami hanoin katak sidadaun hotu iha liberdade espresaun bazeia ba Konstituisaun, kódigu penál no konvensaun internasionál sira ne’ebé TL deside nudár lei doméstiku ita nia. Sidadaun ida bele organiza malu iha grupu hodi ko’alia de’it ba públiku seidauk halo krime ne’e laiha dalan atu kondena sira hanesan saida mak polítiku sira hanoin no halo agora. Ami mós hanoin lei la obriga sidadaun sira tenke lori kartaun eleitorál ba fatin públiku sira tanba ne’e operasaun ne’ebé halo check point ba povu nia kartaun eleitorál ne’e la tuir Lei.

4. Maske nune Ami husi Sosiedade Sivil hakarak hato’o Parabens ba eis membru CPD-RDTL sira hotu ne’ebé hatudu ona nia maturidade hodi koopera di’ak tebes ho PNTL no F-FDTL hodi entrega an, entrega atributu no sasan kroat hotu hodi kumpri lei no reintegra hikas sira nia an ba komunidade. Ida ne’e nudar simbolu ita bo’to sira nia hadomi ba povu no nasaun liu kontribui ba estabilidade Timor Leste.

5. Ami mós hakarak hato’o ba PNTL no F-FDTL ne’ebé hatudu tiha ona nia profesionalismu iha operasaun konjuntu ida ne’e. Maske nune ami Ejiji nafatin ba PNTL no F-FDTL ne’ebé halao operasaun iha Baguia, Quilicai no Laga no fatin seluk atu halo atuasaun ho profesional nafatin, tane a’as diretus humanos povu terus nai’n ida nian.

6. Ejiji ba Sua Excelencia Prezidente Repúblika nu’udar orgaun ne’ebé iha papél atu garante unidade nasionál no estabilidade nasionál atu dezenvolve estratejia diálogu nasional ba ema rezistensia no veteranu sira, fasilita rekonsiliasaun entre funu nai’n sira ba diverjensias politika sira ne’ebé akuntese durante rezistensia nian. Ida ne’e importante atu prevene akontesementu hanesan iha futuru. Realidade hatudu katak, durante ne’e ita nia estadu promove deit rekonsiliasaun ba inimigu ukun rasik an nian hodi haluha tiha rekonsiliasaun entre funu nai’n sira hodi kauza polemika sira hanesan CPD-RDTL, KRM no selseluk tan.

7. Ejiji ba veteranu, kombatentes libertasaun nasionál sira hotu atu kontinua hatudu ita bo’ot sira nia heroismu atu la monu ba lasu politika ohin loron nian. Ami espera atu veteranu tenki sai heroi nafatin hodi tane a’as povu no martires sira nia mehi ne’ebé ita bo’ot sira mós kontribui tiha ona hodi liberta katak “ Ukun rasik An no Moris Diak”.

8. Ejiji ba Tribunal atu halao prosesu justisa tuir kódigu penál no tuir konstituisaun RDTL katak krime ba kondena ema privadu ka indivídu la’ós grupu tomak. Tribunal tenki hala’o nia mandatu ho independente atu labele kondena ema tuir dalan polítika nian, katak labele uza prizaun preventiva hodi substitui ba justisa iha tribunal.

9. Ejiji ba Governu atu organiza planu integradu ba reintegrasaun eis membru CPD-RDTL, KRM no selseluk tan ba sira nia komunidade. Planu reintegrasaun ida ne’e importante hodi evita konflitu komunitáriu hafoin operasaun konjuntu PNTL no F-FDTL. Planu integradu ida ne’e inklui fasilita diálogu ho membrus komunidade iha Distritus atu bele hamenus tensaun no rumores liu husi klarifika pozisaun governu, diskuti papel sidadaun no estadu, no identifika konfuzaun ne’ebé mósu relasiona ho operasaun bazeia ba rezolusaun no 5/2014.

10. Ejiji ba Parlamentu Nasional atu debate relatoriu Chega! no implementa rekomendasaun sira Chega! nian hodi hametin rekonsiliasaun entre Timoroan relasaun ho konflitu ne’ebé akuntese iha pasadu. Nune’e mós atu aprova lei instutuisaun memoria hafoin CAVR, lei rai no lei reparasaun ba vitima ne’ebé sei kaduka hela iha Parlamentu.

11. Ejiji ba ba Sosiedade Sivíl no Igreija Katolika no lider relijiozus atu hatudu nia papel nu’udar orgaun intermediariu no independenti hodi kontinua hametin konfliansa ba komunidade no politiku sira bele fasilita dialogu ba konflitu sira ne’ebé mósu iha ita nia sosiedade.

12. Ejiji mós ba Prpvedoria Direitus Humanos e Justisa (PDHJ) atu halo monitorizasaun ativu iha asuntu direitu humanus nian durante implementasaun Rezolusaun no operasaun konjuntu PNTL no F-FDTL nian iha baze. 13. Sociedade Sivil mos prontu hodi halo monitoizasaun ba operasaun konjunta ne’e atu asegura katak operasaun ne’e respeitu direitus humanus ba ema hotu.

Ami ne’ebé halo Deklarasaun:
1. Belun
2. Fundasaun Mahein
3. Ba Futuru
4. Search for Common Ground (SFCG)
5. Ita ba Paz
6. La’o Hamutuk
7. CRS
8. CEPAD
 9. ETCRN
,