segunda-feira, 14 de abril de 2014

"Amu Papa Husu Deskulpa Ba Abuzu Seksual Husi Padre Balun"

,

Jornal Independente - Segunda-Feira, 14 Abril 2014 

Amu Papa Francisco Sesta (10/4) dehan nia responsabliza pesoalmente ba hahalok padre sira balun ne'ebe mak halo abuzu sekxual hasoru labarik sira iha mundu tomak. 

Nia husu perdaun husi vitima sira no dehan Igreija tenki barani iha ninia esforsu fo protesaun ba joven sira. Deklarasaun Francisco nian ne'e mak foin primeira vez husi Amu Papa ida relasiona ho Violensia seksual ne'ebe padre balun involve. 

Pasu ne'ebe mak nia foti ne'e identifika nudar nia sensiblidade ba kritika husi grupu vitima ne'ebe preokupa ho igreija nian atensaun minimu no komprensaun ba kazu ne'e. 

Mudansa hahu akontese iha fulan kotuk bainhira Amu Papa Francisco hili feto nain hat no Vitima persigisaun ida hodi tama ba iha ekipa painel iha vatikanu ne'ebe atu sei deskute sansaun ba bispu sira ne'ebe involve iha Pedofilia. 

"Hau senti katak hau tenki foti responsablidade ba krime tomak ne'ebe padre balun hasoru total barak tebes, maibe laos atu kompara ho ninia total, hau tenki responsabliza no husu deskulpa ba destroisaun ne'ebe sira halo ona liu husi abuzu sexual ba labarik sira, igreija konseita ba distruisaun ne'e, ida ne'e estraga sira nia pesoal no moral," dehan Amu Papa Francisco. 

Nune'e mos Ajensia Notisia AP hakerek, kuandu amu balun halo hahalok at ruma, Bispu sira muda deit ba parokia seluk duke hato'o kazu ne'e ba polisia. Entertantu, Amu Papa Joao Paulo II uluk dehan laiha fatin iha Sacerdociu-"Imamat", ba padre sira ne'ebe mak involve iha persegisaun seksual ba labarik sira. 

Amu Papa Bento XVI mos dehan, nia fo simpatia ba vitima sira. Maibe laiha Amu Papa ida antes ne'e foti responsablidade pesoal no husu deskulpa hanesan saida mak Amu papa Papa Francisco halo ne'e. 
,

Sem comentários:

Publicar um comentário

Nota: só um membro deste blogue pode publicar um comentário.