terça-feira, 15 de abril de 2014

"Kazu Calistro TR Mantein Akuzasaun Ministeriu Publiku"

.

Jornal Independente - Tersa-Feira, 15 Abril 2014 

Kazu Calistro Gonzaga atual Komandante Servisu Investigasaun Kriminal Nasional (SIKN) ne'ebe deskonfia komete kazu abuzu poder no naun partisipasaun, Tribunal Rekursu (TR) kontinua mantein nafatin akuzasaun husi Ministeriu Publiku (MP). 

Iha loron 10 fevereiru 2014, Tribunal Rekursu (TR), hasai desizaun hodi kontinua mantein akuzasaun husi Ministeriu Publiku (MP), hodi akuza komandante Servisu Investigasaun Kriminal Nasional (SIKN), Superitendenti Calistro Gonzaga. 

 Tuir autoridade, importante iha Tribunal Rekursu (TR) katak, Tribunal Rekursu konsidera prosesu kazu ne'e lao tuir lei. "TR Mantein akuzasaun husi Ministeriu Publiku," dehan fontes ne'e, horsehik. 

Nia hatutan katak, iha loron 18 Fevereiru 2014, TR haruka fali prosesu ho numeru 110/C0/2013/TR ba Tribunal Distrital Dili (TDD) hodi halo prosesu julgamentu. Bainhira konfirma kazu ne'e ba ofisial sira iha Tribunal Distritu Dili (TDD), maibe lakohi fo informasaun ruma ba media. 

"Oras ne'e dadaun Tribunal sei iha faze nune'e labele fo informasaun ba media," dehan ofisial ne'e. Antes ne'e, Komandante SIKN, Superitendente Calistro Gonzaga hateten, pronto ba hatan iha Tribunal, tanba hanesan sidadaun ne'ebe moris iha lei nia okos tenki hata'an hodi justifika iha Tribunal. 
,

Sem comentários:

Publicar um comentário

Nota: só um membro deste blogue pode publicar um comentário.