sexta-feira, 11 de abril de 2014

”Operasaun Baucau Provizoriamente Susesu”

.

Jornal Independente - Kinta-Feira, 10 Abril 2014 

Operasaun konjunta entre FALINTIL-Forsa Defeza Timor-Leste (F-FDTL) no Polisia Nasional Timor-Leste (PNTL) iha Distritu Baucau la’o ho susesu, tanba rezultadu husi operasaun ne’e membru CPD-RDTL nain 573 mak entrega aan ona.

Xefe Estadu maior F-FDTL, Koronel Falur Rate Laek informa ba prezidenti Republika, Taur Matan Ruak katak, operasaun konjunta ne’ebe hala’o iha Sub Distritu Baguia, Distritu Baucau susesu tanba maioria membru CPD-RDTL entrega aan ona.

Hafoin simu relatoriu ne’e, Xefe Estadu kontinua enkoraja F-FDTL no PNTL hodi servisu hamutuk nafatin atu labele mosu violensia durante operasaun, maske informasaun hasai katak, membru CPD-RDTL sira ne’e balun lori kilat.

Membru CPD sira ne’ebe rende, entrega mos atributu militar nian inklui sasan kroat balun, oras ne’e dadauk PNTL no F-FDTL sei kontinua hala’o operasaun buka tuir grupu balun ne’ebe halai sae ba subar iha foho leten no ai-laran parte foho Matebian no area Vikeke nian.

Hafoin enkontru, Koronel Falur Rate Laek ho membru F-FDTL balun dezloka kedas ba Distritu Baucau hodi akompania prosesu operasaun forsa rua bele la’o susesu liu tan.
 .

Sem comentários:

Publicar um comentário

Nota: só um membro deste blogue pode publicar um comentário.