terça-feira, 8 de abril de 2014

"Posiblidade Angela Freitas Tuir Ain-Fatin Mauk Moruk"

.

Jornal Independente - Tersa-Feira, 08 Abril 2014 

Posiblidade boot ba Sekretaria Jeral konsellu Revolusaun Maubere (KRM), Maria Angela Freitas bele tuir ain-fatin Prezidente KRM, Paulino Gama 'Mauk Moruk', tanba prosesu akuzasaun husi Ministeriu Publiku kondena ba arguida hanesan ho Mauk Moruk nian. 

Prokurador Jeral da Republika (PGR), Jose Ximenes hateten, dezde uluk kedas buka atu kaer mos Angela Freitas, maibe tanba viajen ba rai liur foin fila mai iha sabadu (5/4) liuba, nune'e polisia mos kaptura no investiga kedas bazeia ba karta mandatu kapturasaun. 

"Arguida balun ho inisial (AF), ne'ebe ita la konsege kaer (uluk), iha semana kotuk foin kaer agora prosesu primeiru interrogatoriu, ne'ebe orasida (segunda) mak hein medida saida mak tribunal sei foti," dehan nia, hafoin sorumutu ho Prezidneti Republika Taur Matan Ruak, iha palasiu Prezidnesial Aitarak-Laran, horsehik. 

Kona-ba evidensia PGR nian, prokurador Jose dehan, prosesu investigasaun mak sei hatene sala ka lae, maibe PGR iha evidensia forte haruka ona ba Tribunal tuir akuzasaun ne'ebe Ministeriu Publiku akuza no kondena hanesan mos ho Mauk Moruk nian. 

Prokurador hatutan, kuandu Tribunal haree mak Angela Freitas sala ka envolve tan ema ruma, PGR sei kontinua buka tuir hodi prosesa mos ema sira ne'ebe envolve iha kazu kontra estadu. 

 "Ne'e depende ba investigasaun, se haree mak iha relasaun ho ema barak sei buka tuir tan ne'e," informa Jose. Angela Freitas nuudar mos Prezidenti Partidu Trabalaista ne'ebe hetan kaer iha semana kotuk, tanba envolve aan diretamente iha grupu konsellu Revolusaun Maubere (KRM) ho kargu Sekretariu Jeral.
.

Sem comentários:

Publicar um comentário

Nota: só um membro deste blogue pode publicar um comentário.