sexta-feira, 11 de abril de 2014

”PR Taur Husu Apoiu FRETILIN Ba Povu Nia Moris Diak”

.

Jornal Independente -Kinta-Feira, 10 Abril 2014

Durante enkontru Prezidente da Republika ho Bancada FRETILIN iha Palaciu Prezidenti foin lalais ne’e, Prezidenti da Republika Taur Matan Ruak husu ba FRETILIN atu fo kontribuisaun hodi rezolve problema veteranus, problema kualidade projeitu infra-estrutura no problema social seluk ne’ebe akontese iha nasaun ne’e.

“Prezidenti dehan kualidade projeitu infra-estrutura 80% laiha kualdiade no problema edkuasaun ne’ebe ita nia labarik barak seidauk hetan fatin diak atu eskola hanesan falta salas, kadeia, meza no kondisaun eskola sei aat,” katak nia.

Ne’e Duni, Xefe Bancada FRETILIN Aniceto Guterres dehan, FRETILIN nuudar Partidu opozisaun sei kontinua hakilar maka’as hodi kritika Governu kona-ba preokupasuan sira ne’ebe Prezidenti da Republika hato’o hodi hadia rai ne’e ho kualidade diak liu tan.

Antes ne’e, Xefe Estadu mos hala’o ona enkontru ho Xefe Bancada CNRT, PD no Frente-Mudanca hodi koalia mos kona ba asuntu hanesan no deskute mos situasaun jeral Politika rai laran no rai liur nian.
.

Sem comentários:

Publicar um comentário

Nota: só um membro deste blogue pode publicar um comentário.