terça-feira, 6 de maio de 2014

EMPREZA PUBLIKA INDONEZIA (DAMRI) ATAKA EMPRESARIU KIIK IHA TIMOR-LESTE

.

OPINIAUN HUSI: ALVES DE SOUSA 

EMPREZA PUBLIKA INDONEZIA (DAMRI) ATAKA EMPRESARIU KIIK IHA TIMOR LESTE MARI DEHAN OECUSSI LABELE SAI PENOTON.TEBES KA LAE?.
.
Jogadas ida que la hotu-hotu, tamba saida mak ohin loron povu ne’e sempre sai vitima ba prosessu ukun an.Uluk tempu Indonezia sira terus ba rai ida ne’e, ohin loron terus nafatin, laiha mudanca ba sira nia vida, liu-liu iha aspetu ekonomia sosial, vida nebe mate sedu, sira nebe ukun nafatin ukun ( laos hakarak ukun hotu), tinan barak sira tur iha sofa leten, toba iha esprinbed leten no buat luxu sira nebe loron kalan nafatin ho sira, laiha transformasaun vida, husi kiak no mukit ba moris diak.

Desizaun barak ukun nain foti ona, hotu-hotu dehan ne’e intrese povu nian, iha realidade laos intrese povu maka tau as iha leten, maibe intrese grupu elit,grupu impresariu,grupu Liurai oan, i pior liu ita nia Funu Maluk ba hamutuk ho sira, hodi doko ulun nebe dehan : ida ne’e los ida neba mos los, ita tenki uza matenek sira ne’e hodi hasae ita nia kapasidade nudar Nasaun ida.

Ita moris iha mundu Globalizadu tiha ona, ita tenki lalais, no duni tuir nafatin Nasaun seluk nebe ohin loron iha oin tiha ona, ita tengki tama lalais ASEAN, ita tenki SULAP LALAIS PANTE MAKASAR SAI ZONA EKONOMIKU, sira ne’e ita nia maun Chefe Governu koalia lahotu rai, ohin maun Xanana mak koalia, aban ministru Estranjeiru mak koalia,bairua,Sekretaris adezaun ASEAN mak koalia, lakleur mos maun Mari hola parte hodi koalia hotu.

Hotu-hotu koalia atas nama negara/uza nasaun nia naran/koalia uza POVU nia naran, fasil tebes hodi koalia dehan katak buat sira ne’e ba povu ne’e nia moris diak. Uluk ita nian Maun Mari dehan Master Plan ne’e nia orsamento mai husi Investimento, uluk ita nia Maun Mari mos dehan Master Plan ne’e mundu internasional nia Projeto Piloto, uluk maun Mari mos dehan, “hau rasik mak se bolu investor mai rai Oecussi”, planu nebe furak tebes, laiha planu ida que diak liu husi Master Plan ne’e, maun mos dehan ba Membru CCF-Partidu Fretilin katak, osan ne’e laos mai husi estado maibe husi Investor,tamba deit membru CCF la satisfaz wainhira Partidu Oposisaun ida bele simu osan husi Governu,Maun Mari isplika I membro CCF mos fiar tebes. Prosesu ida mos. Prosesu ida tula ba prosesu seluk.

 Agora maun Mari koalia sai ona saida mak Master Plan ne’e: Maun Mari dehan “Projeto Master Plant/ZEESM hau mak halo proposta ida ba maun Xanana/Governu nebe hetan duni APOIO ou bele dehan Aprovado” Uniku liu maka Orsamento ba Master Plan ne’e hetan aprovasaun iha Parlamento nia laran, se lolos karik ou tuir prosidementu legal, laos aprova Iha Parlamento maibe aprova duni iha Konshelu Ministru, tamba ZEESM laos hola parte ba Programa Governu maibe ZEESM ne'e  projetu ida nebe tenki duni hetan apoio husi Governu.

Ita hare prosesu la’o dadaun, Lei Implementasaun aprovadu ona iha Konselhu de Ministru konserteza Parlamento mos tenki aprova, se lae Parlamento rasik se’e oho nia an ( antis ne’e Parlamento aprova ona osan 20 milliaun dollar Amerikanu ba ZEESM,(ita ba kredit iha banku karik se tenki priense kriterius mak foin bele aprova osan nebe ita hakarak, hanesa mos kuandu ita halo proposta ida karik parte relevante tenki analiza ), maibe OSAN 20 MILLIAUN APROVA ULUK DEPOIS MAK HALO LEI BA OSAN NE’E. Hau espera katak ida ne’e laos jogadas politikas entre Maun Xanana ho Maun Mari. Maun Mari dehan osan 20 Milliaun ne’e la to’o - hakarak husu tan.

Buat hotu se la’o normal..Se karik ida ne’e mak Jogadas duni entau hau fiar katak Maun Xanana hari Ona Nasaun foun ida iha nasaun RDTL nia laran nemak OECUSSI ZEESM Independensia.

Prezidenti persiza tau atensaun ba lalaok ida ne’e. Sekarik ida ne’e mak jogadas, entau Maun Xanana fo ona rai ketan ba Maun Mari’I hodi ukun, ne’e diak tebes, maibe se sai duvidas bot liu, hau fiar loron ida ZEESM se sai fali problema bot ba RDTL, laos tamba sira halo SUBVERSAUN MAIBE hamosu ona FINI FOUN ba Subversaun, espera la sai nune ida.

Se karik ida ne’e mak jogadas duni entaun Maun Xanana sulan ona Maun Mari nia ibun ho OSAN MILLIAUN DOLLAR BA LETEN. Tamba maun Mari  mak liurai ba Partidu oposisaun Fretilin ( maun Lu Olo  ne’e lalika konta) nusa mak tenki Povu nia osan mak ita uza hodi fahe ba malu, laos uluk ita fakar ran tamba osan ida ne’e, laos tamba ita nia inan feto intrega nia an ba invazores hodi goza no seluk tan tanba deit defende ukun an ida ne’e, buat hotu povu beik ne’e mak sala.

Maun Mari dehan ita labele sai Penoton ba Dezenvolvimento iha OECUSSI, ita hotu tenki husu ba Maun Mari

1. Formasaun saida mak Maun Mari hari ona ba POVU OECUSSI ingeral POVU Timor Leste?

2. Kompitisaun saida mak se moris buras iha Oecússi neba?

3. Investimentu saida mak Timor oan sei investe iha Oecussi, hau fiar maun Mari ho maun Xanana koalia sala ona karik: POVU nia osan ema estrangeiru sei lori hotu ba sira nia rai, laiha buat ida iha Oecussi, laiha kualidade humanu, laiha kualidade kapital, laiha buat ida iha neba.

Maun Xanana no Maun Mari  rona husi se mak katak ZEESM sei sai mata dalan ba ekonomia ita rai, keta maun Xanana la’o barak hadulas mundu ne’e maka hodi mai koalia ne’e ou maun Xanana dukur hela karik, maibe Prezidenti RDTL sei ladukur.

Pontu 3 nebe hau hakerek iha leten ne’e maun Mari hakarak dehan:

1. Povu Oecussi tenki kompete iha area infrastrutura ho Waskita Karya,DAMRI,TELKOMCEL, PP KOMPANHA RAKSASA INDONEZIA HO MODAL BOT HUSI ESTADO INDONESIA. Ah, ita bele ka lae... ah kuitadu sosa eskapator deit labele ona...hmm.

 2. Kompete iha area tranportasaun, ah kuitadu, seidauk lao deit Maun Mari bolu uluk ona Empreza Publik DAMRI mai hodi tula passageiro, ahh keta nune maun.

3. Maun hakarak dehan timor oan tenki investe nia osan iha Oecussi, ahhh ne’e mak maun dehan investimentu ne’e ka? Povu hakarak dehan ba Maun Mari no mau Xanana, keta halo povu ne’e la aprende buat ida husi imi nai rua. Maun Xanana dukur ho osan no naran bot, Maun Mari eleisaun dala rua la ukun, ida ne’e mak povu aprende???

“MAI ITA HAMUTUK HO ISPIRITU RESISTENCIA HODI HATUR POVU IHA LETEN AS BA”
.

Sem comentários:

Publicar um comentário

Nota: só um membro deste blogue pode publicar um comentário.