quinta-feira, 22 de maio de 2014

Estadu TL Kuandu Monu Sei La Hamrik - "PM Xanana Sei La Halimar Ho Membru Governu"

.

Notisia Husi TVTL - Kuarta-Kalan, 21 Maiu 2014

Governu sei ezekuta Orsamentu Jeral do Estadu (OJE) 2014 porsentu15 (15%), nune’e Primeiru Ministru (PM) husu ba membru Governu hodi labele halimar demais.

Tuir lei orsamentu Jeral do Estadu tinan 2014 artigu 8 fo dalan ba Ministeriu Finansas atu halo prosesaun ba orsamentu Jeral do Estadu hodi hatene persentazen ezekusaun orsamentu nian.

Tan ne’e, iha sesta-feira liu ba Ministeriu finansas realiza enkontru ida iha Timor Plaza hodi hatudu porsentazen ezekusaun ba membru Governu no instituisaun estadu hotu.

Ho rejultadu ne’ebe hatudu, Primeiru Ministru Kay Rala Xanana Gusmao husu ba membru Governu sira atu haka’as an iha ezekusaun orsamentu.

“Hau (Xanana) atu hateten deit katak, Ita repete maka, repete maka, repete maka repete mais nafatin de’it, fila fali mak mak nafatin de’it, problema ida katak ita ezekuta orsamentu ida ne’e, dalan ida atu husu ba ida ne’e, bainhira los mak lao diak, ne’ebe ukun ho prinsipiu ida ne’e favor ida imi hotu-hotu hadia se la’e imi nia divida-divida, membru Governu sira rekomenda ba imi ohin loron lalika halimar ona, lalika halimar malu, la’e ita nia estadu sei monu, sei monu, ita kuandu monu sei la hamrik,” dehan Xanana.

Iha tinan ne’e, Ministeriu Petroleu no Rekursu Naturais mak ho porsentazen ezekusaun ne’ebe bot ho porsentu 85 no porsentazen kiik liu mak SEPI ho CNE ho porsentu 4.
.

Sem comentários:

Publicar um comentário

Nota: só um membro deste blogue pode publicar um comentário.