sexta-feira, 30 de maio de 2014

“Fa’an Tabaku Timor Suporta Oan Tama Universidade”

.

Jornal Independente - Sesta-Feira, 30 Maiu 2014

Meius barak mak bele uza hodi suprota oan sira hodi hetan susesu iha nivel edukasaun, importante dalan hirak ne’e lehal no la kontra ukun fuan maromak nia, hanesan saida mak Abel de Jesus halao durante ne’e hodi fa’an tabaku Timor hodi dudu oan sira ba eskola iha Universidade.

Rezultadu husi fa’an Tabaku Timor ne’e konsege lori nia oan remata estudu iha Universidade Nasional Timor Lorosa’e.

“Hau nia klienet sira lori tabaku mai husi Distritu Kovalima, Maliana, Manufahi no Atambua, hau sosa borong hodi fa’an fali rahun ba koprador sira,” dehan Abel, iha Merkadu Hali-laran, horsehik.

Nia esplika, tabaku Timor ne’ebe fuma liu husi fuma no sonka, kuandu atu fuma tenki lulun ho batar kulit, surat tahan no kasuma.

“Hau iha ona mane nain tolu no feto nain  tolu hamutuk nain 6, labarik sira ne’e mesak estudante, maibe nain  ida foin dadauk simu ona graduasaun iha UNTL,” dehan Abel.

Nia dehan, agora sira nain lima mak sei kontinua eskola, nain rua eskola sekundaria, ida iha banku pre-sekundaria no rua seluk sei iha banku primaria, ne’e duni, nia esforsu nafatin hodi buka osan para suporta sira.
.

Sem comentários:

Publicar um comentário

Nota: só um membro deste blogue pode publicar um comentário.