terça-feira, 6 de maio de 2014

Governu Timór haluan tán operasaun seguransa konjunta ba teritóriu nasionál tomak

.
Situasaun hanesan ida ne'e bele mos kria instabilidade iha rai laran!!!FDP!!!

Sapo TL ho Lusa - 06 de Maio de 2014

Governu Timor-Leste horisehik fó sai katak operasaun seguransa ne’ebé hahú hala’o iha fulan-Abril iha distritu Baucau hodi hadi’a hikas estabilidade públiku, nune’e maka operasaun ne’e sei hala’o ba iha teritóriu país ne’e tomak.

Konforme desizaun governu nian ne’ebé fó sai iha pájina ofisiál Internet, autoridade sira deskobre katak "grupu ilegál hirak ne’ebé hamosu instabilidade iha país ne’e no fó ameasa ba seguransa nasionál, grupu hirak ne’e sira komesa halai ba iha fatin seluk".

"Hafoin hala’o reuniaun extraordinária ida husi Konsellu Ministru nian, iha sesta liubá, governu komesa haluan tán atuasaun forsa sira ba teritóriu nasionál tomak, to’o 17 Maiu 2014, atu nune’e hodi bele garante operasaun konjunta ne’ebé efikaz, nune’e forsa sira bele hala’o atuasaun ba fatin ne’ebé grupu ilegál sira halo movimentu", haktuir ezekutivu timoroan.

Iha inísiu fulan-Abril governu husi Díli desidi atu halibur forsa defeza no seguransa públiku hodi halo operasaun integrada atu nune’e bele hadi’a hikas estabilidade públika iha distritu Baucau no prevene "hahalok instabilidade" ne’ebé hamosu liuhosi grupu ilegál sira.
.

Sem comentários:

Publicar um comentário

Nota: só um membro deste blogue pode publicar um comentário.