quinta-feira, 29 de maio de 2014

“Kandidatu PNTL Balun Deklara Hetan Materia Molok Izame”

.

Jornal Independente -Kinta-Feira, 29 Maiu 2014

Kandidatu Polisia Nasional Timor-Leste (PNTL) balun deklara hetan material husi Ministeriu Edukasaun (ME) molok tuir teste Pro-Kultural, tan ne’e, senti fasil maske nia la estuda.

Entertantu, Ministeriu Edukasaun diskorda rumor ne’e, iha parte seluk, komandu PNTL mos la fiar rumor ne’e, tanba prosesu hotu-hotu Ministeriu Edukasaun mak hala’o.

Kandidatu PNTL, ne’ebe lakohi atu diario ne’e fo sai nia naran iha publiku hafoin tuir ezame dehan, nia senti material fasil liu ba nia tanba antes ne’e nia hetan ona kopia material ne’e husi nia maluk balun ne’ebe servisu iha ME.

“Hau hetan material ne’e mos la’os loron rua tolu iha hau nia liman maibe horikalan (23/5) hau la dun estuda diak maibe hau senti diak,” dehan Fontes ne’e ba INDEPENDENTE iha fatin Ijame Eskola Sekundaria 30 de Agusto Komoro, Sabadu (24/5).

Entertantu, Diretor Nasional Kurikulu Avaliasaun, Fernando Mouzinho Gama hateten, teste ne’e la’o hanesan baibain no agora dadaun husi parte PNTL hahu halao ona koresaun ba material hirak ne’e.

Nia dehan, Materia hirak ne’e sei hala’o koresaun ho makina aparelu, tan ne’e, nia la fiar informasaun ne’ebe prejudika fali ba ema ne’ebe tuir ona testu.

“Ami mak organiza material hirak ne’e, iha momentu ne’eba mos prosesu hala’o teste ne’e normal, nusa mak dehan fali kebocoran ne’e,’ ne’e lalos,” dehan Fernando iha salaun rekorente Vilaverde, Dili, Tersa (28/5).

Nia konsidera informasaun ne’e, husi ema ne’ebe hakarak kanta ba mai hodi halo fali prejudika ba ema seluk ne’ebe mak teste tiha ona.

Nia parte mos sei halao kordenasaun masimu ho PNTL nune’e iha koresaun ne’e labele mosu failansu.

Iha parte seluk, segundu komandante PNTL Komisariu Afondo de Jesus ne’ebe mak halo observasaun direita ba prosesu teste ne’e la fiar material ne’e laiha kebocoran tanba parte ME mak prepara materia teste ne’e.

“Hau fiar materia ne’e la bocor hanesan ita boot sira (jornalista) dehan,” hateten afonso.

Kandidatu PNTL foun ne’ebe mak liu selesaun dokumentu hodi tuir teste Pro-Kultural ne’e hamutuk nain 8874, husi Distritu 13 tuir ona teste iha loron sabadu (24/5) semana kotuk.
 .

Sem comentários:

Publicar um comentário

Nota: só um membro deste blogue pode publicar um comentário.