sexta-feira, 9 de maio de 2014

"Komisaun B PN Ezije Espulsa Membru PNTL Baku Komunidade"



Jornal Independente - Sesta-Feira, 09 Maiu 2014

Komisaun B (Trata asuntu Negosiu Estranjeiro, Defeza no Seguransa Nasional) iha Parlamentu Nasional (PN) Ezizi ba komandante Jeral Polisia Nasional Timor-Leste (PNTL) atu investiga no suspende membru batailaun Orden Publiku (BOP) ne'ebe baku Komunidade Inosente.

Membru Polisia Nasional Timor-Leste (PNTL) husi batalaun orden Publiku (BOP) ajenti Jorge Lopez (JOs Audian) ho Polisia provost ida baku komunidade inosente Bosco Lobato (52) to'o rana fakar iha parte inus. Akontesementu ne'e, iha area Tasitolu, Maizu-menus tuku 10:30, kuarta foin lalais, membru BOP ne'e ba ho kareta prado ho numeru matrikula COP A 106.

Vitima hala'o ona tratamentu intensivu iha sala urjensia Hospital Nasional Guido Valadares (HNGV). Tanba ne'e, Prezidenti Komisaun B iha PN, David Diaz Ximenes hateten, iha artigu 43 dehan polisia bele uza forsa maibe tenke hatene bainhira mak atu uza forsa.

Komisaun B mos simu ona relatoriu ba akontesementu ne'e husi xefe Suku no Vitima. "Ami nia hanoin ne'e tenki investiga no labele defende malu fali hodi la investiga maibe investiga hatama nia ba kadeia se bele espulsa tan, tanba nia halo seguransa ba povu maibe halo agresaun fiziku ba povu ne'e labele," dehan nia.

Antes ne'e, komadante operasaun Nasional Superitendenti xefe Armando Monteiro hatete, nia simu ona kazu ne'e, maibe sira sei konsentra ba asistensia tratamentu ba vitima depois mak loke prosesu investigasaun ba ajente Jos.

 "Ita sei konsentra ba tratamentu saude vitima nian lai depois mak ita investiga tuir kauza husi akontesementu ne'e saida depois mak ami intrega ba departementu justisa mak prosesu kazu ne'e," dehan nia.
.

Sem comentários:

Publicar um comentário

Nota: só um membro deste blogue pode publicar um comentário.