sexta-feira, 30 de maio de 2014

“Ladun Etika, Governu Oferese Karreta Prado Uzadu Fasilita Simeira CPLP”

.

Jornal Independente -Sesta-Feira, 30 Maiu 2014

Tuir planu Governu sei sosa kareta hamutuk unidade 10 husi Indonezia ho modelu BMW hodi fasilita Simeira Comunidade dos paises da Lingua Portuguesa (CPLP), iha fulan Jullu 2014.

Governu ne’ebe lidera husi Xanana Gusmao tenke halo planu sosa kareta Luxu foun atu fasilita xefe Estadu no Xefe Governu sira husi Comunidade dos Paises da Lingua Portuguesa, tanba tauk ema dehan ladun etika iha mundu diplomatiku ida nian kuandu oferse kareta Prado uzadu.

Vise Primeiru Ministru Fernando Lasama de Araujo hateten, planu Governu atu sosa kareta ne’e hanesan parte ida preparasaun ba simeira CPLP nian.

Tuir loloos, Governu iha planu atu fo kareta prado uzadu ba xefe Estadu sira husi CPLP atu sa’e, maibe ne’e ema dehan la dun etiku iha mundu diplomatiku ida nian.

“Depois ema haree dehan Timor ne’e susar maibe la dun susar ne’ebe sei sosa kareta BMW 10 husi Indonezia atu fo ba xefe Estadu sira sa’e, depois hotu tiha la’os ita atu sunu ka sa’e, ita mos atu tama ba ASEAN, tanba ne’e ita tenki hare ba oin hotu, inklui reuniaun bobot sira sei barak hela,” dehan La sama.

Maski nune’e tuir La sama dehan, planu atu sosa kareta MBW husi Indonezia mai ne’e seidauk klaru, tanba PM Xanana sei dehan haree uluk lai, se bele diak liu aluga deit.

Entertantu, Ministru Negosiu Estranjeiru no Kooperasaun (MNEK) Jose Luis Guterres reforsa liu tan katak, Governu prepara planu atu sosa kareta foun hodi fasilita Xefe Estadu sira husi nasaun CPLP bainhira mai atu uza.

“Kareta ne’e tenke diak atu ema uza labele iha problema, I depois protokolumente ital abele fo kareta ba xefe estadu hanesan fali ba Ministru ka saida-saida, maibe tuir regra internasional,” dehan nia.

Nune’e, parte MNEK nian, prepara ona orsamentu sobre saida loos mak presiza, atu nune’e iha simeira ne’e ema labele kritika uma nain dehan organiza lahatene.

Alende Preparasaun hirak ne’e, Ministru Luis mos informa katak, Prezidenti da Republika (PR) Taur Matan Ruak asina ona karta konvite ofisial ba xefe de estadu husi nasaun CPLP sira atu mai partisipa no karta konvite ne’e haruka dadauk ona.

Nune’e mos, tuir padraun folin kareta BMW iha fulan-Maiu 2014, folin diferensa tuir modelu oioin, karun liu mak ho modelu BMW 7-Series 760 Li (A) RP.3.389.000.000 (Kuaze U$340.000 Dolar Amerika.

Baratu liu mak ho modelu BMW X1-sDrive 18i Business (M) ho folin RP.499.500.000 (Kuaze $50.000 dolar Amerika).
.

Sem comentários:

Publicar um comentário

Nota: só um membro deste blogue pode publicar um comentário.