quinta-feira, 8 de maio de 2014

Operasaun CPD-KRM "Komandu PNTL Simu Karta Protesta Husi Governu no PN"

,

Jornal Independente -Kinta-Feira, 08 Maiu 2014 

Komandu Jeral Polisia Nasional Timor-Leste (PNTL), simu ona karta protesta husi Parlamentu Nasional (PN) no Governu kona-ba pesoal Polisia ne'ebe utiliza sala rezolusaun hodi halo torturasaun ba komunidade, inklui sobu ai-rin Bandeira FRETILIN iha Waimoru-Tula, Vikeke. 

Komandante Operasaun Polisia Nasional, Superitendente Xefe Armando Monteiro hateten, Komandu PNTL simu ona karta husi PN kona-ba membru PNTL ne'ebe uza sala rezolusaun hodi halo torturasaun ba komunidade no sobu ai-riin bandeira istoriku Partidu FRETILIN nian. 

"Sei analiza (Karta ne'e) hodi halo estudu atu orienta ba komandu Distrital sira ne'ebe ezekuta rezolusaun," dehan nia, Kuartel Jeral PNTL, Kaikoli-Dili, horsehik. Iha parte seluk, komandante Armando hateten, operasaun konjunta ne'e ninia area espesifiku no durasaun iha limitasaun, tanba ne'e empenamentu konjuntu ne'e remata sei harii tan ekipa Tasck Force konjunta ne'ebe sei habelar liras hodi mantein operasuan hodi ezekuta mandatu judisiariu. 

Kona-ba informasaun ne'ebe grupu CPD-RDTL no KRM sira halai hodi muda fali ba iha Distritu ermera, nia dehan, informasaun ne'ebe tama mai konsidera no simu, maibe operasaun ne'e lao iha Distritu baucau, operasuan no ezekusaun rezolusaun mos lao iha komandu Distritu 13. 

"Se karik momentu ne'e la'o iha ne'eba, komandu Distrital hotu mos apoiu operasaun konjunta ne'e, tanba iha kordenasuan no komunikasaun," tenik nia. Bainhira operasaun konjunta ne'e remata, ekipa task force la'os servisu mesak, maibe habelra area operasaun, tanba komandu Distrital 13 hetan apoiu husi komandu nasional. 
.

Sem comentários:

Publicar um comentário

Nota: só um membro deste blogue pode publicar um comentário.