sexta-feira, 9 de maio de 2014

Polisia Sobu Grupu Ilegal; "Komandu PNTL Distritu Vikeke Hato'o Respeitu Ba Partidu Istoriku FRETILIN"

.

Notisia Husi TVTL - Kinta-Kalan, 08 Maiu 2014 

Komando PNTL rejeita informasaun husi komunidade balun Waimori-Tula Sub Distritu Vikeke ne'ebe hato'o keixa ba Parlamentu Nasional (PN) katak, PNTL baku militantes partidu FRETILIN. Komandu Polisia Distritu Vikeke rejeita informasaun husi komunidade Waimori-Tula Sub. 

Distritu Vikeke ne'ebe hala'o keixa ba Parlamentu Nasional katak, PNTL baku militante Partidu FRETILIN ne'ebe fo sai TVTL iha Kuarta-kalan. Komandante Polisia Distritu Vikeke Superitendenti Justino Menezes iha kinta-feira ne'e afirma, grupu ne'ebe eziste iha Waimori-Tula konsidera grupu illegal tamba hasa'e bandeira RDTL no Bandeira Partidu FRETILIN iha uma privadu ida no iha uma laran tau hena mean no sunu lilin mean hodi adora. 

Grupu ne'e hanaran FRETILIN Rai Nain ho nia relizaun naran Istoria, tamba ne'e komandu Polisia aplika rejolusaun nomor 5/2014 hodi taka grupu illegal neebe eziste iha Distritu Vikeke. 

"Keixa ne'ebe mak grupu illegal sira hato'o ba Parlamentu nasional dehan katak, Sobu sede Partidu FRETILIN iha Suku Waimori-Tula ne'e komandu PNTL rejeita total, PNTL la sobu sede FRETILIN no mos sede partidu selu-seluk nian iha ne'eba, maibe ami sobu atributu grupu illegal ne'ebe mak eziste iha ne'eba," deklara Justino. 

Justino Menezes mos hateten tan katak, sede iha Waimori-Tula la'os sede Partidu FRETILIN tamba grupu illegal ne'e hasa'e bandeira iha dalan fahe rua no laiha konesementu ba autoridade lokal suku ne'eba. "Iha ne'eba la'os sede FRETILIN maibe ne'e pesoal ema ida ninian uma mak sira uza, ema sira iha responsabldiade no ho nua membru hamutuk nain 28 mak iha ne'eba, depois dia 30 kalan (Abril) to'o iha ne'eba konsege bolu sira hodi konfirma," dehan tan Justino. 

Komandante Distritu ne'e realsa tan katak, iha primeiru hasoru malu ne'e, komandu Distritu PNTL esplika mak lideransa ne'e foin senti ba rezolusaun ne'e no sira rasik mak sobu ai-rin bandeira, iha momentu ne'e laiha intimidasaun no torturasaun husi Polisia. 

 "Iha momentu ne'eba ami koalia malu ho hamnasa no hadeus e laiha problema, maibe to'o ikus sira dehan iha torturasuan ne'e se mak baku sira, moemntu ne'e xefe Suku mak ba bolu sira, lolos ne'e ami la resiza bolu sira maibe ami konsidera nafatin sira, tamba antes ne'e iha dia 8 de Marsu hau haruka membru PNTL nain 8 ba halo aprosimasaun uluk hamutuk ho Xefe Suku sira, sira lakohi simu, tamba ne'e mak iha dia 30 de Abril ami ba tan, ne'e ba dala rua mak ne'e," dehan Justino. 

Nune'e, komandu Polisia Distritu Vikeke prontu atu responde ba keixa ne'ebe mak grupu illegal organizasaun Vitoria FRETILIN rain ain Waimori-tula hato'o iha Parlamentu nasional. 

"Komunidade iha Distritu Vikeke laran tomak, liu-liu ami nia respeitu no konsiderasaun tomak ba Partidu FRETILIN e katak ami la ataka sede Partidu FRETILIN, ami taka e hasai atributu ne'ebe grupu illegal sira hodi hasa'e Bandeira FRETILIN no Bandeira Nasional ne'ebe sein konesementu husi autoridade Suku, sub Distritu, Distritu no mos autoridade seguransa interna nian, la'os iha Waimori-tula deit mak ami haruka hatuun Bandeira FRETILIN no Bandeira RDTL maibe kualker se de'it mak hasa'e bandeira RDTL iha sede, hanesan CPD-RDTL, ne'e hanesan sede illegal e sede illegal hamutuk 99 ne'e hasa'e hotu Bandeira ida ne'e," dehan tan Justino. 

Entertantu, oras ne'e komandu Polisia Distritu Vikeke kontinua halo aprosimasaun hodi taka grupu ilegais ne'ebe eziste sein konesementu husi parte kompotente. 
.

Sem comentários:

Publicar um comentário

Nota: só um membro deste blogue pode publicar um comentário.