quinta-feira, 22 de maio de 2014

"PR Taur Sei 'Inkeretu' Komisariu Longuinhos No Jeneral Lere"

.

Jornal Independente - Kinta-Feira, 22 Maiu 2014 

Prezidenti Republika (PR) Taur Matan Ruak nuudar mos komandante Supremu sei halo inkeretu ba Komandante Polisia Nasional Timor-Leste (PNTL) no FALINTIL-Forsa Defeza Timor-Leste (F-FDTL), relasiona ho operasaun ne'ebe durante ne'e instituisaun rua ne'e halo. 

Xefe estadu simu ona keixa barak kona-ba operasaun konjunta ne'ebe durante ne'e PNTL ho F-FDTL halo, ne'e duni, sei husu esplikasaun ba komandante Jeral PNTL, Komisariu Longuinhos Monteiro no Komandante Jeral F-FDTL, Major Jeneral Lere Anan Timur. 

"Realamente hau simu keixa barak, ne'ebe hau simu Brifieng husi kaza Civil no kaza militar hasoru ona sira kona ba problema sira ne'ebe akontese durante hala'o operasaun ruma, maibe bele hamosu fali problema seluk," dehan nia, iha palasiu Prezidnesial Ai-tarak laran foin lalais ne'e.

Nudar komandante supremu, Prezidenti Matan Ruak husu deskulpa ba membru F-FDTL no PNTL sira hotu ne'ebe durante ne'e hetan tratamentu la diak iha tempu operasaun nia laran, maski nune'e, Prezidenti Republika la esplika klaru probelma saida mak membru F-FDTL no PNTL enfrenta iha tempu operasaun. 

"Presidente rezista kazu sira ne'e hotu, Prezidente sei husu ba komandante F-FDTL no PNTL para buka hatene no buka solusaun, medida ba problema sira ne'e," dehan nia. Antes ne'e, iha loron (7/5) liu ba, komandante Jeral PNTL, Komisariu Longuinhos Monteiro no komandante Jeral F-FDTL, Major jeneral Lere Anan Timur hasoru malu ona ho Prezidenti Republika, Taur Matan Ruak hodi koalia kona ba komandu operasaun konjunta (KOK) ne'ebe remata ona nia misaun iha loron (7/5) liuba. 

.

Sem comentários:

Publicar um comentário

Nota: só um membro deste blogue pode publicar um comentário.