quinta-feira, 8 de maio de 2014

Veteranus Mak Impede Prosesu Dezenvolvimentu Nasional; "Veteranus Ainaro Lamenta Deklarasaun PM no PR"

.

Notisia Husi TVTL - Kuarta-Kalan, 07 Maiu 2014 

Asosiasaun Veteranus Distritu Ainaro husu ba Xefe Estadu no Governu atu indika membru veteranus ne'ebe implementasaun projeitu laiha kualidade no husu atu labele generaliza veteranus en jeral. 

Lamentasaun ne'e hato'o husi Prezidenti Asosiasaun veteranus Distritu Ainaro Eujenio da Costa Monteiro no nia hateten labele soran veteranus hotu hodi impedementu ba dezenvolvimentu maibe nia husu ba Primeiru Ministru no Prezidenti da Republika hodi indika idnividu veteranus ne'ebe mka impede dezenvolvimentu. 

Nia mos husu ba Prezidenti no primeiru Ministru atu labele fo oportunidade ba ema seluk hodi sai ostaklu ba prosesu dezenvolvimentu nasional. 

"Hanesan veteranus husu atu labele boron deit veteranus nia naran wainhira veteranus balun sai ostaklu ba dezenvolvimentu nasional, tamba iha ne'eba temi boron deit, tamba ne'e nuudar veteranu ida mos hakarak hateten katak, se boron deit veteranus hotu-hotu ami lamenta tebes, problema veteranus barak mak seidauk rejolve maibe husi nain ulun sira nia liafuan bele sai ostaklu ba atividade ne'ebe ita atu hala'o ida Distritu hotu-hotu, kona ba verifikasaun de dadus sira. 

Veteranus individu halo ninia profile ba kompania hodi kompete ba iha prosesu legal sira atu hetan projeitu, ne'e nuudar ema maibe la ba hanesan veteranus, tamba temi naran boron ne'e mak halo konfuzaun iha komunidade nia leet, tamba ne'e ami husu ba veteranus ne'ebe kaer prjeitu tenki ho kualidade" lamenta nia. 

Nune'e, nia mos la konkorda ho deklarasuan ne'ebe senor Prezidenti da Republika no Primeiru Ministru nia lia fuan ne'ebe fo sai iha media katak, iha parte balun veteranus mak sai impedementu ba prosesu dezenvolvimentu nasional Timor-leste. 

Nune'e mos, antes ne'e nain ulun sira fo sai iha media katak, veteranus mak tenki sai ezemplu ba paz no estabilidade nasional maibe kuandu veteranus ida halo sala mak borong deit ba veteranus hotu ne'e la los. 
.

Sem comentários:

Publicar um comentário

Nota: só um membro deste blogue pode publicar um comentário.