sexta-feira, 27 de junho de 2014

Vizita PR Taur Iha Manufahi: "Populasuan Deklara Sira Hamrik Iha Sira Nia Ain Leten E La Tane Liman Ba Estadu"

.

Notisia Husi TVTL - Kinta-Kalan, 26 Junu 2014 

Komunidade Suku Manufahi Sub. Distritu Soibada informa ba Prezidenti da Republika (PR) katak, Suku Manufahi la depende ba estadu maibe oinsa mak populasaun bele kontribui ba estadu. 

Iha Soibada Prezidenti da Republika ho nia komitiva simu liu husi tradisaun Soibada nian, populasaun ksolok tebes hasoru malu ho Prezidenti da Republika iha fatin ne'eba, populasaun Suku Manufahi moris iha fatin ne'ebe izoladu no iha fatin ne'eba sira susar atu asesu ba estrada no mos laiha linha telefone, maibe sira iha inisiativa rasik harii sira nia eskola, Sede Suku, no mos halo estrada rasik, la depende ba estadu. 

"Atu servisu maka'as hodi ajuda estadu, ami senti moe bainhira ninia moris loro-loron depende de'it ba estadu ka ema seluk, tamba ami Suku manufahi hatene katak, husi povu mak estadu ho governu bele hamrik, ami rasik harii sede suku ida, harii postu saude ida, harii eskola ida, harii kapela permanente ida, harii ponte provizoriu iha suku laran, loke estrada rasik, deklara xefe Suku Manufahi. 

Iha dialogu ne'e, Prezidenti da Republika hateten, Suku Manufahi sai ezemplu ba suku seluk Timor laran atu banati tuir lalaok ida ne'e. "Hau hateten ba imi katak, imi nia esperensia ida ne'e hanesan heroi ida hodi hau sei fahe informasuan ba suku seluk-seluk, par ke sira tuir imi, ne'e sai ezemplu ida ba nasaun tomak, hau espera ema hotu sei tuir imi nia ain fatin," dehan PR Taur. 

Prezidenti da Republika mos hateten tan katak, estrada iha area rurais responsabldiade SEPFOPE nian tamba ne'e nia sei hato'o ba Sekretariu estadu relevante atu bele tau atensaun. 

.

"PNTL Sei Hamamuk Estrada Kapital Dili Molok Simeira CPLP"

.

Jornal Independente - Kinta-Feira, 26 Junu 2014

Polisia Nasional Timor-Leste (PNTL) sei hasai negosiante ambulante sira, negosiante motor no kareta iha tasi-ibun no kaminota ne'ebe baibain para ha estrada ibun iha kapital Dili molok realiza simeira CPLP. 

Komandante operasaun Polisia Nasional Timor-Leste (PNTL) Superintendente Armando Monteiro hatete, PNTL apela ona ba negosiante no komunidade sira atu bele koopera.

"Hanesan ita nia komundiade sira ne'ebe mak baibain tula rai-henek hodi para iha estrada Komoro agora ita fo ona apela, ita nia komunidade ne'eba mos rona no komprende no koopera ho parte seguransa hodi hamamuk fatin ne'eba, tanba fatin ne'eba mos hanesan entrada portaun kapital Dili, dehan Armando ba jornalista sira iha Kuartel jeral PNTL, horsehik.

Iha a tempu badak nia laran, nia hatutan, PNTL sei servisu hamutuk ho Ministeriu Komersiu, Industria no Ambiente atu hasai negosiante sira ne'ebe faan sasan iha dalan-ibun husi Aeroportu Nicolau Lobato to'o Eis Merkadu Komoro no fatin sira seluk tan.

Tuir planu, ohin (26/6) PNTL sei halo pasa revista ba transporte publiku ne'ebe hala'o operasaun iha sidade Dili.

Komandante Operasional PNTL, Superintendente Armando do Monteiro dehan, checkpoint ne'e sei lao molok no durante simeira CPLP iha Dili.
.

"PNTL Esforsu Nafatin Buka Tuir Membru CPD-KRM Na'in Hitu"

.

Jornal Independente - Kinta-Feira, 26 Junu 2014 

Operasaun buka tuir membru grupu illegal CPD-RDTL no Konsellu Revolusaun Maubere (KRM) remata ona iha fulan Maiu 2014 liuba, maibe Polisia Nasional Timor-Leste (PNTL) sei kontinua buka tuir nafatin liu husi kriasaun ekipa task force. 

Tuir dadus ne'ebe PNTL rekola, membru grupu illegal neebe to'o oras ne'e sei "hela iha ai-laran" hamutuk ema nain hitu, tanba ne'e, ekipa Task Force tuun daudaun ona ba terenu hodi buka tuir ema hirak ne'e. 

Komandante Operasaun Nasional, Superitendente Armando Monteiro hateten, tuir mandatu husi prokurador Distrital Baukau, hamutuk ema nain 12, husi total ne'e ema nain lima (5) mak kaptura ona iha momentu operasaun konjunta.. 

"Hela de'it nain hitu (7), ne'ebe agora daudauk ita sei esforsu no buka tuir lori ba instituisaun kompetente hodi submete ba prosesu investigasaun," dehan nia, iha servisu fatin, Kuartel jeral PNTL, Kaikoli, Dili horsehik. 

Ne'e duni, apela ba komunidade sira kuandu identifika ema hirak ne'e bele hato'o na PNTL hodi bele halo kapturasaunba ema hirak ne'e, tanba iha ona mandatu husi Ministeriu Publiku. 
,

"Boye Hetan Ameasa Tama Prizaun Tinan 20, PN Husu MF Esplika Ba Povu"

.

Jornal Independente - Kinta-Feira, 26 Junu 2014 

Eis-Asesor Governu Timor-Leste ne'ebe hetan kaer husi Estadus Unidus Amerika nia 'federal Bureau of Investigation' (FBI) iha semana kotuk, iha ameasa tama prizaun tinan 20 ka multa dala rua husi osan ne'ebe nia hetan, edifisiu Ministeriu Publiku EUA nian hatete. 

 Entertantu, Parlamentu nasional iha Dili horsehik husu ba Governu, liu-liu Ministra Finansas (MF) Emilia Pires atu fo esklaresementu klean ba povu hodi hatene kazu ne'e, tanba hahalok Boye ne'e halakon ona osan povu nian ne'ebe ke boot tebetebes. 

Iha semana kotuk, FBI kaer sidadaun Amerika ida ho naran Bobby Aji-Boye iha aeroportu New Jersry tanba deskonfia envovle iha frauda konspirasaun hodi halakon osan nasaun estranjeiru ida ho montante millaun $3.5. 

Tuir keixa katak, osan ne'e Boye hatama ba konta bankaria firma opus & Best ne'ebe nia rasik mak kontrola. Boye servisu ba Ministeriu Finansas Timor-Leste iha 2010-2012 nu'udar asesor ida. Iha inisiu servisu, Governu Noruega mak selu, maibe iha dalan klaran Governu Timor-Leste mak selu nia salariu. Bainhira nu'udar asesor, Boye rekomenda Ministeriu Finansas atu halo kontratu serbisu ho firma Opus & Best iha EUA ne'ebe dehan hamriik ona dezde 1985, tuir faktu katak firma ne'e foin hamrik iha 2012. 

Keixa hateten katak, Governu Timor-Leste la hatene katak Opus & Best ne'e nuudar firma falsu ida. Boye uza osan ne'e hodi sosa propriedade iha New Jersey kuaze liu millaun $1.5, karreta Luxu tolu ho modelu Bentley ne'ebe nia folin hamutuk $172,000, Range Rover ho folin $100,983, no Rolls Royce ho folin $215,000, no arlozi designer ho folin besik $20.000, alegasaun husi Ministeriu Publiku EUA hateten. 

Relasiona ho kazu ne'e, Ministeriu Publiku EUA dehan Boye iha ameasa hetan kastigu tama prizaun tinan 20 ka selu multa dala rua husi osan ne'ebe nia hetan husi nasaun vitima. 

Tuir alegasaun katak, Boye nuudar membru Opus & Best no membru ida ba komite ne'ebe mak revee konkursu. Entertantu, Vice Prezidenti Parlamentu Nasional, Aderito Hugo husu ba Governu, liu-liu Ministeriu Finansas atu esplika klean kona-ba prezensa Boye iha TL nuudar asesor iha tempu pasadu. 

"Ita hein katak, ita nia governu no orgaun estadu nian sira seluk ne'ebe mak durante ne'e envolve iha prosesu rekrutamentu ba eis asesor ne'e, atu bele hato'o informasaun detallu ba povu Timor-Leste sobre fallansu ida ne'e, fallansu ida ke halo ita monu ba tentativu ema legal ida ou advisor ida ne'ebe mak afinal to'o ikus ita hatene ema ne'e laiha kompetensia," hateten Aderito Hugo iha PN horsehik. 

Ho akontesementu kapturasaun husi FBI hasoru eis asesor ne'e, Aderito husu ba Mimistra Emilia Pires atu fo resposta klaramente ba publiku tamba povu iha direitu atu hatene saida mak akontese. 

Nune'e, Vise Prezidenti Bancada FRETILIN, Deputadu Francisco Miranda Branco dehan, Ministra Emilia tenke responsabliza fraude ne'e tanba nia mak uluk defende loos Boye bainhira sei sai asesor hela. 

"Hau hanoin ho aktu ida fraude kontra estadu TL ne'e ita presiza kestiaona Ministra Finansas tanba nia mak legaliza fraude ida ne'e, horiuluk kedas Parlamentu nasional Kestiaona kontratu ida ne'e maibe, Ministra Finansas iha uma fukun defende katak ema ne'e iha kredibilidade, seriu no esperensia iha kestaun fiskal nian," dehan Branco. 

 "Ida ne'e tanba deit, MF nia konfiansa fo kontratu ba ema ne'ebe mak la loos to'o polisia federal kaer katak, nia halo fraude ba estadu ita nian," deputadu Branco dehan. 

Deputadu ne'e lamenta tamba konfiansa MF ba sidadaun rai liur to'o ikus hetan ona rejultadu ne'ebe mak la diak ba estadu Timor-Leste, tanba ne'e deputadu Bancada opozisaun ne'e husu Ministra Finansas nia esplikasaun klaru sobre aktu ne'e. 

Iha publikasaun INDEPENDENTE, hrsehik, Ministru Negosiu Estranjeiru no Kooperasaun (MNEK), Jose Luis Guterres hateten katak, Governu Timor-Leste konfirmadu ona ho informasuan kona ba kapturasaun ba Aji-Boye. 

"Ema ne'e uluk servisu duni iha MF nuudar asesor, no ita simu ona informasaun, no ida ne'e loos duni, konfirmadu tanba ne'e relatoriu FBI nian," hateten Ministru Jose Luis, iha Palasiu Governu foin daudauk ne'e.
.

"Livre Kontaktu, Governu Deve TT Millaun $8"

.

Jornal Independente -Sesta-Feira, 27 Junu 2014 

Governu Timor-Leste deve Timor Telecom (TT) nia osan hamutuk millaun $8 resin tanba de'it uza telefone livre. Tusan ne'ebe mak Governu deve husi TT ne'e hahu husi mandatu Governu Aliansa Maioria Parlamentar (AMP) to'o ohin loron iha mandatu Governu Bloku Koligasaun (BK). 

 Relasiona ho tusan TT nian iha Governu hamutuk millaun $8 ne'e, Bancada FRETILIN liu husi nia Vise Prezidente, Deputadu Francisco Branco iha Uma Fukun Parlamentu nasional preokupa tebes. 

Tanba tuir deputadu ne'e katak, Governu la'os atu halo tusan de'it ba iha projeitu sira maibe governu mos halo tusan ba TT. "Tusan ne'e Governu mak halo ba TT besik millaun $8, ida ne'e mak bancada FRETILIN preokupa loos, afinal la'os tusan sira seluk deit hanesan tusan projeitu emerjensia, tusan barbarak losos, maibe tusan mos ba uza telefone ne'ebe livre," hateten deputadu Branco iha PN, (25/6). 

Branco dehan, tusan ne'e akontese tanba servidor estadu sira uza telefone deskontroladu. "Ohin loron deskontroladu tomak, ema hotu-hotu uza telefone livre atu komunika ba malu, ita konkorda membru Governu sira presiza, inklui diretor sira mos presiza, maibe laos atu uza narnaran de'it, ema ida bele uza telefone ne'ebe free purke se lae ema abuza," dehan Branco. 

Nia fo ezemplu, membru Governu ida iha direitu ba telefone livre, maibe lori ba uma depois too iha uma nia rai hela bele uza livre no impaktu mak osan selu saugate deit, ida ne'e mak akontese tanba deskontroladu total," tenik Branco. 

Nia dehan, tuir loloos, atu uza telefone gratuitu tenke sentraliza fila fali iha Ministeriu Finansas (MF) hodi regulariza no estabelese regra ne'ebe mak bele kontrola, se mak bele kaer telefone gratuira, no se mak labele kaer no iha direitu osan hira. Bainhira Ministru no Sekretariu estadu ida no diretor ida kuandu nia mandatu remata tenke para ona uza telefone livre ne'e," dehan Branco. 

"Ema servidor estadu ne'e, dezempena ona iha mandatu automatikamente para kedan, agora razaun mak ema balun sai tiha ona mos sei uza nafatin telefone livre," tenik nia. 

Tuir Branco, haree ba asuntu ida ne'e, PN sujere ona ba MF atu buak maius selu tusan ne'e. "Ami hateten, halo nusa-nusa mos Governu tenki buka dalan ida atu selu tusan ida ne'e tanba TT, alende estadu TL sai hanesan asionista no ita nia Timor-oan servisu iha ne'eba nain 1.800, ne'e duni Governu liu husi MF tenke buka halo oinsa bele selu tiha, prioridade selu uluk mak porsentu 50," tenik Bianco.
.

quinta-feira, 26 de junho de 2014

PR Taur Konsidera Governu Fraku

.

Jornal Nacional Diário - June 26, 2014

Prezidente Repúblika (PR), Taur Matan Ruak, konsidera governu, li-liu Ministeru Agrikultura e Peskas fraku tebes atu dezenvolve setór Agrikultura ho diak desde uluk too agora, tamba produzaun agrikula rai laran menus hodi povu depende makaas ba liu ba produtu rai liur nian.

“Forma Diak atu fo servisu ba ita nia oan sira maka dezemvolve agrikultura, maibe Agrikultura la ba oin”Prezidente, Taur Matan Ruak hateten lia hirak ne’e ba komunidade sira iha suku Sana Nain, sub-distritu Laclubar, distritu Manatuto, Segunda (23/06).

Prezidente Repúblika (PR), Taur Matan Ruak hateten, setór infra-estrutura mós seidauk diak nune’e mós setór agrikultura, maske setór agrikultura hanesan faktor determinante ekonomia povu Timor-Leste nian.

Ministru Agrikultura no Peskas (MAP), Mariano Asanami Sabino, ne’ebé akompaña Xefe Estadu, Taur Matan Ruak, iha dialogu ne’e hateten katak, governu seidauk dezenvolve setór agrikultura ho diak tamba infra-estrutura hanesan parte ida ne’ebé fo impaktu ba dezenvolvimentu iha area agrikultura nian tamba estrada iha teritoriu ne’ebé fasilita populasaun asesu ba merkadu ladiak.

Maske nune’e Ministru, Mariano Asanami Sabino, hateten governu sei kontinua esforsu hodi dezenvolve no moderniza setór agrikultura tuir sistema modernu nian.

Ministru Assanami mós hateten, problema ne’ebé iha governu tomak halo, haree didiak too iha 2014 ministeriu agrikultura seidauk tama iha prioridade ne’ebé importante tamba pilar importante ba setór ekonomia Timor-Leste maka turismu, minarai ho agrikultura.

“Ita seidauk tau agrikultura hanesan prioridade tamba ita nia agrikultura atu dezenvolve diak wainhira estrada ne’e importante tamba agrikultura sei produs barak sei ba iha merkadu tan ne’e ita presiza infraestrutura báziku,”dehan Ministru, Mariano Asanami Sabino.

Nia esplika katak setór agrikultura ne’e ekonomia povu Maubere nian ne’ebé maka to’o agora seidaukk dezemvolve diak,kuandu seitor agrikula sai fator ekonomia ba futuru, agrikultor sei la kiak maibe agrikultor sai ema ne’ebé riku no servisu makas hodi produs no faan iha merkadu, agrikultor laos produs hahan para han deit maibe produs hahan para faan no han, inklui la dependente ba produsaun estranjeiru nian.

“Ita kontinua garantia ba udan been ne’e karakter agrikula ne’ebé tradisional, agrikultura modernu la’os ita fahe traktur, ita moderniza agrikultor kuandu iha treinamentu kuda, labele dependete ba udan ben, maibe iha tempo bailoron mós bele kuda hare,”Asanami, esplika.

Durante dialogu ho komunidade iha suku Sana Nain no Cribas, distritu Manatuto, Ministru Agrikultura enkoraja populasaun sira atu servisu makas hakiak animal barak no tuir sistema agrukultura ne’ebé modernu hodi nune’e bele fo beneficio ba agrikultor sira rasik no bele lori faan iha merkadu tamba agrikultor nia funsaun maka atu produz la’os atu sosa.

Ministru ne’e mós sadik agrikultor sira atu servisu maka’as hodi nune’e labele sai agrikultor ida ne’ebé hola deit maibe sai agrikultor ida ne’ebé maka produz hahan.dgx

Foto de, Presidência da República de Timor-Leste, Facebook.
.

PRIZAUN PREVENTIVA BA XANANA GUSMÃO! PROKURADOR GERAL HEIN TAN SAIDA?

,

OPINIAUN HUSI DOMINGOS BABO

Bobar malu la hotu-hotu, prosesu natureza ba implementasaun Demokrasia iha pais nurak ida ne’e “BELE MATE SEDU”, Konstitusaun RDTL fo ona duni kbit no responsabilidade ba orgaun soberania hotu-hotu hodi MANEJA no halo kalkulasaun ba funsionamento do Estado, orgaun ida labele sub mete ba orgaun seluk, se deit bele tau hanoin ne’e iha ninia konsiderasaun.

Bele koloka hanoin sira que diak hodi hakbesik an ba prosesu dezenvolvimentu Supra-Strutura ba Estadu, maibe faktus provado hatudu katak, ema balu la iha hanoin no hakarak hodi fo ninia kontribuisaun ba konstruksaun Estadu ingeral, liu-liu iha parte Justiça.

 Iha momentu ne’e, Lider Politik hanesa Xanana Gusmao hakarak koko Mentalidade husi Orgaun Judikativu nebe simu knar Konstitusional hodi defende JUSTICA ou LIA LOS iha Timor laran tomak husi ema liman foer balu nebe hakarak hamonu no lori Estadu ne’e  ba ESTADU FAILHADU.

Xanana Gusmao Konsidera “Prokurador Geral da Republika Beikten” tamba deit PJR iha duni inisiativa diak hodi implementa Lei, nebe membru Governu sira Viola, liu-liu ba Kazu Korupsaun sira, maibe Xanana Gusmao ho BARANI TEBES-TEBES hasai Liafuan (KUDA KARETA)hasoru Prekurador Geral. Oinsa bele hahalok ne’e akontece??DUVIDAS BOT??

1. Bele mos Xanana Gusmao involve direitamente iha kazu Samuel Marcal (Director ADN).

2. Bele mos Xanana Gusmao hakarak salva Governu nebe nia Lidera rasik atu nune labele monu .

3. Bele mos Xanana iha inisiativa hodi salva intrese politik estrangeiru, nebe ohin loron aselera maka tebes ba rai Timor(liu husi Impresariu sira).

4. Bele mos Xanana Gusmao hakarak selu ninia comprimisu politik ho doador sira nebe durante kampanha fakar osan barak ba Partidu CNRT.

5. Bele mos Xanana Gusmao liu husi nia membru Governu sira hodi deposito osan Projetu nune bele hasoru eleisaun 2017.

6. Ikus Liu Xanana hakarak koko deit ninia Influenca ba ESTADO RDTL.

 PREZIDENTI DA REPUBLIKA PREUKUPA KA LAE?

Hau hakfodak tebes wainhira Xanana Gusmao declara, "PARLAMENTO LAIHA FAKTUS AKUZA HAU NEBE INTERVEN ONA JUSTICA”, PM Kayrala Gusmao dalaruma haluha tiha ona saida mak nia halo ba nia maluk LUTA NAIN “ MAUK MORUK NO L 7 ” iha momentu neba Tribunal Distrital Dili liu husi PJR lahatudu faktus hodi akuza “MAUK MORUK”, maibe Ministerio Publiku uza gravasaun dialogo simples entre Mauk Moruk no ema seluk i Informasaun husi ibun ba ibun, I foto sira nebe espailha iha Facebook/Internet hodi sai hanesa faktus forte ba Prokurador Jeral da Republika hodi kondena komandante L 7 no komandante Mauk Moruk.

Oinsa ho Xanana Gusmao? Depois PM Xanana fila husi Viazem ba nasaun amigu, Xanana Gusmao hato’o ninia deklarasaun “Prokurador Beikten,KAK Traidor no mesak Milisi” deklarasaun nebe publika sai husi TVTL , Radio no Media sosial, ho ton nervuzu  Xanana hato’o ninia deklarasaun nudar Primeiru Ministru perguntas mak ne’e:

SITUASAUN NE’E INTERVEN KA LAE?

Karik nunee Maun Xanana Gusmao hakarak nega ba situasaun nebe nia rasik mak halo, oinsa bele Maun Xanana Gusmao husu ba Parlamento konaba ninia hahalok ne’e. EVIDENSIA MAK NE’E ONA-SAIDA TAN, Maun Xanana Gusmao dalaruma hakfodak oituan ho situsaun nebe nia an rasik mak halo.

Se Xanana Gusmao la hetan lalais “PRIZAUN PREVENTIVA” PM Kayrala Xanana Gusmao bele halakon hotu Provas no Evendensia nebe durante ne’e Prokurador Geral da Republika rekolheu tiha ona, dalan saida mak Xanana Gusmao bele uza hodi halakon provas hira ne’e maka ho meius:

1. Bele liu husi subornu/antis ne’e Xanana deklara nia seI lori PJR ba Singapura, ba halo saida?

2. Abuzu Poder

3. Bele mos hamosu situasaun hodi ameasa ema ida nia vida moris.

Ita hare artigu 297.º (ABUZU PODER)

"Funsionariu nebe Abuzu Poder ka viola obrigasaun, nebe mai husi funsaun nebe nia kaer,atu hetan benefisiuba nia ka ba ema seluk ka hamosu prejuizu ba ema seluk se hetan pena prizaun tinan 1 to’o tinan 4, kuandu desposisaun legal seluk la haruka aplika pena todan liu".
Iha artigu 297.º ne hatudu katak Kayrala Xanana Gusmao uZa ona nia poder politika hanesa Premieru Ministru hodi salva autor kriminozo balu ba kazu Korupsaun (TIR nebe Samue Marcal simu).

Mai ita hare KODIGU PENAL RDTL “KORUPSAUN PASIVA” artigu 293.º

1. Ema nebe nia rasik ka hodi ema seluk ho ninia atorizasaun ka ratifikasaun, husu ka simu, ba nia rasik ka ba ema seluk, vantagem patromonial ka la patromonial, ka vantazem ne’e nia promesa, maske nia laiha dereitu, atu praktika ka la pratika aktu ruma, la hasoru obrigasaun nebe nia iha taba kargu nebe nia kaer, maski aktu ka omisaun akontece tiha ona molok pedidu ka aseitasaun pena prizaun to’o tinan 3 ka selu multa.

2. Sei hetan pena hanesa Ida ne’e funsionariu nebe, nia rasil ka hodi ema seluk, ho nia autorizasaun ka ratifikasaun, husu ka simu ba nia rasik ka ema seluk, vantazem patromonial ka la patromonial,ka vantagem nebe nia promesa, maski nia laiha dereitu husi ema nebe husu tiha ona, husu dadaun ka tuir mai se husu buat ruma nebe nia tenki ezerse fungsaun nebe nia kaer para ema ne’e bele hetan.

Iha momentu seluk mos Xanana Gusmao rasik rekhunece katak ADN ninia servicu iha orientasaun Primeiru Ministru nia okos, artigu ne’e bele hodi akuza Xanana Gusmao bazeia ba resultadu investigasaun, sekarik iha faktus nebe forte pena Prizaun bele aumenta ba tinan 10.

Artigu 294.º (KORUPSAUN ATIVA).EVEDENCIA SAIDA MAK XANANA GUSMAO HAKARAK HUSU BA PARLAMENTO NASIONAL? Mesmu nune antis desizaun Tribunal tun Lei mos rekhunece "asas praduga tak bersalah" (prezunsaun inosensia) .

PROKURADOR IHA ATEN BRANI KA LAE?? HEIN SAIDA TAN?
.

quarta-feira, 25 de junho de 2014

Eis Asesor Ministeriu Finansas Halakon Osan Millaun 3.5 - FRETILIN Ejije Ministra Finansas Responsabliza

.

Lian Parlamentar Fretilin - 25 de junho de 2014

Bankada FRETILIN Ejije Ministra Finansas Responsabliza

Eis Asesor Ministeriu Finansas ho naran Boby Ajiboye ne’ebe servisu ba governu Aliansa Maioria Parlametar (AMP) iha tinan 2010 -2012 , hetan kaer husi Federal Bureu of Investigation (FBI) Estadus Unidus America tanba hetan prova hodi halakon estadu Timor Leste nia osan hamutuk millaun 3.5 dollar Americano.

Iha semana kotuk FBI Kaer eis Asesor Ministeriu Finansas ne’e iha Aeroportu New Jersey tanba komprova katak nia halo frauda komspirasaun hodi tranfere osan millaun tolu ho balun ba konta bankaria ida naran Opus & Best iha Estadus Unidus America , no ikus mai osan sira ne’e nia uja hodi sosa kareta luxu mode;u bentley ne'ebe folin hamutuk 172,000, Range Rover ho folin 100,983 no rolls Royce ho folin 215,000 no arloji designer ho folin besik 20,000 dollar Americano,no uma luxu ida ho folin millaun 1.5.

Relasiona kazu ne’e, Bankada FRETILIN iha Parlamentu Nasional ejije atu Ministra Finansas tenki responsabliza tanba Ministra Finansas mak legaliza hodi asesor ne’ebe servisu iha Ministeriu Finansas iha tinan 2010 no 2012.

Vice Prezidenti Bankada FRETILIN Camarada Deputadu Fransisco Branco hatete, iha tenpu ne’eba Bankada FRETILIN kestiona atu Opus & Best ne'ebe governu simu hodi tranfere osan ba, maibe Ministra Finansas Emilia Pires iha tenpu ne'ebe defende makas katak Opus & best ne'e iha esperensia no integridade tanba hari kleur ona.

Maibe realidade Opus & Best ne'e hari iha tinan 2012 tanba ne'e Bankada FRETILIN Ejije Ministra Finansas Emilia Pires tenki responsabliza ba osan millaun 3.5 nudar ema ne'ebe lidera Ministeriu Finansas hodi aseita no fo kontratu ba Eis Asesor Boby Ajiboye ho nia Opus & best.
.

"PM Xanana Sei Hasai Despaxu Sosa Karreta Ba Simeira CPLP"

.
Foto de, Aikurus Nice
Jornal Independente - Kuarta-Feira, 25 Junu 2014 

Ministeriu Negosiu Estranjeiru No Kooperasaun (MNEK) hein hela desizaun husi Primeiru Ministru (PM), Xanana Gusmao hodi sosa kareta ba simeira CPLP, tuir planu, despaxu Xefe Governu nian sei hasai iha tempu badak nia laran. 

Vice Primeiru Ministru, Fernando La Sama de Araujo hateten, semana ne'e nia laran, PM Xanana Gusmao sei fo sai desizaun no despaxu kona ba Politika Governu nian atu sosa kareta hodi fasilita xefe Estadu sira iha simeira CPLP. 

Tanba, iha loron (23/6), Sekretariu Ezekutivu komisaun organizadora ba simeira CPLP, Antonio Cepeda hateten, maske planu governu nia atu sosa kareta ba simeira ne'e rasik hetan ona konkordansia husi PM xanana Gusmao, maibe despaixu husi PM Xanana rasik seidauk to'o iha sekretariu ezekutivu nia liman. 

 "PM Xanana fo atensaun ona katak, orsida ka aban bele fo informasaun ruma ba negosiu estranjeiru kona-ba prosesu atu sosa kareta sira ne'e," dehan Vise PM La Sama, iha palasiu Governu, horsehik.

 La Sama garante katak, iha tempu besik ne'e Xefe Governu sei fo rezultadu ruma kona-ba planu atu sosa kareta husi Indonezia atu fasiluta xefe estadu sira iha simeira CPLP ne'e.
,

"Estrada Kontinua Grave, Povu Labele Asesu Produtu Lokal Ba Merkadoria"

.

Jornal Independente - Kuarta-Feira, 25 Junu 2014

Estrada ligasaun Same ba Suku Grotu oras ne'e dadaun difikulta tebes komunidade sira, Sefe Suku Grotu husu ba Governu tau atensaun ba estrada ne'e hodi bele fasilita komunidade sira. 

Ida ne'e mak kondisaun real estrada ligasaun husi Suku Grotu ba Same ne'ebe bele nota katak, estrada ne'e nakonu ho tahu. Tuir xefe Suku Grotu Valente da silva hateten, Komunidade sira iha Produtu lokal maibe difisil atu lori ba merkadu tamba ho kondisaun estrada ne'ebe la favoravel. "

Produtu lokal ne'ebe komundiade atu asesu ba merkadu hanesan, batar, aifarina, nuu, kafe no selu-seluk tan labele asesu tamba kondisaun estrada aat," dehan Valente. 

 Estrada ne'e hetan reabilitasaun husu SEPFOPE liu husi programa empregu rural iha tinan hirak liu ba maibe tamba laiha barazen ka bee dalan fo impaktu ba estrada ne'e. 

Aliende problema estrada, komunidade suku refere mos seidauk asesu ba energia eletrika, tamba ne'e lideransa komunitaria mos ne'e mos husu ba Governu atu tau atensaun ba problema ne'e. 
,

"Laiha Konjelador, Ospital 'Hoban' Mate-Isin Ho Jelu-Fatuk"

,

Jornal Independente - Kuarta-Feira, 25 Junu 2014

Ospital Referal Distritu Oekusi durante ne'e uza deit jelu-fatuk hodi konserva mate-isin ne'ebe mak hein hela atu halo prosesu autopsia, parte ospital tenke halo ida ne'e tanba konjelador laiha.

Komisaun F Parlamentu Nasional (PN) trata asuntu saude, Edukasaun no Desportu identifika problema ne'e hafoin hala'o fiskalizasaun ba Ospital ne'e. Liu husi ninia relatoriu annual ne'ebe fo sai iha plenaria Parlamentu nasional, deputada husi Komisaun F Bendita Magno dehan, bazeia ba fiskalizasaun ne'ebe komisaun F halo iha Distritu Oekusi hatudu katak, Ospital referal oekusi laiha konjelador atu tau mate-isin.

Durante ne'e, deputada Bendita dehan, ospital sosa fali jelu-fatuk hodi tau iha mate isin ne'ebe hein ba prosesu autopsia.

"Konjelador ba tau mate-isin laiha, (ospital) ba sosa deit es batu mak konserva mate-isin sira," dehan Bendita iha plenaria PN, horsehik.

 Jelu-fatuk ne'e, nia dehan, fo impaktu la dun diak ba ospital tanba jelu ne'e bele namkari iha ospital laran no la dun diak ba mate isin ne'ebe rai kleur.

Aleinde konjelador, Bendita dehan, problema ne'ebe Ospital referal Oekusi enfrenta mak doutor espesialista ba autopsia.
,

Espouza Nelio Isaac Ba Halo Barulhu Iha SEKOMS La Sama: Presiza Berifika Lolos

.


Jornal Nacional Diário - Wednesday, June 25, 2014

Secretario Estado Komunikasaun Sosial (SEKOMS), Nelio Isaac Sarmento nia espouza, Melly Xavier, ho nia banin feto, inklui alin feto ida, Tersa (24/6), tuku 11:30 OTL, halo barulhu oituan iha Gabineti SEKOMS iha Palacio Governu, tanba deit deskunfia Nelio Isaac selingkuh ho nia sekretaria ho inisial DS.

Funsionariu lubun boot ida, inklui jornalista sira ne’ebé loron-loron nongkorong iha Palacio Governu, liu-liu iha Gabineti Primeiru Ministru (PM) hakfodak tebes ho akontesimentu ne’e. Ho nune’e, sira halai hakbesik ba hobur no haree situasaun ida ne’e.

Ho kosar maka’as no isin besi-ran manas, mana Melly ho nia inan no alin feto ida, hakat ho ain nakdedar tama borus ba iha Gabineti SEKOMS nian hodi buka tuir alin feto DS.

“O moe laiha, hasai tiha deit o, tanba matenek iha Timor ne’e barak la’os o mesak. Feto hanesan ne’e labele servisu iha Palácio Governu,” lia fuan ida ne’e hakilar husi mana Melly nia inan wainhira hakat ba atu rakut alin feto DS ne’ebé hala’o hela servisu estadu nian iha Gabineti SEKOMS.

Rona tiha lia hirak ne’e, alin feto DS ne’ebé SEKOMS rekruta nudar nomeasaun politika iha Gabineti SEKOMS ne’e, oin fila-an tiha no kosar lotuk sae. Ran atu halai sala koi-kois, tanba derepenti deit familia Nelio Isaac Sarmento nian halo atake ibun ba nia.

Nonok, nonok no hamri’ik iha fatin halo defeza de honra ba nia-an. Ne’e mak situasaun ne’ebé hatudu husi alin DS. Maske, Nelio Isaac nia espouza mana Melly ho nia inan no alin feto ne’e soe piadas manas iha tilun, maibé DS kalma hateke tuir sira nia jeitu.

“Ami mai halo hanesan ne’e ba nia para nia mo’e ka la’e, tanba ha’u pernah haruka sms hodi ha’u sama atensaun ba nia, ha’u dehan, o hakarak sai funsionáriu ne’ebé di’ak, o halot o nia-an didi’ak, ha’u lakohi o atu ba servisu atu sobu ha’u nia uma laran. Nia hatan dehan didi’ak, mas ternyata bosok ten kait ha’u nia laen tu’un sa’e,” mana Melly hateten ho ibun nakdedar.

Situasaun ne’e iha Gabineti SEKOMS ne’ebé klot no malirin tanba AC nia fresku nakfilak derepenti no manas hanesan besik iha ahi Purgatóriu nian. Manas liu tan, kuandu mana Melly hatudu liman hanesan fó sinal ba alin feto DS atu sukat nia-an no tau nia diginidade hanesan feto Timor (feto Maromak).

Tensaun iha Gabineti SEKOMS nian neneik no bei-beik kalma, wainhira Seguransa Sivil ne’ebé hala’o knar iha Palácio Governu mai kaer mana Melly nia liman lori sai tiha ba iha Palácio Governu nia tatis rohan.
Maske nune’e, mana Melly nia ibun lataka. 

Nia hakilar liu tan hodi lia tun dehan, “Ha’u ne’e tama legál, familia rua tuur hamutuk no kaben na’in. La’os hanesan nia (DS-red) mai tenta ema nia laen,”.

Iha fatin hanesan mana Melly nia inan mós lia tun dehan, “ami hatene-an katak fatin ne’e servisu nian, maibé ami lasimu kuandu fatin servisu ne’e halo fali fatin memadu kasih.

Situasaun komesa kalma wainhira mana Melly ho nia inan no alin feto ne’e hakat sai husi Palácio Governu hodi la’o husik hela DS ne’ebé hela ho moe no tauk boot. Tanba Nelio Isaac nia espouza ho familia sira ameasa fó presaun psikolojia maka’as no todan tebes.

Husi sorin seluk Vise Primeiru Ministru Fernando La Sama de Araújo lamenta tebes ho situasaun ne’e, tanba situasaun hanesan ne’e, lamerese atu akontese iha fatin públiku. Satan, repartisaun estadu nian hanesan Palácio do Governo. Maske nune’e, La Sama, tatoli ba jornalista sira atu buka verifika lolos lai situasaun ne’e .

“Ha’u hanoin buat ida deskonfia ne’e kan seidauk los, ne’ebé presiza atu berifika katak, buat ne’e los hanesan ne’e duni ka la’e, selingkuh duni ka la’e,” hateten La Sama hodi lia tun tan dehan, situasaun ne’e dala ruma ema balu bele lakontrola emosaun, rona buat ruma maske lalos, kuandu la konsege kontrola emosaun, buat sira hanesan ne’e bele akontese.

“Ha’u lakohi atu espaila lai buat ne’e katak faktus hanesan ne’e di’ak ka ladi’ak, husik buat ne’e prosesu la’o lai ba, kuandu iha faktus ita koalia ikus,” hateten La Sama.

To’o nutísia ne’e hatun, jornalista JN-Diário ne’e seidauk hetan konfirmasaun husi SEKOMS Nelio Izaac, basa nia laiha fatin servisu. ekipa JN-Diário
.

"SEPFOPE Hakarak Sai Eroi Maibe Iha Nia Implementasaun Zero"

.

Jornal Independente - Tersa-Feira, 24 Junu 2014 

Membru Parlamentu Nasional (PN) kestiaona maka'as servisu Sekretariu Estadu Politika Formasaun Profesional empregu (SEPFOPE) ne'ebe husu osan barak atu sai eroi ba dezenvolvimentu nasional maibe iha implementasaun servisu sei zero hela. 

Deputadu Manuel Guterres membru bancada CNRT hateten, ezekusaun orsamentu ba SEPFOPE nian minimu tebes, liuliu ba verba kapital menor ne'ebe ezekuta sei zero hela. 

"Hau hakarak husu ba SEPFOPE, hau halai liu ba iha kapital menor ne'ebe ke ninia ezekusaun ne'e sei 0% hela deit," dehan reprezetante Povu iha uma Fukun PN Manuel Guterres liu husi nia diskursu iha plenaria segunda horsehik. 

Ne'e duni, membru PN sira duvida ho servisu SEPFOPE nian, sira la dun iha konfiansa atu orsamentu hirak ne'ebe aloka ba verba ne'e bele ezekuta hotu iha fulan tolu neen (6) ne'e nia laran. 

Alokasaun orsamentu ba SEPFOPE iha tinan fiskal 2014 hamutuk tokon U$15,39, maski nune'eezekusaun orsamentu estagna hela, ne'e duni hamosu duvida boot ba servisu SEPFOPE nian. 

"Ita boot bele garante mai ami dehan ita boot bele ezekuta iha tinan ne'e it abele ezekuta hotu ga lae," dehan deputadu CNRT ne'e ho duvida. Entertantu, tuir relatoriu ezekusaun ne'ebe diariu ne'e asesu husi Ministeriu Finansas (MF), ezekusaun OJE 2014 SEPFOPE nian to'o loron 10 Junu 2014, trend ezekusaun obrigasaun SEPFOPE nian atinji porsentu 13 (13%) no trend ezekusaun atual porsentu 12 (12%), nune'e trend ezekusaun obrigasaun no atual hamutuk foin too porsentu 25 (25%). 

Hataan ba preokupasaun deputadu ne'e, Sekretariu Estadu, Elidio Ximenes hateten, ezekusaun OJE 2014 SEPFOPE nian ba iha kapital minor agora dadaun atinji ona porsentu 100 (100%). 

Nia hatutan, ezekusaun remata ona tanba agora daudaun kontratu no pagamentu kontinua lao hela, nia fo ezemplu, hanesan area infraestrutura, nia programa agora daudaun barak mak iha hela prosesu nia laran.
,

terça-feira, 24 de junho de 2014

Tilman desafia Ministério Público a investigar Xanana Gusmão

.

Jornal Independente - 23 de junho de 2014 - Tradução de Timor Hau Nian Doben

O Ministério Público (MP) e a Comissão Anticorrupção (CAC) têm de ser corajosos para investigarem o primeiro-ministro Xanana Gusmão quando for necessário, relativamente ao caso da Agência de Desenvolvimento Nacional, disse o secretário-geral executivo da Associação de Advogados de Timor-Leste, Dr. Manuel Tilman.

Agora mesmo Xanana Gusmão disse que não estava contente com a decisão do tribunal de aplicar a medida de coação, Termos de Identidade e Residência, ao diretor da Agência de Desenvolvimento Nacional (ADN) quanto aos casos de destruição dos projetos sem qualidade. O chefe do governo disse que ele está pronto para responder a um processo judicial, quando a instituição competente o chamar em relação aos casos de arrasamento dos projetos públicos, que foram feitos pela ADN, porque não têm qualidade.

Apesar do primeiro-ministro Xanana estar pronto a colaborar com a investigação, Manuel Tilman afirmou que a CAC e o Ministério Público não o vão fazer porque eles têm medo do chefe do governo.

Manuel Tilman disse que o MP e a Comissão Anticorrupção têm de fazer uma investigação ao primeiro-ministro e às destruições dos projetos da ADN, que foram ordenadas por Xanana Gusmão.

"A CAC e o Ministério Público têm medo de fazer uma investigação ao primeiro-ministro", afirmou Tilman no seu local de trabalho, no Hotel Arbiru Beach.

"Tudo depende do Estado, agora o chefe do governo grita e eles têm medo, podem não acusar, o Ministério Público tem medo porque eu analisei isto e não acusam. Se não acusam então pronto, a justiça não cumpre a sua função, de defender as pessoas que não têm poder e defende os poderosos", disse Tilman.

De acordo com ele, o melhor caminho é a ADN levar as companhias que fizeram os projetos sem qualidade a tribunal.

Anteriormente o deputado Manuel Castro apelou ao primeiro-ministro Xanana para não intervir demais no trabalho da justiça, porque senão a justiça não anda para a frente neste país.

"Eu peço ao primeiro-ministro para não intervir nos casos da justiça", disse Castro.
,

"Sosa Kareta BMW, PM Xanana sei "Nonok"

.
Jornal Independente - Tersa-Feira, 24 Junu 2014

Ministeriu Negosiu Estranjeiru no Kooperasaun (MNEK) seidauk hetan desizaun klaru husi Primeiru Ministru (PM) Xanana Gusmao kona ba planu atu sosa karreta hodi fasilita Xefe Estadu sira iha Simeira Comunidade dos Paises da Lingua Portuguesa (CPLP).

Sekretariu Ezekutivu Komisaun Organizadora ba Simeira CPLP, Antonio Cepeda dehan, to'o ohin loron PM Xanana seidauk hato'o informasaun ruma ba sira kona ba atu sosa kareta. "Ami seidauk rona saida mak PM xanana hato'o mai ami, mas ami haree husi Jornal de'it, mash au haree hanesan bele mos atu sosa duni kareta, tanba it abele halo buat hotu diak no enkuantu transporte la diak ne'e mos bele prejudika ita nia imajen nuudar uma nain ba simeira CPLP," deklara Antonio iha edifisiu MNEK, Pantai Kelapa, horsehik.

Nia dehan, tuir proposta ne'ebe mak iha, governu sei sosa kareta ho modelu BMW husi nasaun vizinu Indonesia.

"Ikus liu ami propoin tan atu sosa kareta Luxu, mas ne'e depende ba desizaun PM Xanana Gusmao, tanba to'o oras ne'e ami seidauk rona rasik husi PM xanana nia ibun kona ba planu sira ne'e," dehan nia.

Nia hatutan, total orsamentu ne'ebe Governu prepara atu sosa kareta hodi fasilita Xefe Estadu sira iha simeira CPLP ne'e hamutuk millaun $1 resin.

Maske seidauk iha desizaun husi PM Xanana, maibe tuir Antonio, iha tempu besik nia laran planu sira ne'e sira realiza duni.

Iha parte seluk, PM Xanana Gusmao husu ba Ministru Negosiu estranjeiru no Kooperasaun (MNEK) Jose Luis Guterres atu iha tempu besik nia laran tenke hadia lalais ona sasan sira ne'ebe aat iha MNEK, atu nune'e bainhira simeira CPLP lao tenki ho diak.

Tuir observasaun PM xanana nian iha edifisiu MNEK, sasan sira ne'ebe mak konsidera aat no presiza troka mak hanesan lampu (eletrisidade nian), hariis fatin, bee-moos no seluk tan.
,

PM Xanana : “PN Laiha Faktus Akuza Ha’u Intervein Justisa”

,

Jornal Nacional Diário - Tuesday, June 2, 2014

Primeiru Ministru (PM) Kay Rala Xanana Gusmão afirma katak, nia halo intervensaun ba kazu Ajensia Dezenvolvimentu Nasional (ADN), tanba tuir nia hatene, durante ne’e ADN halo buat hotu atu salva orsamentu Estadu, la’os atu naok osan Estadu.

Xanana hatutan, Parlamentu Nasional koalia sala, tanba intervensaun Primeiru Ministru nian ba Kazu Ajensia Dezenvolvimentu Nasional (ADN), los, la’os atu interven ba justisa.

“Parlamentu Nasional koalia sala, tanba sé ha’u husu ba Jornalita sira dehan, tenki iha responsavel iha faktus, entaun Parlamentu Nasionál laiha faktus atu akuza ha’u dehan ha’u interven justisa,”afirma PM Xanana ba Jornalista sira iha Ministériu Negósiu Estranjeiru, hafoin asiste asaun solene tomada de pose ba Diretur Jerál no Nasional MNEK nian hamutuk na’in 20, Segunda (23/6).

Xanana dehan, nia interven iha ADN, tanba intituisaun refere tutela ba Gabinete Primeiru Ministru nia okos. Entaun servisu saida mak durante ne’e ADN halo, Xanana mós hatene.

Antes ne’e PM Xanana hirus tebes, tanba Tribunal fó Termu Identidade Rezidensia (TIR) ba Diretur Jeral ADN Samuel Marçal tanba deskonfia komete Korupsaun Koluzaun no Nepotismu (KKN), ba projetu fíziku sira ne’ebé namkari iha Timor laran tomak.

“Ami poupa US$140 milloens ba fali Estadu, dehan fali ADN na’ok Estadu, hodi sira halo tiha TIR ba Samuel Marçal. Ne’ebé ha’u haree ba ema sira dehan katak, ema sira ne’e atu kaer ami hotu, maibé ha’u dehan ona, ha’u preparadu atu ba iha tribunál, ha’u hakerek ona karta rua ka tolu ba KAK katak, ha’u preparadu atu ba tribunál, maibé sira dehan, ha’u atu ba hatán iha ne’ebá tanba segredu justisa. Maibé segredu justisa ne’e kuandu dehan ha’u naok osan ne’e maka dehan katak segredu justisa, maibé ba husu fali ha’u dehan katak, ponte Comoro ne’e halo ho osan iha ne’ebé, planu iha ka la’e, ida ne’e Parlamentu halo saida, Tribunál de Kontas halo saida,”afirma PM Xanana.

Agora dadauk ne’e, Samuel Marçal labele kontrola projetu sira ne’ebé la’o, no labele halo viajen ba rai liur, tanba hetan ona TIR husi tribunál.

Xanana esplika, problema ida kona-ba bee ida iha Iliomar, bolu kuaze finansa tomak atu ba iha Baucau, tanba KAK dehan ADN na’ok ona osan husi projetu bee ne’e, hodi KAK ba rejista kazu ne’e iha Ministériu Públiku (MP) atu bele ADN.

Xanana dehan, kanalizasaun bee ba Iliomar, tanba buat ne’e la’o ho PDD sira ne’e hotu, populasaun sira na’ok tiha kanu sira ne’e, entaun buat ne’e demora liu, Xanana haruka ADN ba haree.

ADN ba to’o tiha ne’ebá, ADN tenki muda tiha kanalizasaun bee ne’e nia dezeñu, tanba buat ne’e besik hela, maibé sira halo kanalizasaun bee ne’e kurva ba mai, entaun ADN muda tiha dezeñu ne’e ba kanalizasaun bee ne’e tun los deit, hodi poupa osan Estadu nian.

Relasiona ho ida ne’e, Parlamentu Nasionál kestiona maka’as konaba intervensaun PM Xanana nian ba kazu ADN Samuel Marçal.

Parlamentu mós dehan, ikus-ikus ne’e, Prokuradoria Jerál da Repúblika (PJR) foin book-an Primeiru Ministru (PM) Kay Rala Xanana Gusmao interven kedas hodi lori la’o Diretor Ajensia Dezenvolvimentu Nasional (ADN) Samuel Marçal ba hasoru kedas PJR José Ximenes.

“Ha’u husu deit ba Primeiru Ministru labele interven iha kazu sira ne’ebé mak konaba justisa nian tamba iha semana kotuk ami rona ona Prokuradoria Jeral da Repúblika fó sai ona membru Governu balun ne’ebé mak involve diretamente iha projetu sira ne’e no halo abuzu de poder”, hateten deputadu Manuel Castro husi bankada FRETILIN.

Deputadu husi bankada FRETILIN ne’e dehan, PJR keta halo problema ho director Ajensia Dezenvolvimentu Nasional (ADN) Samuel Marçal karik, tamba ne’e Primeiru Ministru Kay Rala Xanana Gusmão salva nia ne’e hanesan Anju da Guarda ida ne’ebé iha hela Primeiru Ministru nia sorin maibé keta halo ba Anjo da Guarda lori nia ba tama fali iha infernu.

“Ne’e la’os ami mesak kestiona maibé Prezidenti Repúblika sosiedade mós kestiona maibé la ho ema seluk maibé la ba ho ema seluk maibé ba fali ho ADN ida ne’e mak ami preokupa oituan lolos ne’e labele husik iha ne’eba la’o justisa mak tetu los dehan los, kuandu sala dehan sala”, deputadu opozisaun ne’e husu PM labele interven.tap/alm/mj1
,

East Timor elites try to muzzle media

.

Jose Belo - Crikey - Monday, 23 June, 2014

The tale of East Timor’s controversial proposed media law is a story of insiders versus outsiders, of the rich versus the poor. Those inside the elite classes are seeking to implement a restrictive new media law so as to limit and control the information available to Timorese outside the elite group, as well as all those outside of East Timor.

The proposed media law is anti-democratic and unconstitutional and in clear breach of articles 40 and 41 in East Timor’s constitution, which uphold and protect the rights of the media, and citizens’ freedom of expression. The new law will, if passed, require that all journalists be certified by a government-controlled media council. Foreign journalists will require permits to report from East Timor, and citizen journalists using Facebook, blogs or Twitter will also need to have permission to report and express opinions.

If this law is passed it will allow government, through the media council, to impose large fines on media outlets or individuals that are uncertified or distribute information that is considered “undesirable” as defined by the media council. The proposed fines are designed to be large enough to intimidate people, and / or put certain media out of business.

It is in some ways the opening shot in a growing class struggle between rich and poor in East Timor. There are new millionaires who have become rich due to corruption and political access to East Timor’s Petroleum Fund (which has over US$15 billion in it).

As the director of Tempo Semanal newspaper and president of the Timor-Leste Press Union I will neither submit to being certified, nor will I pay any fines. As a result, in the worst-case scenario, there is a strong chance I will be prosecuted and jailed for not submitting to the new law. Other media might submit and self-censor, or be punished, censored or even put out of business by the government-sponsored media council. We have already seen the government successfully persuade almost all media outlets in East Timor to accept “capacity-building grants” in the last 12 months.

This state of affairs has come about because Timorese elites from the pro-government and pro-opposition political parties have joined forces in order to protect their individual and family financial and commercial interests. Before 2012 the main opposition party FRETILIN opposed corruption and nepotism in East Timor, but now it sides with the government as the elite insiders seek to consolidate their grip on power (and the Petroleum Fund). This law has come from the office of Prime Minister Xanana Gusmao with direct and explicit support from the office of the Leader of the Opposition, Mari Alkatiri.

Amazingly the Australian government has recently agreed to give tens of millions of direct budget support and public financial management technical assistance to the Timorese Ministry of Finance, headed by Minster Emilia Pires, who is under investigation for guiding Ministry of Health supply contracts to her husband (a story broken by Tempo Semanal). One of her most senior foreign advisers, a tax lawyer named Bobby Boye, was just last week arrested in Newark Airport by the FBI for corruption and fraud in his work in the Ministry of Finance.

During the Indonesian occupation we fought for self-determination and freedom. Most of the people who died were poor people in the mountains. Now the elite classes inside the halls of power want to limit the information available to the public. They want to do this so the public does not know what is going on with their money. What the elites should remember is that Timorese history is one of resistance to injustice. Pass the media law and poor Timorese will resist the injustices imposed on them by the elite insiders, just as they did the injustices of the Indonesian occupation.
.

"Tilman Dezafia MP Investiga PM Xanana"

.

Jornal Independente - Segunda-Feira, 23 Junu 2014

Ministeriu Publiku (MP) no Komisaun Anti Korupsaun (KAK) tenke barani halo investigasaun ba Primeiru Ministru (PM) Xanana Gusmao ba kazu diretor Ajensia Dezenvolvimentu Nasional (ADN) kuandu presiza, dehan Sekretariu Jeral Ezekutivu Asosiasaun Advogadu Timor-Leste (AATL), Dr. Manuel Tilman.

Foin dadauk ne'e, PM Xanana dehan nia la kontente ho desizaun Tribunal Identidade Rezidensia ba Diretor ADN Samuel Marcal ba kazu sobu projetu sira ne'ebe laiha kualidade. Xefe Governu dehan, nia pronto hataan ba prosesu judicial kuandu instituisaun kompotente sira bolu nia ba kazu sobu projetu publiku sira ne'ebe ADN halo tanba laiha kualdiade.

Maske PM Xanana Prontu kolabora ho investigasaun, maibe tuir Manuel Tilman katak, KAK no MP sei la halo tanba sira tauk ba Xefe Governu. Manuel Tilman hateten, MP no KAK tenke halo investigasaun ba PM Xanana no ADN sobu projetu sira ne'ebe bazeia ba Xefi Governu nia orden.

"KAK no Ministeriu Publiku (MP) tauk atu halo investigasaun ba Primeiru Ministru," dehan Tilman, iha servisu fatin, Hotel Arbiru Beach, foin lalais ne'e.

 "Ne'ebe depende estadu nian, agora Xefe Governu hakilar sira tauk, bele la akuza, MP tauk tanba hau analiza buat ne'e lakohi akuza, la akuza duni i prontu juatisa nia sei la kumpri, nia funsaun defende ema kbiit laek defende fali ema poderozu," hateten Tilman.

Tuir nia katak, dalan diak liu mak tuir loloos ADN lori kompania sira ne'ebe halo projetu laiha kualidade ba Tribunal. Antes ne'e, Deputadu Manuel Castro husu ba PM Xanana atu labele intervein demais servisu justisa nian tanba selae mak justisa sei la lao iha nasuan ida ne'e.

"Hau husu ba Primeiru Ministru atu labele intervein iha kazu sira kona ba jusitisa nian," dehan Castro foin lalais ne'e.
.

segunda-feira, 23 de junho de 2014

Taur Ho Vicente Diferesia Ideia Ba Lei Vitalisia

.
Foto de, Presidência da República de Timor-Leste, Facebook

Jornal Nacional Diário - Monday, June 23, 2014

Lei pensaun vitalisia ne’ebé públiku tomak preokupa halo Prezidente Repúblika (PR), Taur Matan Ruak mos loke matan hodi husu ba Parlamentu Nasional atu muda ka halo revizaun lalais lei pensaun vilatisia nee.

Lei pensaun vitalisisa nebe iha eis titular sira simu pensaun 100% hanesan ho titular efektivu sira tamba nee Preszidente Republika, Taur Matan Ruak husu atu reduz porsentu ne’ebé maka eis titulares sira hetan.

Maske Prezidente Republika preokupa ba lei pensaun vitalisia nee, maibe Prezidente Parlamentu Nasional (PN), Vicente Guterres defende maka’as atu lei ne’e kontinua ezisti.

“Ha’u koalia ba señor Prezidente Repúblika sobre problema ida ne’e, se ita boot sira grava i públika loloos ha’u koalia kompletu, atu halo deit propaganda entaun lalika……ha’u dehan tiha ona katak iha pais ne’ebé-ne’ebé deit liu husi funu, konflitu iha pelumenus seitor rua ke ou ita resolve ou ita iha problemas iha rai, kestauns politikus, kestaun veteranus i neste kazu konkretu politikus i são veteranus tambem, se ita la haree ba seitor rua ne’e ita iha problemas, haree deit ba Afrika tamba ne’e ema ne’ebé ejerse nia funsoens ita adves koalia kona ba lei pensaun vitalisia ne’e ba deit Deputadus deit la’os ba Prezidente Repúblika, ba membrus Governu, ba deputadus i ba Prezidente Tribunal supremu de Justisa, lei preve ba sira ne’e,”dehan Prezidente PN ne’e ba jornalista sira iha Palacio Prezidensial Aitarak Laran Dili, hafoin hasoru malu ho Xefe Estadu, Taur Matan Ruak, foin lalais nee.

Prezidente PN, Vicente Guterres, esplika katak agora problema koalia dehan 100%, ida ne’e mós laloos entermus salariu mensal.

Prezidente PN haforsa tan, kuandu efektividades funsoens Prezidente Repúblika iha US$5000, kuandu sai husi Prezidente Repúblika, sai hanesan eis titulares simu deit maka ida vensimentu ne’e (US $250) la simu tan buat seluk, maibe eis titular Prezidente Repúblika bele iha telefone maibe ba despezas ba reprezentasaun laiha.

“Vensimentu nia sei simu US $2500 sein deskontus mas com deskontus portantu nia simu, hasai tiha kinentus sobre 2000 maka iha 10% tantu 200 dollares tantu nia sei simu kuandu eis nia sei simu U$2300, ita boot sira imajina ita nia Prezidente Repúblika ida ke fo kontribuisaun ba ita nia rai no mós iha inflensia iha liura par abele halo nusa maka ajuda ita nia rain fo 2500 sein dikontu ne’ebé kuandu koalia konaba 100% ne’e laloos,”Prezidente PN, esplika.


Tamba ne’e tuir Prezidente PN katak, kazu konkretu ne’e haree deit ba despeza reprezentasaun vensimentu tamba ne’e 50% maibe konta ho telefone ne’e la’os ona 50% maibe menus liu husi 50% tamba ne’e presiza haree pensaun vitalisia ne’e ho kuidadu, ho ulun malirin.

“Neste kazu konkretu ita haree deit ba despeza reprezentasaun de vensimentu 50% maibe sei ita konta ho be telefone ne’e la’os 50% ona muinto menus ke 50% tan ne’e maka ha’u husu barak para ita haree buat sira ne’e ho kuidadu, ulun malirin ho objetivu ida katak ho medidas ne’ebé maka ita fo katak ita nia politiku sira, ita nia veteranus sira, depois de fo sira nia kontribuisaun ba pais ita la fo kondisoens pelumenus minimas, sira hala’o sira nia vida, haree sira nia familia, ita problema boot,”Vicente Guterres, dehan.

Tuir Prezidente PN ne’e katak, lei ba pensaun vitalisia ne’ebé iha se wainhira la halo ida ne’e politikus sira sei halo buat hotu hodi hetan poder para bele hala’o sira nia vida hodi sustenta familia.

Maske nune’e Prezidente PN rekoñese katak rotativa politiku maka barak demais entermus sustentabilidade maibe politikus sira ne’e serve para hetan pensaun vitalisia. 

“Kustu ne’ebé ita hetan, se ita la halo ida ne’e sei pior liu tamba sa? Tamba se ita nia politiku sira, veteranus sira enkuantu sira ejerse sira nia funsoens iha benefisiu ba pais mas kuandu hotu laiha buat ida politiku sira ne’e sei halo buat hotu inkluindu krizes, inkluindo golpe de estadu, guera sivil para hetan fatin porque se la hetan fatin hotu tiha laiha buat ida, ne’e maka ha’u dehan dala ida tan haree buat ruma ne’e posivelmente adveses ita nia be rotatividade dos politicos maka adveses barak demais, tamba ita haree entermus de sustentabilidade mas se haree partidus politikus sira se serve,”dehan nia.

Lei pensaun vitalisia nee produtu governu FRETILIN iha primeiru governu konstituisional maibe ohin loron nee Partido FRETILIN, liu husi Sekretario Jeral partido FRETILIN, Mari Alkatiri mos deklara ona katak bankada FRETILIN sei hatoo proposta atu reduz pensaun vitalisia nee.

Lei pensaun Vitalisia nee mos Partido CNRT iha kampaña eleitoral 2012 promete katak sei muda lei pensaun vitalisia nee maibe CNRT kaer ukun. Prezidente Parlamentu nebe mai husi Partido CNRT ne’e defende lei pensaun vitalisia ba eis titular hodi kontinua simu pensaun 100 porcentu. dgx
.

Antigo consultor do governo de Timor-Leste detido pelo FBI por alegada fraude

.

Díli, 23 jun (Lusa) - Um antigo consultor fiscal do governo timorense foi detido, na semana passada, nos Estados Unidos por alegada fraude contra o Estado de Timor-Leste no valor de 3,5 milhões de dólares, anunciou a organização não-governamental La'o Hamutuk.

Na quinta-feira, o FBI anunciou em comunicado ter detido Bobby Boye, um homem do condado de Bergen, em New Jersey, acusado de alegada fraude contra um país estrangeiro num valor superior a 3,5 milhões dólares (cerca de 2,5 milhões de euros) em pagamento a uma empresa detida secretamente pelo indivíduo, a Opus and Best.

"Sem saber que a Opus and Best era uma empresa simulada e com base na recomendação de Bobby Boye, o país adjudicou contratos à Opus and Best em 2012. Segundo os termos do contrato de consultadoria, Boye era um dos coordenadores do projeto que agia em nome do país e tinha autoridade para receber a aprovar as faturas para pagamento", refere o FBI, sem nunca revelar o nome do país.

Segundo a La'o Hamutuk, Bobby Boye começou a trabalhar em 2010 na divisão fiscal do petróleo do Ministério das Finanças de Timor-Leste pago pela Noruega.

Em 2011, o indivíduo começou a ser pago por Timor-Leste, tendo recebido naquele ano 250 mil dólares (cerca de 183 mil euros) de ordenados.

A organização timorense refere também que durante o ano de 2012, a Opus and Best obteve contratos de Timor-Leste no valor de 7,8 milhões de dólares.

"Desde o início de 2013 tem estado nos Estados Unidos por razões médicas", refere a La'o Hamutuk.

No comunicado, o FBI refere também que Bobby Boye usou o dinheiro para comprar quatro propriedades em New Jersey, três veículos de luxo e dois relógios.

MSE // DM.

Lusa/Fim
.

Timor-Leste has been robbed!

.

La'o Hamutuk - 23 June 2014

La'o Hamutuk has warned for years that Timor-Leste's petroleum wealth, when viewed through the cracks in our management systems and limited levels of experience and capacity, makes us a tempting target, Criminals from all over the world are enticed by the billion dollars Timor-Leste spends each year, and drool over our $16 billion Petroleum Fund. Our fears have now been confirmed.
.
FBI officials in the USA arrested Nigerian-born U.S. citizen Bobby Boye last Thursday, charging him with seven crimes involving the theft of more than $3.5 million from Timor-Leste's people.
.
Boye came to Timor-Leste in 2010 as part of Norway's assistance program in the Petroleum Sector, a $4 million, four-year program that finished in 2012, and he worked as an adviser in the National Directorate for Petroleum Revenue in the Ministry of Finance until last year. According to the FBI, Boye created a fake law firm in New York and arranged for it to get $7.8 million in contracts from Timor-Leste's Ministry of Finance. Timor-Leste was unaware that the "Opus & Best" company didn't exist or that Boye was behind it.
.
RDTL officials became suspicious only after paying more than $3.5 million to Boye's fake company during 2012. We were told that they then worked with the U.S. Federal Bureau of Investigation (FBI), the Norwegian Foreign Ministry and perhaps others, to develop the case against Boye.
.
According to the FBI's legal filing, Boye spent his ill-gotten gains on four pieces of land in New Jersey, three luxury cars (including a Rolls Royce and a Bentley) and other items. If convicted on all charges, Boye could be imprisoned for 140 years, fined several million dollars, and ordered to repay the money he obtained by fraud.
.
La'o Hamutuk has information and documents about this case on our web page on back petroleum taxes, which will be updated as we learn more.
.
Bobby Boye pushed Timor-Leste's government to accuse ConocoPhillips and other oil companies of cheating on their taxes to Timor-Leste, leading to dozens of cases against them totaling hundreds of millions of dollars. The companies paid under protest in order to avoid escalating penalties while appealing. Many of these cases are currently before an arbitration panel in Singapore, which will decide whether this part of Boye's work in Timor-Leste was legitimate.
.
In addition to his salary from Norway and the money he obtained by fraud, Boye received a $250,000 salary from the Timor-Leste Government's Contingency Fund during 2011, which probably made him the highest paid person in the country. When we learned of this in November 2012, La'o Hamutuk asked Boye about it, and he replied:

"The Timor-Leste Prime Minister upon recommendation from the then Vice Minister of Finance, DG Revenue & Customs and the National Director of NDPR approved additional compensation for me based on my performance. The employment contract with Norway (now terminated) did not preclude the additional compensation that I received from the TL Government for the services that I rendered during the 2011 calendar year. Whether I am entitled to it or have earned is beyond debate....
"Quite frankly the people that want to ask questions should go ahead and do so but I will encourage them to also look at the results of what I am doing here. Aside from other intangibles like capacity building, structure at NDPR, I have literally brought in over $300 million of additional revenue to TL through solo efforts and that is a mere scratch on the surface-considering what is in the pipeline for TL.
"I spend an average of 14 hours a day, 7 days a week on what I do here. My talent is portable and if anybody thinks in and out government that I am paid too much, I am more than willing to move on-fairly quickly, so that they can get a cheap replacement." 

 We don't doubt that Boye worked hard -- in addition to his job as an adviser, he was secretly doing the work of an entire law firm (or at least enough to keep up appearances). And he did move on fairly quickly once people started asking questions ... but apparently not quickly enough to stay ahead of the feds.

We look forward to learning more about the Boye case, and wonder if other U.S. or Timorese people were involved. Timor-Leste should feel lucky that Boye only took us for around $4 million (about as much as the Ministry of Health spends each month). Let this be a lesson for officials, citizens, and everyone who believes that Timor-Leste's finite petroleum wealth should be used to improve the lives of its people.

La'o Hamutuk would have liked to include a photo of Nigerian-born Bobby Boye in this article, and would be grateful anyone who can provide one. The FBI says he is 50 years old. From our observations, he is a large man, about 190 cm tall and weighing at least 85 kilograms.
.

XANANA GUSMAO BELE HETAN PENA PRIZAUN TO’O TINAN 8

.

Opiniaun husi: João Kouba

KP RDTL- XANANA GUSMAO BELE HETAN PENA PRIZAUN TO’O TINAN 8 MESMU PGR SEIDAUK AKUZA NIA(PM) 

Movimentu politik iha era Governasaun Xanana hamosu hahalok tuan nebe transforma ba hahalok foun ” ema la gosta ona Korupsaun, maibe ema ida hakarak hamosu fila fali korupsaun” , Boa Governasaun mak dalan ida nebe ema hotu iha mundu ne’e hakarak hili no goza, boa Governasaun bele sai dalan que diak tebes ba futuru sistema administrativa no birokrasia ba governasaun hodi atende intrese no necisidade privada ou ema ida hodi moris diak iha pais ida nia laran.

Se laos moris diak saida mak ita buka? Pais demokrasia moris buras ho ninian dutrina rasik “ HUSI POVU BA FALI POVU” , oinsa rai ida ou nasaun ida nebe adapta sistema nee’(DEMOKRASIA) bele hetan kompriendesaun nebe klean ba atendemente Estadu ba Pessoal ida. Konseptu demokrasia oinsa hari estadu ida ou governu ida iha ona ninia baze Fundamental rasik, hanesa ita khunece no hatene rasik, iha nasaun demokrasia rekhnuece orgaun barak porezemplu=orgaun eksekutivu,orgaun legislativa, orgaun Judikativa, I orgaun hirak ne’e REPUBLIKA DEMOKRATIKA DE TIMOR LESTE adapta hanesa mata dalan ba Politika konstruksau de estadu nebe ohin loron ita hotu hare no akompanha dadauk.

Orgaun eksekutivu, Legislativa no Judikativa estabelese tuir konstitusaun RDTL rasik hatete, nebe mekanismu ba implemtasaun ne’e rasik tuir Lei oan sira haruka, hanesa orgaun Judikativa(MP/PGR+KAK)hamrik metin no INDEPENDENTI TEBES tuir Konstitusaun RDTL nia hakarak, orgaun JUDIKATIVA ne’e rasik hetan Proteksaun konstitusional husi Konstitusaun RDTL,mai ita hare saida mak konstitusaun koalia.

Konstitusaun RDTL Artigu 118.º(Knaar jurisdisionál)

1. Tribunál sira maka órgaun soberania ho kompeténsia atu hala’o justisa hodi povu nia naran.
2. Wainhira hala’o nia knaar, tribunál sira iha direitu atu serbisu hamutuk ho autoridade sira seluk.
3. Desizaun ne’ebé tribunál sira fó ona tenke halo tuir duni no soi kbiit aas liu desizaun autoridade siraseluk nian. Iha mos artigu 119.º nebe hateten momos hodi ema hotu bele respeitu, tantu Prezidente, Premieru Ministru ou vale ba sidadaun hotu-hotu:

Artigu 119.º(Independénsia),“Tribunál sira independente no sira sei halo tuir de’it Lei-Inan no lei-oan sira haruka” . Laiha duvidas konstitusional nebe PROKURADOR GERAL hasoru, mesmu ihasituasaun defisil, hanesa akontece foin Lalais ne’e. PROKURADOR GERAL DA REPUBLIKA eleitu tuir mandatu konstitusional RDTL haruka, klaru que molok eleitu persiju mos ba pessoal ida hodi priense kriterius ba posisaun sira ne’e, tantu kualidade intelektual no kualidade servicu nebe liu husi provas barak, laos fasil hili dalan hodi tutur knar PGR. HAU BELE DEHAN PGR REPRENTA DUNI CHEFFE ESTADO RDTL HODI KOALIA JUSTICA BA EMA HOTU.

Akontesimentu foin lalais nebe hamosu husi PM Xanana Gusmao ne’e, hanesa moe bot ida BA POVU Timor Leste tomak, Guerra liafuan entre Prezidente Parlamento, Primeiru Ministru hasoru Prekurador Geral da Republika ne’e ita bele konsidera katak parte Parlamentu no parte Governu halo ona intervensaun direita ba ORGAUN SOBERANIA SELUK, nebe tuir konstitusaun RDTL BANDU tebes.

Tamba deit Minesteriu Publiku liu husi Prokuradoria halo akuzasaun (kazu Korupsaun)hasoru membro Governu nebe lidera husi Xanana Gusmao, PM ho Linguagem nebe la Proporsional atake parte Justica no konsege duni PM ba to’o iha PGR nia edevisia, I PM-Xanana Gusmao hakarak hatudu deit ba PGR katak nia se LAHALO kooperasaun ba Justica nebe PGR PERSIJA.

Situasaun hanesa ne’e, mai ita hare artigu 300.º KODIGU PENAL (KP)


“Funsionariu nebe , hetan tiha pedidu husi autoridade kompetente atu fo kooperasaun, atu admistra justica ka ba servicu publik seluk, no rekuza kooperasaun ne’e ka, maski laiha motivu justifikadu, la fo’o kooperasaun ne’e, se hetan Pena Prizaun to’o tinan 3 ka multa”.

 Iha artigu 300.º KP ne klaru que, se karik Xanana lakohi halo koopersaun ou iha hanoin hodi impede prosesu ba justica, PGR bele implementa artigu ne’e hodi kondena Premieru Ministru RDTL.

Alem de ne’e artigu 298.º KP(abuzu ho forsa publiku) bele mos koondena Xanana Gusmao ho pena Prizaun to’o tinan 8, iha artigu ne’e rasik bele uja hodi akuza PM-Kayrala Xanana Gusmao, ne’e sidauk tama iha akuzasaun ba kazu Korupsaun. Kodegu Prosessu Penal artigu 227.º nebe koalia konaba Kompetencia PGR ba aktu sira nebe orgaun Judusial persija, agora dadauk ne’e PM-Kayrala xanana Gusmao viola tiha ona, iha momentu ne’e ita hare natureza ba LEI RASIK ho HAHALOK OBRIGA(sifat hukum itu memaksa), portantu PM KUMPRENDE/hatene ka lae Lei sempre implementa ona. Ita hotu fiar katak JUSTICA TENKI HATUR IHA NIA FATIN, laiha LIURAI no atan iha rai ida ne’e, NUSA ema balu naok no supa POVU nia osan,TAMBA SA?? IMI tur nonok hela deit?,

 PARLAMENTU NASIONAL KONSPIRADU TIHA ONA, OPOSISAUN KONTAMINADU MOS, laiha ona Lia los, laiha ona Justica, persiza ka lae POVU hamrik tan dala ida hodi hakilar hasoru INJUSTICA nebe moris buras, Funu Nain Assuwain Falintil Mauk Moruk, L Foho Rai Bot/L7 tama kadeia mesmu laiha sala(tamba deit sira rua hakilar KORUPSAUN no DEFENDE PRINSIPIU FRETILIN=LIBERTA POVU), tamba deit direktur ADN Samuel Marcal Hetan TIR husi TRIBUNAL Xanana loke ibun hodi Defende total, L7 NO Mauk Moruk- Xanana Hatama ba Kadeia mesmu ate a data laiha provas. POVU MAUBERE, FRETILIN OAN SIRA, FRETILIN OAN SIRA, FRETILIN OAN SIRA, FRETILIN OAN SIRA, IMI-IMI KETA DUKUR.

 Artigu ne’e didika ba : 

Comd. Taur Matan Ruak
Comd.L7
Comd.Mauk Moruk
Comd.Lere Anan Timur
ComdL4
Comd.DUDU
Comd.SAMBA 9
Comd.MAU KALU
Comd.AMIKU
Comd.SABIKA
SAUDOZO NICOLAU LOBATU
CHEFE ESTADO MAIOR DAS FALINTIL KILIK WAI GAE
BERE MALAE LAKA
SABALAE MAUHUDU NO SELUK SELUK TAN
 BA EX. JOSE XIMENES (PGR RDTL EMA BARAK IHA ITA NIA SORIN)
.

"Diretor ADN Hetan TIR, PM Xanana preokupa"

.

Jornal Independente -Sesta-Feira, 20 Junu 2014 

Primeiru Ministru (PM), Xanana Gusmao sente ladun kontente ho desizaun Tribunal Distritu dili (TDD) hodi fo termu identidade Rezidensia ba Diretor Ajensia Dezenvolvimentu Nasional (ADN) Samuel Marcal tanba razaun fo TIR ne'e halo konfuzaun. Xefe Governu dehan, nia respeita desizaun tribunal hodi fo TIR, maibe nia la konkorda kuandu sobu projetu sira mos hetan konsiderasaun nu'udar aktu korupsaun. 

"Hau apresia sira nia esfosu, hau hakru'uk.... Rei sira nia ain hotu dala ida de'it, mais ita kuandu laiha metodolojia ida atu hanoin ba saida mak ita halo ne'e mak susar tebetebes," hateten PM Xanana iha palasiu Prezidensia Republika, Ai-Tarak laran, Kuarta (18/6). 

"Agora ami sobu projeitu sira ne'ebe aat no laiha kualidade ne'e dehan fali ami naok osan estadu, ami muda BOQ (Bill of Quantity) hodi poupa osan estadu nian dehan fali ami naok osan estadu nian, ida ne'e mak halo hau haree katak ita nia matenek sira, balun kala (hasai kursu) PhD (S3) hotu, Hasai PhD iha ne'ebe hau la hatene..... kompriende oituan saida mak KAK, saida mak korupsaun." 

"Ne'ebe dala ruma ita atu kaer malu ne'e, hau atu husu dehan katak imi iha injineiru ka, imi iha arkitetu ka, diskute BoQ ho hau, dekute ho hau la'os dehan katak ami muda iha ne'e la diak, ami poupa milaun U$140 ona ba estadu, dehan fami ami naok osan estadu nian, dehan fali ami naok osan estadu nian, halo tiha TIR ba Saumel Marcal," dehan PN Xanana. 

Nia dehan, husi projeitu hamutuk 800 iha tinan 2009, so projeitu 30 husi total projeitu 800 ne'e mak la'o la diak, so projeitu to'o 40-45 mak lao diak natoon no restu lao diak hotu. Xanana mos lamenta tebes ho hahalok husi kompania balun ne'ebe mak kuandu hetan ona projetu ruma gosta atu halo fali sub-kontratu. 

Husi sub-kontratu ne'e mak dala barak hamosu projeitu laiha kualdiade, dehan nia. Ho ida ne'e mak, iha tinan 2009, PM Xanana halo reforma boot ida dehan nao, loke dadaun ona emprezariu lokal iha Distritu no Sub-Distritu mos.

 Xanana husu ba KAK no Ministeriu Publiku atu bainhira iha evidensia forte kona-ba akuzasaun sira hasoru ADN, Xanana Prontu atu ba hata'an iha Tribunal. 

"Labele tauk atu bolu hau, hau pronto atu ba hataan, labele tauk tanba dehan hau Primeiru Ministru, ne'e sa KAK ida ne'e mak tauk fali hau Primeiru Ministru ne'e, tau took ba iha Tribunal mak hau ba hataan, atu haree took imi nia perguntas saida, pergunta beik teen ninian, se karik dehan hau naok osan hau ba hataan, sim mas atu ba husu fali problema sira ne'ebe parlamentu mak tenke husu bah au, ne'e hau la ba hataan," dehan nia. 

Kona-ba nia prezensa iha edifisiu MP iha segunda (16/6), PM Xanana dehan nia hasoru malu ho Prokurador Jeral daa Republika (PJR) Jose Ximenes, atu fo hatene ba PJR atu halao viazen ba Singapura. 

Maibe Xefe estadu la esplika klaru kona-ba konteudu husi vizita ba Singapura ne'e. Entertantu, deputadu Manuel Castro husu ba Primeiru Ministru Xanana atu labele intervein demais servisu justisa nian tanba se lae justisa sei la lao diak iha nasaun ida ne'e. 

"Hau husu ba Primeiru Ministru atu labele intervein iha kazu sira kona ba justisa nian," dehan Manuel, iha uma fukun PN kuarta (18/6). 

Nia dehan, ema ne'ebe mak preokupa kona ba partisipasaun Primeiru Ministru ho ADN iha prokurador jeral laos Parlamentu Nasional deit maibe inklui mos prezidenti Republika no sosieade sivil sira. 

"Ne'e laos ami deit mak kestiaona, Prezidente Republika mos kestiaona, sosieade sivil mos kestiaona maibe la ba ho ema seluk ba fali ho ADN, ne'e mak hanesan ami preokupa oituan," dehan Manuel. 
.