quarta-feira, 4 de junho de 2014

"Ajudus TL Ba Guine Bissau Iha Kiak Nia Leet"

.

Jornal Independente - Kuarta-Feira, 04 Junu 2014 

Politika Governu koligasaun lidera husi Primeiru Ministru Zanana Gusmao hodi ajuda orsamentu ba Republika Guine-Bissau iha prosesu resensiamentu eleitoral sai sai preokupasaun boot iha sosieade sivil, akademiku sira no povu balun. 

 Iha tinan ida ne'e (2014) Parlamentu Nasional (PN) aprova orsamentu estadu hamutuk millaun $6 Dolar Amerika hodi fo apoiu solidaridade ba Guine. 

Deputadu FRETILIN, Secar Valente de Jesus 'Piloto' sujere ba governu atu fo apoiu solidaridade ba nasaun seluk tenke haree mos realidade ekonomia moris povu nian ne'ebe sei kiak no mukit. 

"Ita presiza haree ita nia kondisaun moris povu nian antes ita ajuda nasaun seluk," dehan nia iha PN. Piloto afirma, orsamentu mimlaun $6 ne'ebe TL apoiu ba Guine-Bissau ne'e pasu pozitivu atu fo apoiu solidaridade hodi hasa'e no ajuda sira husi post konflitu. 

Maibe, tuir nia, iha futuru Timor-Leste atu fo apoiu orsamentu ho karakter solidaridade tenke haree no estuda uluk kondisaun ekonomia no moris povu rai laran nian. 

"Atu ita nia ukun an ne'e ho orsamentu husi riku soin Timor-Leste povu mos sente oituan ona ne'ebe ita lalika taka matan demais," dehan nia. Tanba, nia afirma, populasaun sente injustisa kuandu estadu hasai osan maibe sira nia kondisaun kotinua aat. 

"Laiha justisa kuandu ita nia povo kiak maibe ita hasai osan lubuk ida ajuda nasaun seluk," nia lamenta. 

Nune'e, tuir komunidade Caitano Orlando (34) hatete, ajuda ne'e diak hanesan nasaun ida presija halo, maibe presija hare mos kondisaun povu nia moris, tanba duke gasta osan barak hodi hatudu, maibe realdiade kondisaun povu nian sei moris iha mukit no kiak nia laran.
.

Sem comentários:

Publicar um comentário

Nota: só um membro deste blogue pode publicar um comentário.