segunda-feira, 16 de junho de 2014

"Bispu Ricardo Husu Sarani Labele Harohan Ba Osan"

.

Jornal Independente -Segunda-Feira, 16 Junu 2014

Uma Kreda Foun, Sao Miguel Arcanjo Surikmas, hetan inagurasaun husi Amu Bispo Dioseze Dili, Don Alberto Ricardo da Silva, Sabadu (14/6).

Amu Bispo hateten, uma kreda foun labele husik mamuk e sarani sira tenke badinas mai loro-loron, liliu iha Domingu, uma kreda hanesan sumbrina ba sarani katolika hodi hamaon aan iha laran.

Iha omilia, Bispu Ricardo hateten, uma kreda katolika husu sarani sira atu labele buka adora deit osan no adora deit mak kabun, tenki hametin nafatin edukasaun, respeita nafatin santu no uma kreda. "Ita hateten katak, uma kreda ne'e uma Maromak nian no fatin reza atu hahi'i, hana'i, adora, hasae no agradese ba maromak, husu tulun ba ema ne'ebe moris loron kalan tanba ne'e presiza respeita," dehan Bispu Ricardo.

Nia dehan, fulan ne'e fulan junu tinan 2014 Igreija foun, Igreija Furak Surik Mas nian simu ona maromak nia bensa hodi sai ba fatin orasaun, fatin santu. Entertantu, Xefi komisaun Organizadora, Fernando de Jesus Mendonca hateten, igreija foun ne'e hahu konstrui iha 2009 ho kalkulasaun orsamentu hamutuk U$12.070.

"Orsamentu ne'e prosentu 40 mai husi governu mak ajuda no husi Kompania lokal balun mos ajuda, maibe prosentu 70 ba konstrusaun ne'e mai husi bairu Surikmas A, Surikmas B, Osindo1, Osindo2 no 3, Baitu teki-teiku rain ain no Bairu Hali mahon," nia esplika. Nia informa kata, Igreija foun ne'e la'os konstrusaun husi padre Leandro, Parseira ho Filipina ida.
.

Sem comentários:

Publicar um comentário

Nota: só um membro deste blogue pode publicar um comentário.