sexta-feira, 13 de junho de 2014

"Copa Mundial 2014 TL Bele Asesu Liu Husi TVTL"

.
Foto de, Zizilinda ;) 
Notisia Husi TVTL - Kinta-Kalan, 12 Junu 2014 

Radio no Televizaun Timor-Leste (RTTL) sei halo transmisaun direta ba Copa Mundial 2014 iha Brazil. 

Liu husi esforsu ne'ebe Radio televizaun Timor-Leste ne'ebe reprejenta husi Mario Soares Kuarta-feira (11/6) dezloka kedas ba iha Jakarta hodi aranja ekipamentu ne'ebe presiza simu Sinal Copa Mundial iha Brazil. Mario Soares ho esforsu tomak konsege lori ekipamentus ne'e fila mai Dili Kinta-feira ne'e hodi garante ba Bola Mania sira katak, TVTL pronto ona fo sai transmisaun direta Copa Mudial Brazil husi abertura to'o remata. 

Prezidenti Bor-RTTL Milena Soares agradese no deklara katak, TVTL pronto fo sai Copa Mundial Brazil 2014. "lokraik diak ba Telespetadores no ba Mania Timor oan tomak katak, RTTL-EP liu husi Copa Mundial 2014 Brazil servisu hamutuk no hetan apoiu husi SEKOMS hakarak hato'o ba Timoroan tomak katak, RTTL pronto ona atu fo sai transmisaun direta Copa Mundial 2014 Brazil liu husi sinal RTTL, espera katak, durante fulan ida nia laran bele anima jogu Copa Mundial liu husi RTTL ba timor oan tomak," dehan Milena. 

Prezidenti Bor mos halo kedas enkontru ho nia estrutura sira hodi hare asuntu balun ne'ebe presiza hetan apoiu hodi garante transmisaun direta ba Copa Mundial ne'e bele la'o ho diak durante fulan ida nia laran. RTTL mos husu ba populasuan tomak katak, Bola Mania bele asisti iha kanal TVTL, maibe liu husi antena liur ka lokal la'os Parabola.
,

Sem comentários:

Publicar um comentário

Nota: só um membro deste blogue pode publicar um comentário.